D
Dina Sherif A.salam
:: مسافر ::
ازيكوا يا جماعه
المكان ده مش في المالديف لا
المكان ده هنا في مصر
دي الغردقه كمان مش الجونه ماشاءالله
ايوه
ده ريزورت اسمه بانوراما بانجلوس الغردقه
طبعا زي ماهو باين كدة
في أكواخ في البحر
وفي فندق وغرف عاديه عشان لو حد بيخاف من البحر
الفندق نضيف جدا
وطبعا الإقامه في البانجلو رائعه ماشاءالله
جوه الاوضه عاملين جزء من الأرض إزاز عشان تشوف البحر والسمك والكابوريا اللي بتعدي فيه
وطبعا النضافه جيدة جدا
ومستوى الأكل ممتاز
وكل العاملين في المكان محترمين جدا وماحسيتش بأي تفرقه في المعامله عن الأجانب
في انشطة ترفيهيه بيعملوا مسابقات يوميه
وفي انيميشن تيم بيرقصوا مع الناس وبيعملوا عروض مسلية
وفي كذا بيسين بأحجام مختلفه
وفيها اكوا بارك صغيره
سعر الليله في البانجلو كان ١١٠٠ فول بورد وبالسوفت درينكس لفردين
انا شايفاه رائع لشهر العسل
المكان بالليل حيوي ومش هاتحتاج تخرج بره او تروح الممشى
وعموما إذا حبيت تخرج موجود الممشى السياحي في مطاعم كتير وكافيهات مختلفه
وفي قرية الف ليله وليله فيها عروض حلوه صوت وضوء ورقص شرقي وعرض خيول وحاجات كتير
ومن الأماكن الرائعه فعلا أكواريوم ماجاويش عامل زي اي اكواريوم شوفته بره مصر
حلو ويستحق يتراح موجود فيه كل انواع السمك والترساه وفيه هياكل عضمية لكائنات بحرية إنقرضت وفيه كمان حديقه حيوانات مصغرة
وكمان في عرض للغواص مع القروش
وسعر التذكرة للمصريين ١٨٠ ولو كلمتهم قبل ماتروح بيعملولك ديسكونت
في كمان قريه اسمها ساند سيتي sand city
دي اكبر قريه في الشرق الاوسط فيها تماثيل من الرمل لشخصيات تاريخية واسطوريه وكمان كرتونيه
وفي مكان كمان في مول اسبيلندا في الممشى اسمه escape room غرفة الهروب
تجربة مميزة زي اللي هنا في القاهرة
بتدخل اوضه بعد مابتختار اللغز اللي يشدك وبتقعد فيها ساعه وبتحاول تحل اللغز وتخرج قبل الساعه ماتخلص ممتعه وشيقة جدا
اذا مالحقتش ووقتك خلص هما كده كده هايخرجوك مافيش اي حاجه تخوف ومناسبه لكل الاعمار
سعر تذكرتها ١٢٠ ولو عددكوا اكتر من ٥ ب ١٠٠
الالغاز الموجودة هما ٣ مقبرة الفراعنه - مكتب المحقق - المتحف المرعب
وطبعا مش هاننسى جزيرة الجفتون ورحلة اليخت والسباحه مع الدلافين
وقرية مصر المصغرة وده مكان فيه كل معالم مصر السياحيه بمقاسات صغيرة
وغواصة السندباد ودي الغواصه الوحيدة اللي بتنزل كامه تحت المايه كل الباقيين بيكونوا
Glass boat مراكب بس لها ارض زجاجية بتشوفوا منها الشعب والأسماك
اهم ٣ نصايح هاقولهم
اولا يفضل تنزل في فندق قريب من المطار او الممشى عشان ماتضربش كل يوم مسافه طويله
ثانيا إتفق مع التاكسي هاياخد كام قبل ماتركب لإن للأسف بيحاولوا يستغلوك بس مش كلهم في ناس ولاد حلال
ثالثا شمس الغردقة
مميته لو رايح في الصيف فالازم يكون معاك كاب او برنيطة او شمسية لإن الخروج الصبح بضربة شمس مافيهاش تفاهم ⛱
أخيرا الغردقه جميلة
واكتر حاجه حلوه فيها انك بتشوف كل الناس في نفس المكان
اجانب ومصريين ومحجبات ومنتقبات وكل واحد فيهم براحته ماحدش بيضايقه
يارب أكون عرفت أفيدكم
وماتنساش ان جنبك دهب وسهل حشيش تقدر تقضي يوم في كل مكان فيهم
ماشاءالله
الناس كلها قالت رأيها عن الغردقه إشمعنى انا يالمبي
وخليك فاكر إن مصر جميلة
#مصر_جميلة
#الغردقة
Instagram: dinaa.seraj لو عايزين تشوفوا صور تاني لأماكن مختلفه
