Z
Zeynep Muhammed
:: مسافر ::
السلام عليكم
احب اكتب تجربتي عن السفر في {{ الشمال التركي }} مرورا ب ٧ مدن تركية
اولا رحلتي بدأت من اسطنبول ( لو عايزين تقرير مفصل عنها ممكن انزله لاني تقريبا زرت ٨٠٪ من اسطنبول )
وسافرت من مطار صبيحة لمدينه قسطموني نزلت في مطارها طبعا صغير جدا والمدينه صغيرة وبدائيه خدنا الباص لحد محطة الاوتوجار في نص ساعه تقريبا المدينه مش مميزه اوي فيها بيوت سكنيه وريفيه ومحلات بسيطه بس زي الشمال كله مليانة خضرة يمين وشمال ومناظر طبيعيه تبهج النفس
لما وصلنا الاوتوجار طلع اقرب باص بعد ٤ ساعات طبعا مقدرناش نستني ف خدنا باص عادي لان كان وجهتنا نوصل لقرية أبانا الطريق كان ساعتين تقريبا وكله خضره يمين وشمال وبعديها خدنا تاكسي لحد القرية هي في مكان مرتفع بتشوف بقي البحر من فوق ولونه التركوازي الفظيع وقفنا هناك نزلنا اتصورنا عند مطاعم السمك ومسجد المدينه بعدين كملنا لحد الفندق قعدنا في tatil resort فيه بسين واكوا بارك وهو ع الشاطئ علطول بعد الراحه اتوجهنا ل مطعم موجود ع سفح الجبل مرتفع مايقارب الف متر عن مستوى البحر كان المنظر من هناك رائع وكان جواه فرقه موسيقيه بتغني وقت الاكل
تاني يوم وعشان القريه صغيره ومش ممتعه اوي ومفهاش حاجات كتير تتعمل قررنا نمشي لانه في الاساس كات الهدف اننا نروح طرابزون
لما حاولنا نحجز باص مباشر ل طرابزون بياخد ٨ ساعات كان فل بسبب اجازه العيد ف اضطرينا نتحول للخيار الاصعب وهو اننا خدنا تاكسي ودانا لاقرب تاني مدينه في رحلتنا وهي سينوب بينها وبين قسطموني 200 كم خدناها ف ساعتين تقريبا برضو الطريق بقي كله مرتفعات خضرا وبيوت ريفيه ومياه جاريه وحيوانات بقر وعجول وغيره والجو كان معتدل قعدنا في فندق Antik otel وده عامل زي نظام المالديف البسين مرتفع ومفتوح منك للبحر علطول وفي شاطئ خاص مناسب للسباحه ونظام الاوض دبلوكس لطيفه اشهر حاجه في المدينه هي شلالات سينوب قعدنا فيها يوم اتمشينا في الارجاء نفس النظام مدينه هاديه وصغيره وبسيطه وعشان نكمل بقيه رحلتنا حجزنا تبع شركه مترو اخيرا الباص المتوجه لطرابزون
تاني يوح الصبح س ١١ انطلقنا من سينوب ل تالت مدينه وهي سامسون ودي تعتبر افضل من المدينتين السابقتين فيها مولات ومباني وبيوت ريفيه طبعا البحر والخضره ع طول الطريق والباص كان مكيف وبنسبالي مريح الفكره كلها ان الجو وقتها كان حر وانه الباص لازم يتوقف في كل مدينه بس دي كانت حاجه لطيفه بنسبالي عشان بنتعرف ع مدن جديده بدلنا الباص من محطه سامسون للباصات وعامله زي المطارات بالظبط ف النظام والنظافه وركبنل الباص عشان نكمل الرحله لرابع مدينه وهي تشارشمبا يعني يوم الاربعا بالتركي كانت مدينه صناعيه ع الاغلب بس يمنعش برضو انتشار الخضره ع جانبي الطريق وطبعا المشروبات كانت متوفره مجانيه في الباص طول الطريق توقفنا تاني في خامس محطه وهي مدينه اوردو الافضل الي الان فيها تلفريك رائع قريب من بتاع بررصا بس ع اصغر المدينه ساحليه زي الباقي بس الاهتمام السياحي فيها واضح اكتر الكورنيش او الساحل بتاعها منظم جدا ومليان ورود بشكل متناسق والعاب اطفال وجلسات للعوائل حبيت المدينه جدا بهدوئها وجمالها بعديها الباص توقف ف احد المطاعم لتناول وجبة منها كنلنا لسادس مدينه وهي غيريسون برضو تعتبر متقدمه شويه واكبرلكن نفس نظام الشامل واخيرا بعد كل المدن دي والانتظار في الباص ل١٢ ساعه مش ٨ بسبب التوقف المتكرر وصلنا لهدفهنا وهو طرابزون س ١٢ بليل طبعا الباص بيوقف ف الاوتوجار منه خدناتاكسي باقرب فتدق جنب مطار طرابزون
