A
Ahmed Mohamed
:: مسافر ::
الدليل التاريخي للولاده في البلاد الاجنبيه للحصول علي الجنسيه
اجابه علي سؤال : انا مراتي حامل أو انا واحدة حامل
ايه البلاد اللي بتعطي جنسيتها للطفل المولود فيها لو الاب والام طالعين سياحة
وهل الام والاب بيستفيدوا بعد ما الابن بياخد الجنسيه ولا مفيش اي استفادة ليهم
وهل الولادة بتكون مجانا ولا بفلوس
خلينا نتكلم في الموضوع دة بشكل اكبر ونجاوب علي كل الاسئله دي
===============================
1- قانونا وعلي الورق ( ركز اوي اوي في كلمه علي الورق دي ) في 29 بلد حول العالم ب تعطي حق للطفل المولود علي ارضهم بفيزا سياحه انه ياخد الجنسيه
لكن اللي يهمنا من ال 29 بلد دول هما 4 بلاد فقط
امريكا - كندا - البرازيل - الارجنتين
ليه ؟؟
لان انت هدفك انك تدي ابنك جنسيه قويه وانت تاخد اقامه وتعيش في بلد قويه .. لكن اسف يعني ابنك وانت هتستفيدوا ايه من انه ياخد الجنسيه الباكستانيه ؟؟ او الجنسيه الاوغانديه ؟؟ او الجنسيه السلفادوريه ؟؟ وهتعرف تعيش في باكستان او اوغندا او باقي بلاد النص عمر اللي بتدي للابن المولود علي اراضيها حق الجنسيه !
اكيد لا .. عشان كدة عمليا وعلي ارض الواقع مفيش غير 4 بلاد من اصل 29 بلد هما اللي تقدر تعمل فيهم موضوع الولادة واخذ الجنسيه
.
هنتكلم ف الجزء الاول بتاع النهاردة عن الولادة في البرازيل :
==============================
الطفل بمجرد ما بيتولد هناك بيحصل علي الجنسيه و من تاني يوم الاب أو الام بيقدروا يطلعوله شهادة ميلاد برازيليه وبعدها الاب والام يقدروا يقدموا علي الاقامه الدائمه
.
الباسبور البرازيلي بيدخل 156 دوله مجانا بدون فيزا منهم اوروبا كلها مجانا وبيسهلك اوي الحصول علي فيزا امريكا وكندا للسياحه
.
الولادة هناك فيها النوعين : مجانيه و بفلوس
مجانيه :
بتكون في المستشفيات الحكوميه ومابتدفعش ولا مليم سواء طبيعيه او قيصريه برضو مجانا والدوله تغطي العلاج للسائح والمقيم
.
والحكومه بتغطي كل شئ في مصاريف الولاده .. الكشوفات والتحاليل والتطعيمات والعلاج الشهري والمتابعه للام بعد الولادة
حتي لبن الطفل بعد الولادة كل دة بيكون مجانا
.
المجانيه يُفضل انك تعملها في الولايات الصغيره عشان قوائم الانتظار فيها والتأمين وصرف العلاج الشهري و كل دة بيكون اسهل ومش زحمه ومراتك بتاخد دور بدري بدري
.
عكس لو قدمت لمراتك علي الولادة المجانيه في المستشفيات الحكوميه لمدينه زي ساوباولو مثلا مدينه زحمه جدا ومتكدسه بالسكان يعني قوائم الانتظار فيها هتكون كبيره
( انت عشان تاخد معاد للكشف بس مجرد معاد للكشف المبدئي في مستشفي حكومي ف ساوباولو مثلا بتقعد 5 ايام بالميت )
.
ومش بعيد علي ما مراتك تاخد معاد وبعدين يتكشف عليها وبعدين يتحددلها معاد للولادة و دور معين .. وعلي ما ييجي دورها تكون ولدت في الشارع اساسا
وهتضطر ساعتها انك تدخلها المستشفيات اللي بفلوس
.
