M
Mohamed Ibrahim
:: مسافر ::
عشان تكون عارف اغلب الطيران الشارتر اللي بيكون من الغردقة او شرم الشيخ مش بيكون مسموح للمصريين يركبو عليها الا لو معاك جنسية اوروبية لكن تقدر ترجع من اوروبا عليها من برة مصر
كمثال ////
تقدر ترجع من المانيا علي اير برلين الي الغردقة لكن ماتسافرش من الغردقة لالمانيا علي اير برلين..
كمثال ////
تقدر ترجع من المانيا علي اير برلين الي الغردقة لكن ماتسافرش من الغردقة لالمانيا علي اير برلين..
M
Mohammad Omran
:: مسافر ::
اصلا مفيش حاجه اسمها حد يقطع تذكره على طيران شارتر لان بكل بساطه الشارتر ملهاش تذاكر اصلا .. الشارتر دا يعنى طيران عارض يعنى خطوط غير منتظمه يعنى شركه مش بتبيع تذاكر يعنى شركه سياحه بتحجز الطياره بالكامل و تبعت عليها افواج و شركه الطيران بتحاسب شركه السياحه بالرحله و ليس بالفرد .. معظم التعليقات ناس بتتكلم على اللو كوست الى هو طيران اقتصادى
W
Waleed Hamad
:: مسافر ::
الطيران الشارتر بيطلع من الغردقة وشرم وهو ممنوع للمصرين وكذا ممنوع للاجانب المقيمين الطيران الشارتر ده بيكون عبارة ان شركة سياحة روسية او أوكرانية او إيطالية او غيره منظمة رحلة من بلدها لشرم او الغردقة فبتأجر الطائرة بالكامل لرحلة ذهاب ورحلة عودة وبتبيع للسائح بتاع بلدها الرحلة كاملة شاملة التذاكر والإقامة او تبيع له التذاكر فقط لكن بيفضل جزء من مقاعد الطائرة فاضي لان مش كل الأماكن اتباعت تعمل ايه شركة السياحة تعرض التذاكر دي للبيع لأي حد اجنبي سائح او اجنبي مقيم او مصري وكل مايقرب ميعاد السفر ترخص سعر التذكرة افضل من انها ماتتبعش اي حد يقدر يشتري التذكرة وكل ماتأخر الشراء تأخذها بسعر ارخص المشكلة انك بعد ماتشتري التذكرة وتيجي تدخل بيها في اثنين حايوقفوك الاول شرطة المطار والثاني أمن المطار التابع لهيئة الطيران طيب ايه مصلحتهم مصلحتهم انهم لو سمحوا للمصرين بركوب الطائرات الشارتر اليً سعرها رخيص ده حايخسر مصر للطيران الكلام ده طبعا عند المغادرة من مصر لأوربا لكن لو جاي من اوربا لمصر عليه ماحدش حايكلمك طيب ايه الحل في طريقتين طريق قانوني وطريق غير قانوني الطريق القانوني هو انك تأخد موافقة هيئة الطيران المدني بالقاهرة وانا معرفش ايه الشروط اللازم توافرها لكن لي واحد قريبي مقيم بالغردقة اخد الموافقة بعد ماقدم لهم مايفيد ان عنده ظروف صحية تمنعه من السفر للقاهرة وان الطيران الشارتر انسب لظروفه الصحية لانه اقصر لانه مفيهوش ترانزيت الطريق الغير قانوني وده ماانصحش بيه هو ان الفرد التابع لشركة السياحة اليً حايشتري ليك التذكرة يعديك من شرطة المطار وأمن المطار وَيُوصلك لكرسي الطائرة لكن ده مش مضمون ممكن بعد ماتشتري التذاكر مايعرفش يعديك وممكن انه يشتغلك ويدخلك المطار ويسيبك ده غير انه حياخد سمسرة قصاد كده يعني يشتري التذكرة ب ٢٠٠ دولار ويبيعهالك ب ٤٠٠ دولار مثلا ومضطر تدفعله