A
Ahmed Mohamed
:: مسافر ::
ازاي تلم فولورز ولايكات ف 5 ثواني ؟
تنزل بوست مضلل عن ان في 40 بلد بدون تأشيرة للمصريين تقدر تخشهم بسهوله
وتقول للناس ف اخر البوست :
قوم حضر شنطتك باسبورك المصري قوي وزي الفل اهو وبتدخل بلاد مجانا
واعمل منشن لصحابك اللي عايزهم يسافروا معاك
.
هل فعلا في 40 بلد بدون تأشيرة يقدر المصريين يدخلوها بالباسبور المصري ؟؟
فعلا في حوالي 40 بلد بدون تأشيرة او بتأشيرة عند الوصول للمصريين بس مع وجود شويه خوازيق صغننه .. تعالوا نكتشف الخوازيق دي مع بعض
.
بلاد زي ماليزيا - اندونيسيا - الاردن - لبنان
لو هتسافر من مصر لازم يكون مكتوب ف الباسبور وظيفه عشان تتخلص من حوار التصريح الامني
لكن لو انت ( طالب او حاصل علي ) ف بالتالي محتاج فيزا من السفاره عشان تعرف تطلع التصريح الامني والفيزا بتطلع بدعوة من مواطن في الدوله اللي هتروحها
يعني اجراءاتها اصعب واسؤا من التأشيرات اللي بفيزا ف الحاله دي
.
بلاد زي هونج كونج - مكاو - لاوس - المالديف
مصاريف المعيشه فيهم غاليه جدا يعني بنفس المصاريف اللي هتدفعها فيهم في اسبوع تقدر تروح البلاد اللي بتأشيرة وتقعد فيهم شهر دة غير تذكره الطيران الغاليه جدا ليهم اقل حاجه 10 الاف جنيه
.
بلاد زي موريشيوس وسيشل والاكوادور وبوليفيا
تذكره طيران بتاعتهم معديه 18 الف جنيه .. انت اساسا لو معاك فلوس كتير اوي كدة لدرجه انك تدفع في تذكره طيران لبلد 18 الف جنيه ساعتها مش هتدخل الجروب اصلا ولا هتكلمنا اساسا
هتكون زمانك دلوقتي قاعد مع ابو هشيمه و مرات كريستيانو رونالدو بتتغدي
.
بلاد زي كمبوديا و كوريا الجنوبيه
اكثر بلدين بترجع المصريين من المطارات ومش مرحب بجنسيات كتير من دول شمال افريقيا للسياحه في بلادهم ولازم يكون معاك حجوزات فنادق مدفوعه بالكامل وخطه سياحيه وفلوس كاش واتش ار ليتر متصدق عليها من شركتك وبعد كل دة بيتعمل معاك تحقيق ويا تدخل يا متدخلش
.
بلاد زي ميكرونيسا وسانت كيتس ونيفيس وسانت فينس وجريندين وبالوا وساموا و توفالو وتيمور ليسته وكيب فردي وانتيجوا وباربودا
طبعا دول مش اسماء بلاد دول اسماء ادويه حبوب منع الحمل ملناش دعوة بيهم
.
بلاد زي السنغال و جيبوتي ورواندا واوغندا والجابون وغينيا بيساو وزمبابوي
ودول تروحهم لما المنتخب يكون بيلعب في كاس الامم
.
ياريت لما نقول للناس معلومه نقولهم المعلومه كامله بكل الظروف المحيطه عشان حرام تلبس الناس ف الحيط عشان تطلع من وراهم بمصلحه
اقعدوا بالعافيه
تنزل بوست مضلل عن ان في 40 بلد بدون تأشيرة للمصريين تقدر تخشهم بسهوله
وتقول للناس ف اخر البوست :
قوم حضر شنطتك باسبورك المصري قوي وزي الفل اهو وبتدخل بلاد مجانا
واعمل منشن لصحابك اللي عايزهم يسافروا معاك
.
هل فعلا في 40 بلد بدون تأشيرة يقدر المصريين يدخلوها بالباسبور المصري ؟؟
فعلا في حوالي 40 بلد بدون تأشيرة او بتأشيرة عند الوصول للمصريين بس مع وجود شويه خوازيق صغننه .. تعالوا نكتشف الخوازيق دي مع بعض
.
بلاد زي ماليزيا - اندونيسيا - الاردن - لبنان
لو هتسافر من مصر لازم يكون مكتوب ف الباسبور وظيفه عشان تتخلص من حوار التصريح الامني
لكن لو انت ( طالب او حاصل علي ) ف بالتالي محتاج فيزا من السفاره عشان تعرف تطلع التصريح الامني والفيزا بتطلع بدعوة من مواطن في الدوله اللي هتروحها
يعني اجراءاتها اصعب واسؤا من التأشيرات اللي بفيزا ف الحاله دي
.
بلاد زي هونج كونج - مكاو - لاوس - المالديف
مصاريف المعيشه فيهم غاليه جدا يعني بنفس المصاريف اللي هتدفعها فيهم في اسبوع تقدر تروح البلاد اللي بتأشيرة وتقعد فيهم شهر دة غير تذكره الطيران الغاليه جدا ليهم اقل حاجه 10 الاف جنيه
.
بلاد زي موريشيوس وسيشل والاكوادور وبوليفيا
تذكره طيران بتاعتهم معديه 18 الف جنيه .. انت اساسا لو معاك فلوس كتير اوي كدة لدرجه انك تدفع في تذكره طيران لبلد 18 الف جنيه ساعتها مش هتدخل الجروب اصلا ولا هتكلمنا اساسا
هتكون زمانك دلوقتي قاعد مع ابو هشيمه و مرات كريستيانو رونالدو بتتغدي
.
بلاد زي كمبوديا و كوريا الجنوبيه
اكثر بلدين بترجع المصريين من المطارات ومش مرحب بجنسيات كتير من دول شمال افريقيا للسياحه في بلادهم ولازم يكون معاك حجوزات فنادق مدفوعه بالكامل وخطه سياحيه وفلوس كاش واتش ار ليتر متصدق عليها من شركتك وبعد كل دة بيتعمل معاك تحقيق ويا تدخل يا متدخلش
.
بلاد زي ميكرونيسا وسانت كيتس ونيفيس وسانت فينس وجريندين وبالوا وساموا و توفالو وتيمور ليسته وكيب فردي وانتيجوا وباربودا
طبعا دول مش اسماء بلاد دول اسماء ادويه حبوب منع الحمل ملناش دعوة بيهم
.
بلاد زي السنغال و جيبوتي ورواندا واوغندا والجابون وغينيا بيساو وزمبابوي
ودول تروحهم لما المنتخب يكون بيلعب في كاس الامم
.
ياريت لما نقول للناس معلومه نقولهم المعلومه كامله بكل الظروف المحيطه عشان حرام تلبس الناس ف الحيط عشان تطلع من وراهم بمصلحه
اقعدوا بالعافيه
