سؤال يا شباب لمن لديه خبره وعلم فضلا .. إن شاء...

[Waleed Hashem]

سؤال يا شباب لمن لديه خبره وعلم فضلا .. إن شاء الله مسافر تركيا من البحرين أنا مقيم في السعوديه وهرجع علي مصر من تركيا مباشرة علي مصر للطيران .. طبعا السفر من بره مش مطلوب تصريح أمني وده عادي .. السؤال هل لما هدخل مصر هيطلبوا مني أي تصريح أمني وممكن يوقفوني عليه وهل ممكن يكون فيه أي تساؤلات او ما شابه ..

أنا خلاص حجزت ولا يفضل الغي حجز مصر واجله وارجع لنفس الواجهه ولا عادي الامور بتمشي ؟

شكرا ليكم ..

 

[Mohamed Gamal]

ولا اي حاجه عن تجربه

 

[Ahmed Tawfeek]

باشا مافيش اي حاجة اتوكل علي اللة وعن تجربة

 

[Amr Dessouki]

التصريح الأمني ده تصريح للناس الي مسافره بعض الدول و مصر بيجيلها شكاوي ان ناسها بيجوا سياحه وما يرجعوش ويكسروا فيزا ويحاولوا يشتغلوا ..فمصر بتفرز الناس،الي خارجه علشان تتضمن الي حد ما مين الي مسافر وظروفه ايه
فأنت كده أصلا لا علاقه لك بالموضوع

 

[Ahmed Barakat Ibrahim]

عادي سافر

 

[Ahmed Nabil]

ولا اي سؤال توكل على الله

 

[Bassio Angilo]

يا جماعه من غير فتى كتير التصريح الامنى بيتطلب من السفارات هنا مع اوراق التقديم على الفيزا خصوصا للسفارات الاوروبيه لو انت مسافر لاول مره لدوله من دول الشينجن,وموخرا مطلوب لبغض الدول اللى فيها قلق زى سوريا , وليبيا , وتركيا , وقطر

 

[Bassio Angilo]

الهدف من التصريح الامنى انه بيعرف ايه الدول اللى انت كنت سافرتها قبل كده ,,,,القلق بيكون لو انت كنت سافرت باكستان او افغانستان (باختصار البلاد المتخصصه ف تدريب الارهابيين) ويا سلام لو كنت سافرتها اكتر من مره ,, ساعتها بيكون من الصعب انك تاخد الفيزا

 

[Abdulrahman Hafez]

لا عادي عن تجربة

 

[Seif Amer]

ازيك ورحله موفقه ان شاء الله وتركيا جميله بس خد بالك من التحذيرات والنصب والسرقه ويفضل تبقى مع شركة محترمه . بخصوص سؤالك : التصريح الامنى بيطلب فقط للمغادرين من الاراضى المصرية لأى دولة لها تصريح امنى والتصريح الامنى لا يطلب لو سافرت لاى من الدول اللى بتحتاج تصريح امنى من خارج مصر , يعنى مثال رحلتك محدش هيسالك عادى ومفيش اى مشكلة
التصريح الامنى كمان مش ثابت بمعنى : انك لو راجل سافرت قبل كدا ومفيش اى مشاكل امنيه عليك بمصر وطالع مثلا تركيا لبنان الخ . ظابط الجوازات مش هيطلب يبص فيه الا لو المهنه فى الباسبور طالب او بدون عمل , هوا فقط اضافه لمنع المطلوبين من المغادرة .

طيب هل فى مسائله قانونيه لو سافرت من بره ورجعت لمصر مباشرة كمان من البلاد المحتاج لها تصريح امنى ؟ الاجابه لا ولاتقلق . اخرهم سؤال والاجابه هتكون انها رحله سياحه او شغل عادى وشكرا .

طيب بالنسبه للتعليقات عشان فيها فتى كتير : الورقة اللى بتقول عدد الدول اللى سافرتها قبل كدا اسمها شهادة التحركات مش تصريح امنى , ودى بتطلب من بعض سفارات الدول الاوربية وليست كلها فى حالة ان دى اول مرة تسافر لدولة اوربية . فشهادة التحركات بتطلع من مجمع التحرير وبيذكر فيها الدول اللى سافرت لها قبل كدا وبتقوم بترجمتها وتقدمها مع اوراقك للسفاره مع العلم ان الورقة بيكون غيها غلطات احيانا ودول سافرتها بالفعل ومش بيكتبوها عادى والسفارات عارفه كدا .

بالتوفيق واستمتع برحلتك

 

[Ahmed Soliman]

كده بقي الحمدلله انت اطمنت
اتوكل على الله