A
Ahmed Rohayem
:: مسافر ::
تفاصيل وخطوات السفر الي #لبنان :-
انا كنت نزلت بوست قبل كده عن اللي محتاج يسافر معانا لبنان. فسافرت انا وحد من الجروب هنا وفي ناس رايحة الشهر ده تاني. وتلافيا لأي غلط انا عملته هناك وكلفني دفع فلوس زيادة فأنا هكتب الخطوات بداية من الحجز والسفر وحتي الرجوع........
اولا حجز الطيران والتصريح الأمني والتأشيرة :
الموضوع سهل جدااا واكيد كل المسافرين عارفين الخطوات بس زيادة توضيح مش اكتر .
احنا حجزنا من علي sky scanner قبل السفر بيومين وكان سعر التزكرة في حدود ٢٩٠٠ لأننا حجزنا بالفيزا فخدت عليها عموله محترمة. وده برده السعر اللي شفته في مكاتب الحجز في وسط البلد.
لكن كان عندي مشكلة ومشكلة كبيرة جدااااا. وهي اني كنت ظابط احتياط في الجيش ومش عارف ايه الإجراءات اللي اخد بيها تصريح السفر من الجيش.
المهم وده لكل حد دخل جيش سواء عسكري او ظابط انك لازم تاخد معاك صورة حجز الفندق وصورة من تذكرة السفر . ودوّل صاحبي اللي سافر معايا مشكورا عملهملي fake يعني اي نصب في نصب وأخدت التصريح.
تاني مشكلة وهيه مشكلة التصريح الأمني . رحت مبني التحرير وسالت هل انا ليه تصريح أمني . سألني علي الوظيفة وقلتله موظف حكومي . فقالب انته ملكش تصريح أمني. وصاحبي مهندس كمبيوتر وبرده ملهوش تصريح أمني.
قلنا الحمدلله . فاضل اكبر عقبة وهيه لازم يبقي معانا ٢٠٠٠ دولار. انا كان معايا ١٦٠٠ وصاحبي كان معاه باليورو بس فلوسه كامله. بس انا كان معايا كارتين كريديت ذهبي لبنكين مختلفين وده اللي أنقذني .
المهم اننا سافرنا ووصلنا مطار بيروت. وبالمناسبة ليك وزن ٥٠ كيلو مع مصر للطيران. المهم انك في المطار بتاخد التاشيرة بتاعة لبنان.
تمام؟ لا مش تمام لان بتاع التأشيرات بيخنسر منك خمس الاف ليرة يعني ٦٠ جنيه. لان التاشيرة عبارة عن طابع بريد كده تمنه ٢٥ الف ليرة ١٦ دولار . فيا ريت يكون معاك دولارات فكة.
المهم انك بتاخد الباسبور عشان تروح تحتمه من الظابط وهنا يجي دور الخنقة العظيمة.
بتروح زي الباشا واثق من نفسك وتقيل اوي لان لو باسبورك اول تأشيرةتاخدها فيه هيه لبنان هيسالك. شغال ايه وأبوك شغال ايه وكارنيه الشغل فين ومرات ابوك اسمها ايه. وجاي لبنان تعمل ايه وايه الأماكن اللي هتزورها وساكن فين في بيروت.
وجه للسؤال الصعب قاللي انته معاك ألفين دولار؟ قلتله معايا ١٨٠٠ ومرضيتش اقوله ١٦٠٠ وقالي والباقي فين . قلتله معايا كارتين ذهبي كريديت فيهم حوالي ٤ الاف دولار . بصلي من فوق لتحت وقالي اتفضل. بس انا عمري متحطيت في موقف كده. بالذات ان ده تالت باسبور ليه ودي كانت تاني فيزا فيه.
وصاحبي اللي معايا ولا ساله علي فلوس ولا ساله اي حاجة لان الباسبور كان مليان فيز. فكان بالنسبالهم أمان.
لكن هوه يا جماعة مش بيبص علي فلوس هوه بيسأل بس. ولو عاوز توهمه ابقي خد الدولارات معاك عشرات او عشرينات وهيتوهم.
دلوقتي خرجنا من المطار . نيجي لاهم نقطة في السفرية كلها.
(التاااااااااااااااكسي)
اوعي اوعي اوعي اوعي ثم اوعي تاخد تاكسي من بره المطار . لان ده شغال عداد والعداد بيجري زي الرهوان. اخد مننا ومنزلناش في المكان اللي عاوزين نروحه بالظبط بسبب عيد الاستقلال ٣٥ دولار . والراجل كان عاوز ياخد ٤٠ دولار تخيلوا سواق تاكسي بيعملوا مشوارين اقل واجب ممكن ياخد ١٠٠دولار يعني الشهر بيقببض ٥٤ الف جنيه.
لما تيجو تطلعوا من المطار متطلعوش من باب اللي تحت او من باب الزائرين الجدد لبيروت. اطلعوا الأسانسير للدور التاني هتلاقوا صاله المسافرين. دول بقي في عربيّات وتاكسيات بتوصلهم المطار وبعشر الاف ليرة تروح المكان اللي انته عاوزه. يعني هتوفر ٦٠٠ جنيه.$$$$
معلش طولنا عليكم . بس بيروت بلد غاليه جدا أغلي من اوروبا ولازم نبقي حريصين جدا.
