من الملاحظات من وجهه نظر شخصيه .. إن...

[Steven Gerrard Bergkamp]

من الملاحظات من وجهه نظر شخصيه ..
إن المشاركات علي الجروب عاليه جدا جدا ... خصوصا في البوستات اللي مالهاش أي هدف. .أو فائدة تعود علي ادمنز الجروب. ..وأعضاء الجروب ..من معلومه أو تجربه نستفاد منها كلنا أو فكرة ..... وللأسف البوستات .. اللي ليها هدف وقدر من المعلومات ا وتجارب نكتسب منها خبرة في السفر . بتكون المشاركه عليها ضعيفه جدا .. !!!!!!! طيب ياعم انت هتوجعلنا دماغنا بالكلمتين دول ليه ماتخليك في حالك. .. ونمشيها... بحبك في الهلس ياطعم. ... أحب اقولك ياللي بتقول كدة .... إننا عمرنا ماهنتعلم ... من الناس اللي عاوزين نسافرلهم...حاجه ....كل حاجه ليها وقتها ومكانها. .فكرة الجروب كيفيه الوصول بطريق مختصر للحضارات التانيه كلنا هنا بنساعد بعض ونقل وجهات النظر في إطار السفر فقط لا غير الموضوع مش محتاج نقلب كل شويه بوست هلس وهزار خارج إطار الاحترام مع استخدام كلمات كل واحد حسب البيئه بتاعته. . و احنا فعلا بنطبق. ..الشعب دة ابن ..؟...... نكته. ...برجاء الحفاظ على إطار الجروب. .والمشاركه في البوستات اللي فعلا ليها هدف في الجروب .و..تشجيع اللي تعب في كتابه تفاااصيل ممكن تساعدنا كلنا حتي من باب المجاملة... زاي ما احنا بنجامل البوستات الفاضية اللي مالهاش أي قيمه ..واسف للاطاله

 

[Mahmoud Farouk]

Good notifications

 

[أحمد حسني]

فيه بوستات ماينفعش حد يرد عليها الا لو حد ليه خبره مؤكده بالموضوع ، فمعظم الناس بتخاف ترد عشان صاحب البوست مايلزقش في الحيط ، و فيه بوستات اصحابها بيكتفوا بصورهم من غير ما يقولوا معلومات و برضه الاغلبية بيكتفوا بالفرجه و خلاص بالاضافة لتكرار الاسئلة عن نفس الموضوع فبيبقى الرد شيئ ممل جدا .
بالاضافة ان ضغط الحياه هنا بيخلي الاغلبية تميل لاي موضوع في اللالالاند للتنفيس .
بس صدقني لو ماكنش عدد كبير بيستفيد من الجروب ماكنتش هتلاقي الاقبال ده كله و كان هيتنسي زي اي حاجه جديدة بيضيع شغفها

 

[Ta Lin]

❤❤✌

 

[Mohamed Ali]

انا عملت بوست بس مستني approval فهتضطر احطه هنا لان الموضوع urgent:

بعد إذن حضرتكوا كنت عاوز مساعدة في البنك العربي الافريقي فرع العتبه" لو حد يقدر يساعدني

الموضوع urgent ومحتاج bank statement لحساب والدي عشان الفيزا... السفارة طلبته فجأه(طالبينه انهرده وماكسيمم بكره) والمشكلة ان والدي عنده ظروف صحيه ومجددش البطاقه بقاله فتره ومش بيرضو يدوله كشف حساب لانها منتهيه... حصل موقف قبل كده ووالدي وصل للمدير وحلهوله لكن الوقت ضيق جدا.
فلو ممكن كونتاكت لمدير او موظف ف البنك يقدر يساعدني في الموضوع دا، وعادي ممكن لو محتاجين اقرار او حاجه، والدي يكتبه بطاقتي الشخصيه تثبت اني ابنه

 

[Zahra Shahien]

