لو حابب اروح الأقصر وأسوان ف شهر العسل. هيكون...

[Mohamed Abdelkader]

نايل كروز ظريفة بس ولو ملكش في جو المعابد والاثار مش هتنبسط وطبعا الحجز من مصر احسن
شهر العسل لو في شرم او الغردقة all inclusive متخرجش من الفندق احسن 100مرة

 

[Ehab Ha]

فندق مع نفسك أكيد

 

[Ahmed Badr]

الكروزه هتبقي روعه طبعا ممكن حضرتك تحجز اقامه بس ع الكروز وده هيكون شامل حفلات وكل حاجه ع الكروز.....عايز افضل بواخر وغير كده مفيش هناخدها بالترتيب رقم ١ البواخر صن بوت ٤/٣/٢ وبعد كده الباخرة زهرة وفيلا دووول اعلي مستوي ف بواخر النيل
ثم المستوي اللي بعد كده الباخرة لوفايان والباخرة سونستا والباخرة تمرحنه والباخرة فرح
غير كده بواخر عادية ممكن تعجبك نوعا ما لكن انا مضمنهاش بصراحه

 

[Manar H. Mohamed]

هتنبسط جدا في اسوان

 

[Nora Nabil]

الكروز تحففففه بس هتتفحتوا مزارات

 

[Nona Lamoo]

حضرتك الرحلة هتبقي مجهدة جدااااااا ومزارات كتيرة .اكيد ممتعة لكن مش لشهر عسل . لو تقدر تروح الغردقة أو دهب أعتقد هتكون أنسب .مبروك مقدما

 

[Eman El Bedawy]

الاقصر وأسوان عاوزة تفرغ وصحة للمشي والمزارات ...شهر العسل احسن شرم او الغردقة ولو الفلوس اكتر روح مرسى علم أو سهل حشيش

 

[Basma Mahmmoud]

انا بحب الفنادق الصراحة عن الكروزات بيجيلك حالة شبع من البلد يعنى اسوان لو كروز بدايتها اسوان مش هتلحق تتفسح وتشوفها بالليل وتقع على النيل براحتك وتزور كل الاماكن

 

[Reham Hussain]

اسوان كانت ممتازه و انبسطنا جدا في شهر العسل هدوء و ناس طيبين احنا كنا غي اوتيل و رحنا مزارات مع نفسنا لكن الكروز ممكن تكون لطيفه برضه، الف مبرو ك

 

[Mohamed Khattab]

كروز احلي طبعا

 

[Robe Ansary]

انا نفسي احجز كروز الموفنبيك أو شتيجربرج من الشتا الي فات مقفولة علي Booking حد يعرف احجز فيهم ازاي

 

[Enas Elazab]

نايل كروز طبعا

 

[Ramy A. Bakry]

رحت شهر العسل ف كروز رويال ايزادورا . كانت حلوة جدا

 

[Enas Abusamra]

عن تجربة
اجمل ايام قضيتها فالبيت النوبى
نضافة و اكل تحفة
غير جو النوبة و هواها النقى
النيل كروز حلو بس الاجمل البيت النوبى

 

[حماده الوزير]

فى شركه اسمه جرتسيا تورز متخصصه فى الكروز الاقصر واسوان عن تجربه اعمل بحث عنهم

 

[Hosam Morad]

خاص

 

[Asmaa Gomaa Hefnawy]

طيب احلى برنامج تعمله ف حياتك انك تاخد نيل كروز لمده 4 ليالي من الاقصر لاسوان وبعدين تنزل ع اسوان غرب سهيل وتقعد كام ليله ف مكان اسمه اناكاتو تحفه تحفه هو بيت نوبي بس قظيع النوبه رهيبه هتنبسط فيها جدا جدا جدا وربنا يتمملك بخير . أنا منظمه يرامج سياحيه ودا البرنامج الانجح ع الاطلاق هناك

 

[Saied Dardery]

بص هي كويسه . بس مش مناسبه لشهر العسل ..
عندي في الشركه كنت عامل حاجه ميكس نايل كروز من اسوان الي الاقصر ٣ليالي و بعدين ترانسفير للغردقه و في الغردقه بنحجز لهم ٣ ليالي تاني. و الباكدج ده فرقع جدا .. لانه شامل حاجات اثريه و بعدها ريزورت و بحر ...بس كان في الشتا مش الصيف يعني علي ١٢&١&٢&

 

[Gehan Sherif]

F

 

[Mostafa Hussein]

المزارات م الاقصر لغايه اسوان كتيره جدا و هتزهق
حضرتك ممكن تنزل ف فندق مع نفسك تروح وادي الملوك و الاماكن المشهوره بس و تركب المنطاد لو لسا شغال عشان مش متأكد الصراحه
و تيجي اسوان تلفلف براحتك البلد صغيره و الاماكن و المعابد فيها جمب النيل و فوسط النيل دا غير غرب سهيل و النوبه و الفنادق الموجوده ف غرب سهيل ال ممكن تاخد فيها يوم او يمين بمنظر ع النيل علطول
و في صفحه مشهوره اسمها welcome to gharb sohil
فيها كل التفاصيل و الرحلات و الصور