طبعا طرابزرن معروفه بجمالها من ساحل اكشباط ل ديرصوميلا ل مسجد ايا صوفيا وملاهي لونا والاكوا بارك وميدان اتاتورك ومنطقه بوزتبه وقصر اتاتورك في مكان مرتفع
اليوم الي بعديه كملنا رحلتنا الى فاتنه الشمال وسويسرا تركيا وهي بحيره اوزنجول الغنيه عن التعريف جمال رباني ولوحه فنية متقنة الصنع استمتعنا جدا في اول يوم بكل الانشطه الوجوده هناك ومنها منان القفز الحر بالمظلات بس للاسف تاتي يوم كان حر جدا ف قا نروح ايدر نعنل رافتينج بس ولسوء الحظ كانت المياه غير مناسبه اتصورنا عند الشلالات والرتفعات ورجعنا ل ريزه منطقه لطيفه فيها مياه جاريهومرتفعات خضرا وجسور قضينا اليوم ورجعنا لاوزنجول الي تعتبر الاجمل بجداره ومنها لمطار طرابزون والعوده لاسطنبول مره اخرى
اهم درس اتعلمته ان اجمل مدينه في الشمال هي طرابزون
وان الطريق البري حجات كتير ممكن تعطله
بس متعه رائعه وتجربه جديده خصوصا لو شباب فقط
وكمان احساس حلو انك تشوف اكتر من مكان مره وحده
ادعولي بقي المره الجايه تكون رحلتي في الجنوب من ازمير لانطاليا لمومريس لموغلا لفتحيه
اي استفسار اتفضلو
دمتم في امان الله
احب اكتب تجربتي عن السفر في {{ الشمال التركي }} مرورا ب ٧ مدن تركية
اولا رحلتي بدأت من اسطنبول ( لو عايزين تقرير مفصل عنها ممكن انزله لاني تقريبا زرت ٨٠٪ من اسطنبول )
وسافرت من مطار صبيحة لمدينه قسطموني نزلت في مطارها طبعا صغير جدا والمدينه صغيرة وبدائيه خدنا الباص لحد محطة الاوتوجار في نص ساعه تقريبا المدينه مش مميزه اوي فيها بيوت سكنيه وريفيه ومحلات بسيطه بس زي الشمال كله مليانة خضرة يمين وشمال ومناظر طبيعيه تبهج النفس
لما وصلنا الاوتوجار طلع اقرب باص بعد ٤ ساعات طبعا مقدرناش نستني ف خدنا باص عادي لان كان وجهتنا نوصل لقرية أبانا الطريق كان ساعتين تقريبا وكله خضره يمين وشمال وبعديها خدنا تاكسي لحد القرية هي في مكان مرتفع بتشوف بقي البحر من فوق ولونه التركوازي الفظيع وقفنا هناك نزلنا اتصورنا عند مطاعم السمك ومسجد المدينه بعدين كملنا لحد الفندق قعدنا في tatil resort فيه بسين واكوا بارك وهو ع الشاطئ علطول بعد الراحه اتوجهنا ل مطعم موجود ع سفح الجبل مرتفع مايقارب الف متر عن مستوى البحر كان المنظر من هناك رائع وكان جواه فرقه موسيقيه بتغني وقت الاكل
تاني يوم وعشان القريه صغيره ومش ممتعه اوي ومفهاش حاجات كتير تتعمل قررنا نمشي لانه في الاساس كات الهدف اننا نروح طرابزون
