M
Mohamed Alkharashy
:: مسافر ::
فيه فرق بين الطيران المنخفض التكاليف و الطيران الشارتر... انت بتتكلم على الطيران المنخفض التكاليف... دي خطوط طيران منتظمة منخفضة التكاليف، طيارات أصغر، مفيش خدمة تقريبا حتى كوباية المياه بفلوس، وزن شنط اقل، و غالبا بيستخدموا مطارات أصغر.... تكلفة استخدام مطار شرم مثلا أقل بكثير من القاهرة.... في النهاية هم طيران منتظم رخيص على حساب حاجات ثانية.... مناسب جدا للي عايز يسافر و مش فارق معاه الرفاهية
N
Noureldeen Omran
:: مسافر ::
من الاخر علشان انا شايف كلام كتير بدون فهم وناس خلطت ما بين الطيران الشارتر (العارض) والطيران المنخفض التكاليف. الشارتر ينفع للمواطن المصري في ثلاثة حالات.
الحالة الاولي ان حضرتك تكون برة مصر. وراجع مصر وهتكون وجهتك الاخيرة. في الحالة دي ممكن ترجع مصر علي الشارتر flights.
الحالة الثانية. انك هتسافر من مصر بس في الحالة دي هتحتاج تصريح من سلطة الطيران المدني. في مطار القاهرة وغالبا مبقوش يدوه لان من بعد 2011 مصر كلها بقت تسافر علي الشارتر. لرخص ثمنه جدا مقارنة بال regular flights
الحالة الاخيرة بقي وهي انك تكون مقيم برة مصر غالبا في دولة اوروبية ومعاك اقامة دائمة او جنسية الدولة دي. ممكن تدخل مصر وتخرج منها عن طريق الطيران الشارتر المنظم من قبل شركات السياحة بشرط انك لا تمضي في مصر اكثر من 30 يوم اللي هما السياحة. وطبعا بتكون حاجز فندق.
حاجة اخيرة.... طبعا انا شايف ناس عمالة تخلط ما بينه وما بين الطيران المنخفض التكاليف وواحد يقولك الوزن والتاني يقولك اصل الطيارة صغيرة ولا مش بيقدموا اكل. يا اخواننا اللي مش عارف ميقدمش افكار علشان الناس متلبسش. اي حالة غير اللي انا ذاكرهم دول مش هتنفع تطير علي الشارتر. طيب في طيران اسمه منخفض التكلفة. ده ايه نظامه. ده اه ممكن تسافر عليه ساعات بيبقي منزل عروض ب 45 يورو رايح جاي ويمكن اقل. وعلي سبيل المثال لا الحصر easy jet. بتطير من الغردقة الي زيورخ او لندن في معظم الايام ما بين 5 و 130 يورو انت وحظك بقي تابع الموقع بتاعهم علشان تعرف. مرة كمان اوعي تسمع حد ويقولك الشارتر عادي. انا طرت عليه. هو طار علي منخفض التكاليف وخلط ما بينه وبين الشارتر. توصل بالسلامة ان شاءالله
الحالة الاولي ان حضرتك تكون برة مصر. وراجع مصر وهتكون وجهتك الاخيرة. في الحالة دي ممكن ترجع مصر علي الشارتر flights.
الحالة الثانية. انك هتسافر من مصر بس في الحالة دي هتحتاج تصريح من سلطة الطيران المدني. في مطار القاهرة وغالبا مبقوش يدوه لان من بعد 2011 مصر كلها بقت تسافر علي الشارتر. لرخص ثمنه جدا مقارنة بال regular flights
الحالة الاخيرة بقي وهي انك تكون مقيم برة مصر غالبا في دولة اوروبية ومعاك اقامة دائمة او جنسية الدولة دي. ممكن تدخل مصر وتخرج منها عن طريق الطيران الشارتر المنظم من قبل شركات السياحة بشرط انك لا تمضي في مصر اكثر من 30 يوم اللي هما السياحة. وطبعا بتكون حاجز فندق.
حاجة اخيرة.... طبعا انا شايف ناس عمالة تخلط ما بينه وما بين الطيران المنخفض التكاليف وواحد يقولك الوزن والتاني يقولك اصل الطيارة صغيرة ولا مش بيقدموا اكل. يا اخواننا اللي مش عارف ميقدمش افكار علشان الناس متلبسش. اي حالة غير اللي انا ذاكرهم دول مش هتنفع تطير علي الشارتر. طيب في طيران اسمه منخفض التكلفة. ده ايه نظامه. ده اه ممكن تسافر عليه ساعات بيبقي منزل عروض ب 45 يورو رايح جاي ويمكن اقل. وعلي سبيل المثال لا الحصر easy jet. بتطير من الغردقة الي زيورخ او لندن في معظم الايام ما بين 5 و 130 يورو انت وحظك بقي تابع الموقع بتاعهم علشان تعرف. مرة كمان اوعي تسمع حد ويقولك الشارتر عادي. انا طرت عليه. هو طار علي منخفض التكاليف وخلط ما بينه وبين الشارتر. توصل بالسلامة ان شاءالله