S
Salma Hydar
:: مسافر ::
المختصر المفيد لزياره روما
من تجاربى لقيت ان احسن حاجه انك تحجز اونلاين فندق فى التيرمينى(زى محطه مصر عندنا )اسعار مناسبه و قريب جدا من كل المواصلات و المطاعم و السوبر ماركت ..بعد ما تستلم شنطتك من المطار اول حاجه تعملها تحجز باص للتيرمينى رايح جاى علشان بعد ما تخلص رحلتك ترجع بيه للمطار تانى ..و ده بيباى بحوالى ٩ يورو رايح جاى ..تركب الباص و تنزل فى التيرمينى ..تعمل اشتراك تانى للمترو و الباصات داخل روما حسب مده زيارتك لو يوم ٧ يورو..يومين ١٢.٥ تلات ايام ١٨..كده تركب اى باص او مترو طول الوقت براحتك ..توصل للفندق و بعد ما ترتاح شويه تنزل تتفرج على جمال و عظمه روما و تعمل شوبنج براحتك و لازم تاكل جيلاتى طول الوقت احلى جيلاتو ممكن تدوقه فى حياتك ..نصيحه مهمه..احجز فندق بدون افطار (الفطار كرواسونايه و اتنين توست و مربى و قهوه بتسعه يورو )..ممكن تاخد فى شنطتك علبه جبنه..مربى..حلاوه و العيش و باقى لوازمك اشتريهم من السوبر ماركت ارخص كتير من المحلات اللى فى الشارع..ممكن بليل تقعد على اى رستوران عالرصيف تاكل بيتزايه..باستا..ريزوتو و تستمتع بموسيقى الشحاتين اللى بيعدوا عليك ....نصيحه تانيه ..متشتريش ميه..ميه الحنفيه متلجه و جميله..كمان فيه حنفيات الميه فى كل الشوارع متلجه و ببلاش..على فكره..فيه حنفيات ميه فواره فى الشوارع كمان متلجه و ببلاش... خد بالك من النشالين..روما كلها ممكن تمشيها على رجلك وانت مستمتع بكل ما فيها ..و كل ما تتعب اقعد عالرصيف كل جيلاتو او على كافيه و اشرب قهوه ..احلى حاجه فى روما انك تسيب نفسك تتوه فيها..صدقنى هتوصل للمكان اللى انت عايزه فى الاخر..و زى ما بيقولوا ..كل الطرق تؤدى الى روما...بونجورنو عليكم
من تجاربى لقيت ان احسن حاجه انك تحجز اونلاين فندق فى التيرمينى(زى محطه مصر عندنا )اسعار مناسبه و قريب جدا من كل المواصلات و المطاعم و السوبر ماركت ..بعد ما تستلم شنطتك من المطار اول حاجه تعملها تحجز باص للتيرمينى رايح جاى علشان بعد ما تخلص رحلتك ترجع بيه للمطار تانى ..و ده بيباى بحوالى ٩ يورو رايح جاى ..تركب الباص و تنزل فى التيرمينى ..تعمل اشتراك تانى للمترو و الباصات داخل روما حسب مده زيارتك لو يوم ٧ يورو..يومين ١٢.٥ تلات ايام ١٨..كده تركب اى باص او مترو طول الوقت براحتك ..توصل للفندق و بعد ما ترتاح شويه تنزل تتفرج على جمال و عظمه روما و تعمل شوبنج براحتك و لازم تاكل جيلاتى طول الوقت احلى جيلاتو ممكن تدوقه فى حياتك ..نصيحه مهمه..احجز فندق بدون افطار (الفطار كرواسونايه و اتنين توست و مربى و قهوه بتسعه يورو )..ممكن تاخد فى شنطتك علبه جبنه..مربى..حلاوه و العيش و باقى لوازمك اشتريهم من السوبر ماركت ارخص كتير من المحلات اللى فى الشارع..ممكن بليل تقعد على اى رستوران عالرصيف تاكل بيتزايه..باستا..ريزوتو و تستمتع بموسيقى الشحاتين اللى بيعدوا عليك ....نصيحه تانيه ..متشتريش ميه..ميه الحنفيه متلجه و جميله..كمان فيه حنفيات الميه فى كل الشوارع متلجه و ببلاش..على فكره..فيه حنفيات ميه فواره فى الشوارع كمان متلجه و ببلاش... خد بالك من النشالين..روما كلها ممكن تمشيها على رجلك وانت مستمتع بكل ما فيها ..و كل ما تتعب اقعد عالرصيف كل جيلاتو او على كافيه و اشرب قهوه ..احلى حاجه فى روما انك تسيب نفسك تتوه فيها..صدقنى هتوصل للمكان اللى انت عايزه فى الاخر..و زى ما بيقولوا ..كل الطرق تؤدى الى روما...بونجورنو عليكم