لما حاولنا نحجز باص مباشر ل طرابزون بياخد ٨ ساعات كان فل بسبب اجازه العيد ف اضطرينا نتحول للخيار الاصعب وهو اننا خدنا تاكسي ودانا لاقرب تاني مدينه في رحلتنا وهي سينوب بينها وبين قسطموني 200 كم خدناها ف ساعتين تقريبا برضو الطريق بقي كله مرتفعات خضرا وبيوت ريفيه ومياه جاريه وحيوانات بقر وعجول وغيره والجو كان معتدل قعدنا في فندق Antik otel وده عامل زي نظام المالديف البسين مرتفع ومفتوح منك للبحر علطول وفي شاطئ خاص مناسب للسباحه ونظام الاوض دبلوكس لطيفه اشهر حاجه في المدينه هي شلالات سينوب قعدنا فيها يوم اتمشينا في الارجاء نفس النظام مدينه هاديه وصغيره وبسيطه وعشان نكمل بقيه رحلتنا حجزنا تبع شركه مترو اخيرا الباص المتوجه لطرابزون
تاني يوح الصبح س ١١ انطلقنا من سينوب ل تالت مدينه وهي سامسون ودي تعتبر افضل من المدينتين السابقتين فيها مولات ومباني وبيوت ريفيه طبعا البحر والخضره ع طول الطريق والباص كان مكيف وبنسبالي مريح الفكره كلها ان الجو وقتها كان حر وانه الباص لازم يتوقف في كل مدينه بس دي كانت حاجه لطيفه بنسبالي عشان بنتعرف ع مدن جديده بدلنا الباص من محطه سامسون للباصات وعامله زي المطارات بالظبط ف النظام والنظافه وركبنل الباص عشان نكمل الرحله لرابع مدينه وهي تشارشمبا يعني يوم الاربعا بالتركي كانت مدينه صناعيه ع الاغلب بس يمنعش برضو انتشار الخضره ع جانبي الطريق وطبعا المشروبات كانت متوفره مجانيه في الباص طول الطريق توقفنا تاني في خامس محطه وهي مدينه اوردو الافضل الي الان فيها تلفريك رائع قريب من بتاع بررصا بس ع اصغر المدينه ساحليه زي الباقي بس الاهتمام السياحي فيها واضح اكتر الكورنيش او الساحل بتاعها منظم جدا ومليان ورود بشكل متناسق والعاب اطفال وجلسات للعوائل حبيت المدينه جدا بهدوئها وجمالها بعديها الباص توقف ف احد المطاعم لتناول وجبة منها كنلنا لسادس مدينه وهي غيريسون برضو تعتبر متقدمه شويه واكبرلكن نفس نظام الشامل واخيرا بعد كل المدن دي والانتظار في الباص ل١٢ ساعه مش ٨ بسبب التوقف المتكرر وصلنا لهدفهنا وهو طرابزون س ١٢ بليل طبعا الباص بيوقف ف الاوتوجار منه خدناتاكسي باقرب فتدق جنب مطار طرابزون
طبعا طرابزرن معروفه بجمالها من ساحل اكشباط ل ديرصوميلا ل مسجد ايا صوفيا وملاهي لونا والاكوا بارك وميدان اتاتورك ومنطقه بوزتبه وقصر اتاتورك في مكان مرتفع
اليوم الي بعديه كملنا رحلتنا الى فاتنه الشمال وسويسرا تركيا وهي بحيره اوزنجول الغنيه عن التعريف جمال رباني ولوحه فنية متقنة الصنع استمتعنا جدا في اول يوم بكل الانشطه الوجوده هناك ومنها منان القفز الحر بالمظلات بس للاسف تاتي يوم كان حر جدا ف قا نروح ايدر نعنل رافتينج بس ولسوء الحظ كانت المياه غير مناسبه اتصورنا عند الشلالات والرتفعات ورجعنا ل ريزه منطقه لطيفه فيها مياه جاريهومرتفعات خضرا وجسور قضينا اليوم ورجعنا لاوزنجول الي تعتبر الاجمل بجداره ومنها لمطار طرابزون والعوده لاسطنبول مره اخرى
اهم درس اتعلمته ان اجمل مدينه في الشمال هي طرابزون
وان الطريق البري حجات كتير ممكن تعطله
بس متعه رائعه وتجربه جديده خصوصا لو شباب فقط
وكمان احساس حلو انك تشوف اكتر من مكان مره وحده
ادعولي بقي المره الجايه تكون رحلتي في الجنوب من ازمير لانطاليا لمومريس لموغلا لفتحيه
اي استفسار اتفضلو
دمتم في امان الله