البوست التاني هنتكلم فيه عن الفندق والأماكن اللي هنزورها
انا كنت نزلت بوست قبل كده عن اللي محتاج يسافر معانا لبنان. فسافرت انا وحد من الجروب هنا وفي ناس رايحة الشهر ده تاني. وتلافيا لأي غلط انا عملته هناك وكلفني دفع فلوس زيادة فأنا هكتب الخطوات بداية من الحجز والسفر وحتي الرجوع........
اولا حجز الطيران والتصريح الأمني والتأشيرة :
الموضوع سهل جدااا واكيد كل المسافرين عارفين الخطوات بس زيادة توضيح مش اكتر .
احنا حجزنا من علي sky scanner قبل السفر بيومين وكان سعر التزكرة في حدود ٢٩٠٠ لأننا حجزنا بالفيزا فخدت عليها عموله محترمة. وده برده السعر اللي شفته في مكاتب الحجز في وسط البلد.
لكن كان عندي مشكلة ومشكلة كبيرة جدااااا. وهي اني كنت ظابط احتياط في الجيش ومش عارف ايه الإجراءات اللي اخد بيها تصريح السفر من الجيش.
المهم وده لكل حد دخل جيش سواء عسكري او ظابط انك لازم تاخد معاك صورة حجز الفندق وصورة من تذكرة السفر . ودوّل صاحبي اللي سافر معايا مشكورا عملهملي fake يعني اي نصب في نصب وأخدت التصريح.
تاني مشكلة وهيه مشكلة التصريح الأمني . رحت مبني التحرير وسالت هل انا ليه تصريح أمني . سألني علي الوظيفة وقلتله موظف حكومي . فقالب انته ملكش تصريح أمني. وصاحبي مهندس كمبيوتر وبرده ملهوش تصريح أمني.
قلنا الحمدلله . فاضل اكبر عقبة وهيه لازم يبقي معانا ٢٠٠٠ دولار. انا كان معايا ١٦٠٠ وصاحبي كان معاه باليورو بس فلوسه كامله. بس انا كان معايا كارتين كريديت ذهبي لبنكين مختلفين وده اللي أنقذني .
المهم اننا سافرنا ووصلنا مطار بيروت. وبالمناسبة ليك وزن ٥٠ كيلو مع مصر للطيران. المهم انك في المطار بتاخد التاشيرة بتاعة لبنان.
تمام؟ لا مش تمام لان بتاع التأشيرات بيخنسر منك خمس الاف ليرة يعني ٦٠ جنيه. لان التاشيرة عبارة عن طابع بريد كده تمنه ٢٥ الف ليرة ١٦ دولار . فيا ريت يكون معاك دولارات فكة.
المهم انك بتاخد الباسبور عشان تروح تحتمه من الظابط وهنا يجي دور الخنقة العظيمة.
بتروح زي الباشا واثق من نفسك وتقيل اوي لان لو باسبورك اول تأشيرةتاخدها فيه هيه لبنان هيسالك. شغال ايه وأبوك شغال ايه وكارنيه الشغل فين ومرات ابوك اسمها ايه. وجاي لبنان تعمل ايه وايه الأماكن اللي هتزورها وساكن فين في بيروت.
وجه للسؤال الصعب قاللي انته معاك ألفين دولار؟ قلتله معايا ١٨٠٠ ومرضيتش اقوله ١٦٠٠ وقالي والباقي فين . قلتله معايا كارتين ذهبي كريديت فيهم حوالي ٤ الاف دولار . بصلي من فوق لتحت وقالي اتفضل. بس انا عمري متحطيت في موقف كده. بالذات ان ده تالت باسبور ليه ودي كانت تاني فيزا فيه.
وصاحبي اللي معايا ولا ساله علي فلوس ولا ساله اي حاجة لان الباسبور كان مليان فيز. فكان بالنسبالهم أمان.
لكن هوه يا جماعة مش بيبص علي فلوس هوه بيسأل بس. ولو عاوز توهمه ابقي خد الدولارات معاك عشرات او عشرينات وهيتوهم.
دلوقتي خرجنا من المطار . نيجي لاهم نقطة في السفرية كلها.
(التاااااااااااااااكسي)
اوعي اوعي اوعي اوعي ثم اوعي تاخد تاكسي من بره المطار . لان ده شغال عداد والعداد بيجري زي الرهوان. اخد مننا ومنزلناش في المكان اللي عاوزين نروحه بالظبط بسبب عيد الاستقلال ٣٥ دولار . والراجل كان عاوز ياخد ٤٠ دولار تخيلوا سواق تاكسي بيعملوا مشوارين اقل واجب ممكن ياخد ١٠٠دولار يعني الشهر بيقببض ٥٤ الف جنيه.
لما تيجو تطلعوا من المطار متطلعوش من باب اللي تحت او من باب الزائرين الجدد لبيروت. اطلعوا الأسانسير للدور التاني هتلاقوا صاله المسافرين. دول بقي في عربيّات وتاكسيات بتوصلهم المطار وبعشر الاف ليرة تروح المكان اللي انته عاوزه. يعني هتوفر ٦٠٠ جنيه.$$$$
معلش طولنا عليكم . بس بيروت بلد غاليه جدا أغلي من اوروبا ولازم نبقي حريصين جدا.
البوست التاني هنتكلم فيه عن الفندق والأماكن اللي هنزورها