اساعد ليه لما واحد يعملي spam علي كومنت كنت كتبت فيه تجربتي مع شخص عنده page و بيطلع سفاري
علشان المحترم ده عنده page و بيطلع برده رحلات
و لما اسأل علي الادمن محدش يرد

 

[Steven Gerrard Bergkamp]

عند حضرتك
Steven Gerrard Bergkamp
Moutaz Mohamed
Hend Salem
Sara Hassan
ادمن الجروب
حضرتك لو كلمتي حد فينا ومارديش يبقي اكيد كان مشغول
Zahra Shahien

 

[Khaled Kamr]

انت فين من زمان..اتمنى يكون فى افعال تسيطر على الموضوع ده مش بس اقوال..انت قولت كل اللي عايز اقوله

 

[Rock Pop]

شكرا على البوست و الدعوه للمشاركه بفاعليه فى البوستات الهادفه ..لكن فين دور الادمنز مش انتو المسؤلين عن نشر و الموافقه على البوستات الغير هادفه او الاعلانيه ..البوست قبل النشر لازم يوافق عليه ادمن ؟؟ امس كان فى بوست و احد بيسال عن اسم شركه سياحه فى البوست نفسه مش فى الكومنتات .طبعا واحد من الادمنز نشر البوست ( المخالف لقوانين الجروب ) و قبل كده قلت لواحد ممنوع نقول اسماء شركات سياحه..رده كان ان الادمن نشر البوست يعنى موافق و البوست مفيهوش اى شئ مخالف و لو ا/ معتز بالصدفه شاف كومنت فى اسم شركه بيلوم صاحب الرد و يغلق التعليق ..و كان الاعضاء البتساعد هى المخطئه فقط ..ا/ معتز قال قبل كده ان بيجى حوالى 100 بوست فى اليوم و انا اقترحت عليه انها تتقسم على الادمنز و كل واحد حياخد دقائق بسيطه فى مراجعه البوست قبل النشر. و ممكن يكون فى اساليب اخرى لمراجعه البوستات اكتر من 200 الف عضو .هى مسؤايه كبيره و انتم قبلتم تتحملوها ربنا يكون فى عنكم اعتقد الغالبيه عايزه تساعد و تستفيد و تحترم القوانين لكن الادمنز يحاولوا يفلتروا شويه نوعيه البوستات و الاسئله لان الاعضاء مش هم الحيفلتروها ..الكلام دا انا ذكرته من قبل ل ا/ معتز من اجل المساعده فى تطوير الصفحه الرائعه و اعتقد انه شئ يضايق لما نلاقى ناس بيقوا اسماء شركات سياحه علشان يساعدوا حد و الواحد مش عايز يخالف القوانين او يتعملوا بلوك لكن ياريت تسامحونا لما يكون البوست بيسال عن اسماء شركات و فى الكومنتات ناس بتقول اسماء ... احنا كمان ممكن نساعد مثلهم و شكرا لوقتك و مجهودكم الرائع و بالتوفيق

 

[Mohmed Abozaeq Siwa]

هل انا بس المحظور عن النشر ولا ايه رغم أنى ماطلعتش عن الهدف المنشود للجروب

 

[Viola Shawky]

انا عاوزة اسال عاوزة اسافر مش عارف اكتب علي الجروب امال انا مشتركة ليه بلاقي ناس كاتبة عادي اشمعني انا

 

[Mohmed Abozaeq Siwa]

فى ساعات بيتوقف النشر لما بيوصل طلبات الموافقة ل 100 طلب نشر شقرى كم مرة ف اليوم هتلاقي خانة الشر نشطة Viola Shawky

 

[Nelly Ashraf Ramadan]

ساعات فعلا الأسئلة بتبقي خارج الهدف من الجروب بس برضه الناس عايزة اي حد يفيدها و طالما كلنا بنحاول نساعد بعض يبقى ايه المشكلة ؟