الولادة اللي بالفلوس :
1- اقل مستشفي في اقل ولايه برازيليه ب 4500 ريال برازيلي .. الف دولار اقل حاجه
2- كل حاجه هتبقي بفلوس حتي المتابعه بعد الولادة بفلوس
3- الدكاتره معظمهم ف المستشفيات الخاصه هيقولك اعمل قيصري عشان يدفعلك مبلغ وقدره
.
ف علي ايه وجع الدماغ دة كله ؟؟؟ انت من الاول اختار الولايات اللي عدد سكانها قليل عشان تاخد دور بدري بدري وتخلي مراتك تولد مجانا احسن
.
زي ما قولنا تكاليف الولادة كلها بالكامل مجانا شامله كل حاجه
لكن طبعا في تكاليف للسفر نفسه بقي
.
من اول تذكره الطيران مرورا ب مصاريف الورق والاقامه و السكن والاكل والشرب لمدة 4 شهور هناك ( ع اساس ان مراتك هتروح ف السابع مثلا ) وشهرين بعد الولادة كمان ..
.
يكفي اني اقولك بس ان ترجمه الورقه الواحدة ف البرازيل ب 150 ريال برازيلي ... يعني لو حبيت تترجم شهادة الميلاد بتاعتك وبتاعه المدام عشان الاقامه هتدفع استفتاح كدة 300 ريال برازيلي
.
دة غير باقي الورق اللي هتعمله هناك زي اثبات شهادة الزواج بينك وبين مراتك وترجمتها ,, الرقم الضريبي بتاعك ف البرازيل cpf , وثيقه اثبات محل اقامه في البرازيل , دة غير البروتوكول بتاعك
.
وكمان مصاريف المواصلات دة غير مصاريف المكتب او المحامي اللي هتستعين بيه لو مبتعرفش تتكلم برتغالي أو لو متعرفش حد هناك عربي تقعد عندة ويساعدك ...
.
من الاخر المصاريف بالسلطات بال بابا غنوج يتكلف حوالي 10 الاف دولار
.
يعني اعمل حسابك لو بتفكر ف الحوار دة لازم يكون معاك اقل واجب 10 الاف دولار و دي للمره المليون مصاريفك هناك مش مصاريف الولادة لان الولادة مجانيه
.
=========================================
اسئله شائعه :
1- لو المولود الابن دة اللي خد الجنسيه له اخ او اخت هل بياخدوا جنسيه زيه ولا مبياخدوش ؟؟؟؟
الاخ او الاخت للاخ صاحب الجنسيه بيدوهم اقامه الاول وبعدها ممكن يقدموا عالجنسيه بشرط ان يكون سن اخواته معداش 5 سنين .. تمنح الجنسية للاطفال الاقل من خمس سنوات ..
.
2- اجراءات الباسبور للابن المولود واجراءات الاقامه ل ابوة و امه بياخدوا وقت قد ايه تقريبا ؟؟
الباسبور للابن .. اولا .. من تاني يوم الولادة بتقدم لابنك للحصول علي شهادة الميلاد البرازيليه .. أسبوعين بمجرد الولاده بتطلع شهادة الميلاد وبعدين تروح تطلع الباسبور
والاقامات للاب والام بيقدموا عليها في البوليس الفيدرالي وبتستلمها بعد شهرين تقريبا
.
3- ينفع بعد ما اخد الاقامه ليا ولمراتي نرجع مصر ونعيش فيها علي طول وبعد كام سنه ارجع اخد الجنسيه انا و زوجتي كأننا رايحين السوبر ماركت نشتري جنسيه ونمشي ؟؟؟؟
لا للاسف .. مفيش جنسيه بتشتريها من السوبر ماركت .. لو الاب والام عايزين ياخدوا الجنسيه البرازيليه لازم يعملوا حاجتين :
1- يكون اقاموا في البرازيل لمدة سنه كامله ع الاقل بعد حصولهم علي الاقامه الدائمه
2- الاب والام يتقنوا اللغه البرتغالي اتقان تام استماع وتحدث وكتابه وهيمتحنوا فيها
.
