في ظاهرة غريبه ان كل الناس اللي بتسأل ع مصايف...

[Ahmed Mohamed]

في ظاهرة غريبه ان كل الناس اللي بتسأل ع مصايف او اماكن يروحوها ف الصيف دة وتلاقي كل الكومنتات تقترح عليهم دهب والجونه والغردقه
يا اخوااااااااااااااااااانا
الاماكن دي مشاتي مش مصايف
درجه الحراره زي ما انتوا شايفين يعني زي درجه حراره الصومال وهتقرب من درجه حراره الكويت قريب
مش عارف مين اخترع تقليعه ان الناس تروح دهب والغردقه في الصيف دي
الناس عايزة تصيف مش تتحرق

 

[سي حسن]

وربنا ما اعرف مين اللي اخترع الفكره

 

[Noha Said Moawed]

نفس كلامي طول الوقت انتوا ازاي بتروحوا الاماكن دي في الصيف

 

[أحمد حسني]

عشان ظروف الاجازات مش اكتر

 

[Tarek Mohamed]

والله انا كمان بستغرب
ويجوا محروقين ويقولوا اتبسطنا

 

[Tarek Mohamed]

دهب والغردقة وشرم في الشتاء
ساحل واسكندرية ومطروح في الصيف

 

[Peter Kamal]

انت رأيك يروحوا فين .... او ايه هي الاماكن اللي الجو بيكون معتدل فيها بالصيف؟؟

 

[Samar Elkhouly]

ربنا يخليك معلش انت كنت عامل بوست طويل للحجز من علي sky scanner
بالتفصيل اعملي منشن فيه او اي حاجة

 

[Abu Aylla]

عشان الاجازات لكن الشتا مدارس

 

[Joe Ibrahim]

هما حافظين مش فاهمين

 

[Gehad AL-saied]

الحرماااان وحش والله

 

[Mohamed Khattab]

كل واحد حر ما لم يضر. انا اشتغلت في شرم الشيخ ٧ سنين. و كانت زحمه طول السنه و مكانش فيه مصريين كتير عشان كان صعب علي المصريين يروحوا هناك. صيف او شتا شرم حلوه و الناس بتنبسط

 

[Omar Tarek]

عادي مش شرط يعني ممكن شايفين البحر الاحمر احسن عشان الشعب المرجانية والقري السياحيه هناك اكتر

 

[Nada Hassan Abdelaziz]

احنا بنروح الاماكن دى ف نص السنه والجو بيكون حر وبننزل ميا عادى

 

[Noha Safwat Ramadan]

ده للن المصايف الشمالية في مصر غالية جدا.. حضرتك عارف الاسرة محتاجة تدفع كم علشان تقضي اسبوع في اسكندرية او الساحل الشمالي؟
محتاجة مبلغ يوديها اوروبا!!

 

[Marwa Fawzy]

السبب وحمه المصايف فجت الاماكن دي على سبيل توافر الهدوء والخدمة الكبيرة من توفير وجبات ونظافة للغرف وكده

 

[Nada Youssef]

انا لسه كنت بقول كده... الناس فى مصر معندهاش ثقافه أماكن السفر . اى بحر يبقى مصيف .

 

[Shady Mohamed Safwat]

انا كنت عايش فى شرم ومستغرب الناس اللى بتروح الشهور دى بجد..عارف كانت جزمتى بتسيح والله

 

[Mahmood Al-Ameen]

مش بمزاج الناس: اسعار الساحل جنونية بسبب اللي بيأجروا اتسعروا في غياب ضبط اسعار من الحكومة الخايبة.

يعني اسبوع في الساحل هتدفع ايجار بس 10000 جنيه، و النفس هناك بفلوس............تقترح الناس تعمل ايه طيب؟؟

 

[Omar Tarek]

وبصراحة انا بروح مش بحس بحاجة عامة.. اصل الاوضه مكيفه .. و ف حمام السباحة او البحر مش بتحس بالسخونة والجو بليل علي البحر بيكون تحفة.