Y
Yara Hossam Shehata
:: مسافر ::
عايزه احكى تجربتى مع فندق steigenberger aqua magic الغردقه فندق أكتر من رائع نضافه واهتمام وذوق حاجه كده فوق الوصف ،،المطعم خرافه والاكل فى منتهى النضافه والمعامله من ناس بروفيشنال تحس انك متوصى عليك او انك صاحب المكان ،اى حاجه كنا بنطلبها فى الغرفه الاقى اللى بيتصل يسال يتأكد ان الخدمه اتعملت واتعملت كويس ولا لا ،،الموقفين بقى اللى خلونى اكتب هنا ،،الموقف الاول دبلتى وقعت من ايدى وانا فى الاكوا وملاحظتش غير بعد ساعتين رجعتلهم على طول واحد نزل دور الاول وملاقهاش وأصروا ينزلوا واحد تانى وفعلا لاقاها الحمد لله كانوا فعلا بيساعدوا من قلبهم وعايزين يساعدونى وعايزه اذكر اسمهم هنا برده لأنهم ناس أمينه ومحترمه المنقذين عبد الرحمن فتحى ومحمد صبرى جزاهم الله كل خير ،،الموقف التانى ابنى وقع أتخبط فى وشه جامد وكان محتاج تلج لقيت الكل بيجرى يساعد وجه مسئول سأل زوجى اذا كانت الوقعه بسبب تقصير من الفندق وأكدنالهم انها شقاوه من الولد مش اكتر ومش غلطه حد وأصر ياخد رقم الغرفه ويبعت كادو ،،بجد فندق محترم وستاف محترمين تعديل للبوست اللى عايز يسال عالاسعار يتصل بالفندق ويسألهم أفضل لان السعر بيختلف من وقت لوقت تانى وهحط رقم الفندق مع الصور