4- طيب ايه اجراءات الحصول علي فيزا سياحه للبرازيل اساسا ؟؟
كشف حساب بنكي لاخر 3 شهور
اتش ار ليتر من شغلك
تامين صحي من اي شركه تأمين
حجز فندق لفتره الاقامه
وحجز طيران مبدئى
صورتين شخصيه خلفيه بيضاء
وتملي ابليكيشن من النت وحوالي 80 دولار رسوم
مدة فيزا السياحه : سنه مالتي انتري .. بتاخد ختم دخول 3 شهور وليك حق تجددها 3 شهور كمان
.
5- صاحبتششششي فووووووولاااااانه قالتلي انها ولدت في البرازيل ومدفعتش اكثر من خوووومسوووميه دووولار بس شاكب راكب
جميل ابقي روحي لصاحبتك بقي يختي تسفرك وتولدك وتطلعلك اقامه بال 500 دولار دول .. مش صاااحبتشششيك قالتلك ؟ روحيلها يا حبيبتي جايه هنا ليه بقي
.
6- هل ينفع اثناء ما مراتي بتولد خلال الشهرين دول اقلب عيشي و القط رزقي واشتغل اي حاجه اهو اساعد في المصاريف بدل منا عمال اصرف وخلاص كدة ؟؟
لو انت مهنتك مهنه عليا زي دكتور مهندس محامي الخ الخ ف للاسف مش هتعرف تشتغل ومراتك بتولد
لكن لو انت حداد - خراط - ميكانيكي - سباك - دهان - نقاش .. هتعرف تشتغل من تحت لتحت بدون ورق من ورا الحكومه مع العرب اللي عايشين هناك خصوصا اللبنانيين خلال فتره ولادة مراتك
.
7- ينفع اطلع بمراتي في نص الشهر الثامن او بدايه التاسع الطياره عشان اوفر الفلوس ويبقي يادوب تروح اسبوع تولد ونرجع بدل المصاريف اللي هدفعها في الاربع شهور ع الفاضي دي ؟؟؟
.
هو بعيدا عن ان دة بخل و نتانه وانا لو مراتك وقولتلي الكلام دة هرفع عليك قضيه خلع فورا بس ما علينا ..
مينفعش مراتك تركب الطياره وهي ف الثامن او التاسع حتي لو معاها شهادة طبيه من دكتور مصري مش هيطلعوها الطياره اساسا
دة غير ان لو هي ف الثامن او التاسع مش هيدخلوها البرازيل اساسا وهيرجعوها من المطار عشان عارفين انها جايه تولد
وحصلت حالات كتير كدة الفتره الاخيره ان سلطات المطار بتاع البرازيل اكتشفت زوجات كتير حوامل باين عليهم الحمل اوي ف رجعوهم
.
وحتي لو وافقوا انهم يطلعوها ف الثامن .. يا اخي حس علي دمك دي مراتك اغلي من الفلوس .. لازم يتابعوها كويس شهرين بالميت مثلا قبل الولاده .. عشان لو عندها ضعف يدوها ادويه علي ما ييجي معاد الولادة .. .. لو عندها نزيف مثلا او حاله الجنين مش كويسه يعالجوها ويتابعوها كويس
لكن تضحي بمراتك عشان مستخسر فيها كام الف ايجار سكن و مصاريف مواصلات و اكل وشرب هناك !!
=================================
حاولت اغطي كل اللي اعرفه عن الولادة في البرازيل من ناس اعرفهم راحوا و ولدوا هناك .. ومن ناس عايشه هناك و من مصادر رسميه
.