المكان ده مش في المالديف لا
المكان ده هنا في مصر
دي الغردقه كمان مش الجونه ماشاءالله
ايوه
ده ريزورت اسمه بانوراما بانجلوس الغردقه
طبعا زي ماهو باين كدة
في أكواخ في البحر
وفي فندق وغرف عاديه عشان لو حد بيخاف من البحر
الفندق نضيف جدا
وطبعا الإقامه في البانجلو رائعه ماشاءالله
جوه الاوضه عاملين جزء من الأرض إزاز عشان تشوف البحر والسمك والكابوريا اللي بتعدي فيه
وطبعا النضافه جيدة جدا
ومستوى الأكل ممتاز
وكل العاملين في المكان محترمين جدا وماحسيتش بأي تفرقه في المعامله عن الأجانب
في انشطة ترفيهيه بيعملوا مسابقات يوميه
وفي انيميشن تيم بيرقصوا مع الناس وبيعملوا عروض مسلية
وفي كذا بيسين بأحجام مختلفه
وفيها اكوا بارك صغيره
سعر الليله في البانجلو كان ١١٠٠ فول بورد وبالسوفت درينكس لفردين
انا شايفاه رائع لشهر العسل
المكان بالليل حيوي ومش هاتحتاج تخرج بره او تروح الممشى
وعموما إذا حبيت تخرج موجود الممشى السياحي في مطاعم كتير وكافيهات مختلفه
وفي قرية الف ليله وليله فيها عروض حلوه صوت وضوء ورقص شرقي وعرض خيول وحاجات كتير
ومن الأماكن الرائعه فعلا أكواريوم ماجاويش عامل زي اي اكواريوم شوفته بره مصر
حلو ويستحق يتراح موجود فيه كل انواع السمك والترساه وفيه هياكل عضمية لكائنات بحرية إنقرضت وفيه كمان حديقه حيوانات مصغرة
وكمان في عرض للغواص مع القروش
وسعر التذكرة للمصريين ١٨٠ ولو كلمتهم قبل ماتروح بيعملولك ديسكونت
في كمان قريه اسمها ساند سيتي sand city
دي اكبر قريه في الشرق الاوسط فيها تماثيل من الرمل لشخصيات تاريخية واسطوريه وكمان كرتونيه
وفي مكان كمان في مول اسبيلندا في الممشى اسمه escape room غرفة الهروب
تجربة مميزة زي اللي هنا في القاهرة
بتدخل اوضه بعد مابتختار اللغز اللي يشدك وبتقعد فيها ساعه وبتحاول تحل اللغز وتخرج قبل الساعه ماتخلص ممتعه وشيقة جدا
اذا مالحقتش ووقتك خلص هما كده كده هايخرجوك مافيش اي حاجه تخوف ومناسبه لكل الاعمار
سعر تذكرتها ١٢٠ ولو عددكوا اكتر من ٥ ب ١٠٠
الالغاز الموجودة هما ٣ مقبرة الفراعنه - مكتب المحقق - المتحف المرعب
وطبعا مش هاننسى جزيرة الجفتون ورحلة اليخت والسباحه مع الدلافين
وقرية مصر المصغرة وده مكان فيه كل معالم مصر السياحيه بمقاسات صغيرة
وغواصة السندباد ودي الغواصه الوحيدة اللي بتنزل كامه تحت المايه كل الباقيين بيكونوا
Glass boat مراكب بس لها ارض زجاجية بتشوفوا منها الشعب والأسماك
اهم ٣ نصايح هاقولهم
اولا يفضل تنزل في فندق قريب من المطار او الممشى عشان ماتضربش كل يوم مسافه طويله
ثانيا إتفق مع التاكسي هاياخد كام قبل ماتركب لإن للأسف بيحاولوا يستغلوك بس مش كلهم في ناس ولاد حلال
ثالثا شمس الغردقة
مميته لو رايح في الصيف فالازم يكون معاك كاب او برنيطة او شمسية لإن الخروج الصبح بضربة شمس مافيهاش تفاهم ⛱أخيرا الغردقه جميلة
واكتر حاجه حلوه فيها انك بتشوف كل الناس في نفس المكان
اجانب ومصريين ومحجبات ومنتقبات وكل واحد فيهم براحته ماحدش بيضايقه
يارب أكون عرفت أفيدكم
وماتنساش ان جنبك دهب وسهل حشيش تقدر تقضي يوم في كل مكان فيهم
ماشاءالله
الناس كلها قالت رأيها عن الغردقه إشمعنى انا يالمبي
وخليك فاكر إن مصر جميلة
#مصر_جميلة
#الغردقة
Instagram: dinaa.seraj لو عايزين تشوفوا صور تاني لأماكن مختلفه