نتكلم الحلقه الجايه باذن الله عن الولادة في امريكا وكندا
اقعدوا بالعافيه
اجابه علي سؤال : انا مراتي حامل أو انا واحدة حامل
ايه البلاد اللي بتعطي جنسيتها للطفل المولود فيها لو الاب والام طالعين سياحة
وهل الام والاب بيستفيدوا بعد ما الابن بياخد الجنسيه ولا مفيش اي استفادة ليهم
وهل الولادة بتكون مجانا ولا بفلوس
خلينا نتكلم في الموضوع دة بشكل اكبر ونجاوب علي كل الاسئله دي
===============================
1- قانونا وعلي الورق ( ركز اوي اوي في كلمه علي الورق دي ) في 29 بلد حول العالم ب تعطي حق للطفل المولود علي ارضهم بفيزا سياحه انه ياخد الجنسيه
لكن اللي يهمنا من ال 29 بلد دول هما 4 بلاد فقط
امريكا - كندا - البرازيل - الارجنتين
ليه ؟؟
لان انت هدفك انك تدي ابنك جنسيه قويه وانت تاخد اقامه وتعيش في بلد قويه .. لكن اسف يعني ابنك وانت هتستفيدوا ايه من انه ياخد الجنسيه الباكستانيه ؟؟ او الجنسيه الاوغانديه ؟؟ او الجنسيه السلفادوريه ؟؟ وهتعرف تعيش في باكستان او اوغندا او باقي بلاد النص عمر اللي بتدي للابن المولود علي اراضيها حق الجنسيه !
اكيد لا .. عشان كدة عمليا وعلي ارض الواقع مفيش غير 4 بلاد من اصل 29 بلد هما اللي تقدر تعمل فيهم موضوع الولادة واخذ الجنسيه
.
هنتكلم ف الجزء الاول بتاع النهاردة عن الولادة في البرازيل :
==============================
الطفل بمجرد ما بيتولد هناك بيحصل علي الجنسيه و من تاني يوم الاب أو الام بيقدروا يطلعوله شهادة ميلاد برازيليه وبعدها الاب والام يقدروا يقدموا علي الاقامه الدائمه
.
الباسبور البرازيلي بيدخل 156 دوله مجانا بدون فيزا منهم اوروبا كلها مجانا وبيسهلك اوي الحصول علي فيزا امريكا وكندا للسياحه
.
الولادة هناك فيها النوعين : مجانيه و بفلوس
مجانيه :
بتكون في المستشفيات الحكوميه ومابتدفعش ولا مليم سواء طبيعيه او قيصريه برضو مجانا والدوله تغطي العلاج للسائح والمقيم
.
والحكومه بتغطي كل شئ في مصاريف الولاده .. الكشوفات والتحاليل والتطعيمات والعلاج الشهري والمتابعه للام بعد الولادة
حتي لبن الطفل بعد الولادة كل دة بيكون مجانا
.
المجانيه يُفضل انك تعملها في الولايات الصغيره عشان قوائم الانتظار فيها والتأمين وصرف العلاج الشهري و كل دة بيكون اسهل ومش زحمه ومراتك بتاخد دور بدري بدري
.
عكس لو قدمت لمراتك علي الولادة المجانيه في المستشفيات الحكوميه لمدينه زي ساوباولو مثلا مدينه زحمه جدا ومتكدسه بالسكان يعني قوائم الانتظار فيها هتكون كبيره
( انت عشان تاخد معاد للكشف بس مجرد معاد للكشف المبدئي في مستشفي حكومي ف ساوباولو مثلا بتقعد 5 ايام بالميت )
.
ومش بعيد علي ما مراتك تاخد معاد وبعدين يتكشف عليها وبعدين يتحددلها معاد للولادة و دور معين .. وعلي ما ييجي دورها تكون ولدت في الشارع اساسا
وهتضطر ساعتها انك تدخلها المستشفيات اللي بفلوس
.
الولادة اللي بالفلوس :
1- اقل مستشفي في اقل ولايه برازيليه ب 4500 ريال برازيلي .. الف دولار اقل حاجه
2- كل حاجه هتبقي بفلوس حتي المتابعه بعد الولادة بفلوس
3- الدكاتره معظمهم ف المستشفيات الخاصه هيقولك اعمل قيصري عشان يدفعلك مبلغ وقدره
.
ف علي ايه وجع الدماغ دة كله ؟؟؟ انت من الاول اختار الولايات اللي عدد سكانها قليل عشان تاخد دور بدري بدري وتخلي مراتك تولد مجانا احسن
.
زي ما قولنا تكاليف الولادة كلها بالكامل مجانا شامله كل حاجه
لكن طبعا في تكاليف للسفر نفسه بقي
.
من اول تذكره الطيران مرورا ب مصاريف الورق والاقامه و السكن والاكل والشرب لمدة 4 شهور هناك ( ع اساس ان مراتك هتروح ف السابع مثلا ) وشهرين بعد الولادة كمان ..
.
يكفي اني اقولك بس ان ترجمه الورقه الواحدة ف البرازيل ب 150 ريال برازيلي ... يعني لو حبيت تترجم شهادة الميلاد بتاعتك وبتاعه المدام عشان الاقامه هتدفع استفتاح كدة 300 ريال برازيلي
.
دة غير باقي الورق اللي هتعمله هناك زي اثبات شهادة الزواج بينك وبين مراتك وترجمتها ,, الرقم الضريبي بتاعك ف البرازيل cpf , وثيقه اثبات محل اقامه في البرازيل , دة غير البروتوكول بتاعك
.
وكمان مصاريف المواصلات دة غير مصاريف المكتب او المحامي اللي هتستعين بيه لو مبتعرفش تتكلم برتغالي أو لو متعرفش حد هناك عربي تقعد عندة ويساعدك ...
.
من الاخر المصاريف بالسلطات بال بابا غنوج يتكلف حوالي 10 الاف دولار
.
يعني اعمل حسابك لو بتفكر ف الحوار دة لازم يكون معاك اقل واجب 10 الاف دولار و دي للمره المليون مصاريفك هناك مش مصاريف الولادة لان الولادة مجانيه
.
=========================================
اسئله شائعه :
1- لو المولود الابن دة اللي خد الجنسيه له اخ او اخت هل بياخدوا جنسيه زيه ولا مبياخدوش ؟؟؟؟
الاخ او الاخت للاخ صاحب الجنسيه بيدوهم اقامه الاول وبعدها ممكن يقدموا عالجنسيه بشرط ان يكون سن اخواته معداش 5 سنين .. تمنح الجنسية للاطفال الاقل من خمس سنوات ..
.
2- اجراءات الباسبور للابن المولود واجراءات الاقامه ل ابوة و امه بياخدوا وقت قد ايه تقريبا ؟؟
الباسبور للابن .. اولا .. من تاني يوم الولادة بتقدم لابنك للحصول علي شهادة الميلاد البرازيليه .. أسبوعين بمجرد الولاده بتطلع شهادة الميلاد وبعدين تروح تطلع الباسبور
والاقامات للاب والام بيقدموا عليها في البوليس الفيدرالي وبتستلمها بعد شهرين تقريبا
.
3- ينفع بعد ما اخد الاقامه ليا ولمراتي نرجع مصر ونعيش فيها علي طول وبعد كام سنه ارجع اخد الجنسيه انا و زوجتي كأننا رايحين السوبر ماركت نشتري جنسيه ونمشي ؟؟؟؟
لا للاسف .. مفيش جنسيه بتشتريها من السوبر ماركت .. لو الاب والام عايزين ياخدوا الجنسيه البرازيليه لازم يعملوا حاجتين :
1- يكون اقاموا في البرازيل لمدة سنه كامله ع الاقل بعد حصولهم علي الاقامه الدائمه
2- الاب والام يتقنوا اللغه البرتغالي اتقان تام استماع وتحدث وكتابه وهيمتحنوا فيها
.
4- طيب ايه اجراءات الحصول علي فيزا سياحه للبرازيل اساسا ؟؟
كشف حساب بنكي لاخر 3 شهور
اتش ار ليتر من شغلك
تامين صحي من اي شركه تأمين
حجز فندق لفتره الاقامه
وحجز طيران مبدئى
صورتين شخصيه خلفيه بيضاء
وتملي ابليكيشن من النت وحوالي 80 دولار رسوم
مدة فيزا السياحه : سنه مالتي انتري .. بتاخد ختم دخول 3 شهور وليك حق تجددها 3 شهور كمان
.
5- صاحبتششششي فووووووولاااااانه قالتلي انها ولدت في البرازيل ومدفعتش اكثر من خوووومسوووميه دووولار بس شاكب راكب
جميل ابقي روحي لصاحبتك بقي يختي تسفرك وتولدك وتطلعلك اقامه بال 500 دولار دول .. مش صاااحبتشششيك قالتلك ؟ روحيلها يا حبيبتي جايه هنا ليه بقي
.
6- هل ينفع اثناء ما مراتي بتولد خلال الشهرين دول اقلب عيشي و القط رزقي واشتغل اي حاجه اهو اساعد في المصاريف بدل منا عمال اصرف وخلاص كدة ؟؟
لو انت مهنتك مهنه عليا زي دكتور مهندس محامي الخ الخ ف للاسف مش هتعرف تشتغل ومراتك بتولد
لكن لو انت حداد - خراط - ميكانيكي - سباك - دهان - نقاش .. هتعرف تشتغل من تحت لتحت بدون ورق من ورا الحكومه مع العرب اللي عايشين هناك خصوصا اللبنانيين خلال فتره ولادة مراتك
.
7- ينفع اطلع بمراتي في نص الشهر الثامن او بدايه التاسع الطياره عشان اوفر الفلوس ويبقي يادوب تروح اسبوع تولد ونرجع بدل المصاريف اللي هدفعها في الاربع شهور ع الفاضي دي ؟؟؟
.
هو بعيدا عن ان دة بخل و نتانه وانا لو مراتك وقولتلي الكلام دة هرفع عليك قضيه خلع فورا بس ما علينا ..
مينفعش مراتك تركب الطياره وهي ف الثامن او التاسع حتي لو معاها شهادة طبيه من دكتور مصري مش هيطلعوها الطياره اساسا
دة غير ان لو هي ف الثامن او التاسع مش هيدخلوها البرازيل اساسا وهيرجعوها من المطار عشان عارفين انها جايه تولد
وحصلت حالات كتير كدة الفتره الاخيره ان سلطات المطار بتاع البرازيل اكتشفت زوجات كتير حوامل باين عليهم الحمل اوي ف رجعوهم
.
وحتي لو وافقوا انهم يطلعوها ف الثامن .. يا اخي حس علي دمك دي مراتك اغلي من الفلوس .. لازم يتابعوها كويس شهرين بالميت مثلا قبل الولاده .. عشان لو عندها ضعف يدوها ادويه علي ما ييجي معاد الولادة .. .. لو عندها نزيف مثلا او حاله الجنين مش كويسه يعالجوها ويتابعوها كويس
لكن تضحي بمراتك عشان مستخسر فيها كام الف ايجار سكن و مصاريف مواصلات و اكل وشرب هناك !!
=================================
حاولت اغطي كل اللي اعرفه عن الولادة في البرازيل من ناس اعرفهم راحوا و ولدوا هناك .. ومن ناس عايشه هناك و من مصادر رسميه
.
نتكلم الحلقه الجايه باذن الله عن الولادة في امريكا وكندا
اقعدوا بالعافيه