سلام عليكم ،يا جماعه سؤال لوسمحتوا لو الباسبور...

  • بادئ الموضوع بادئ الموضوع Sarah Mokhtar
  • تاريخ البدء تاريخ البدء
عرض العطلة
S

Sarah Mokhtar

:: مسافر ::
#1
سلام عليكم ،يا جماعه سؤال لوسمحتوا لو الباسبور اتسرق مننا فى بودابست والمفروض هنسافر بعد يومين ايه اللى بيحصل ؟ حد عنده معلومات؟ شكرا ليكوا
 
#5
أول حاجة تعملوا محضر في الشرطة وتطلعوا عالسفارة من الصبح لو معاكوا أصل الرقم القومي هيطلعوا لكم وثائق مؤقتة للسفر لمصر ويا ريت لو معاكوا صور الباسبور المسروق وكمان اتصوروا في استوديو صور باسبور عشان الوثائق
ربنا معاكوا
 
عرض العطلة
#7
للأسف اعرف واحد الباسبور بتاعة ضاع
للاسف اتحجز في المطار 48 ساعة .. ربنا يستر عليكم حاولوا تاخدوا كل الاجراءات اللي ترجعو بيها الباسبور
او تعملوا محضر في الشرطة لضمان اكبر للمرور
 
عرض العطلة
#11
الحالات دي السفاره فعلا بتطلع وثيقه سفر واعمل محضر عندك ضروري
ووثيقه السفر صورها
ولما تنزل مصر تعمل اوراق من جديد
 
#13
انك ترجعي مصر ده شيء سهل بس انك ترجعي الدوحة هو ده الصعب لو انتي مقيمة بقطر. محتاجة اجراءات تاني خالص علشان تعميم الاقامة بتاعتك
 
#14
اييييي ضااااه حراميه في بلاد الناس الكويسين !!! اوه .. الواحد يروح فين بس يا ربي !!! زوحل ؟!!

معلش سامحيني هزار في غير محله .. بس فاقعين مرارتي اللي طول النهار يشتموا في بلادهم ويغنوا لكل ما هو غربي
ربنا يسهل لك في حل وترجعوا بالسلامه
 
عرض العطلة
#16
ربنامعاكى حصلت معاى فى بيرو بس كمان بطاقتى وكل كارنيهاتى كمان لو معاكى ده حيثبت شخصيتك فى السفارة و مطار القاهرة فمش حتتحجزى او الافضل حد من اهلك يجى المطار ويضمنك لانهم فى المطار بيغلسوا وبيقعدوكى فى مكان زى الحبس كام ساعة ...الوثيقة علشان تطلع من السفارة ممكن تاخد وقت و تضطرى تغيرى تاريخ السفر على ما بيتصلوا بالجوازات فى مصر اللى غالبا ما بتردش فالسفارة تعمل الوثيقة على مسئوليتهابس هى دية الاجراءات
 
#17
حضرتك تروح السفارة هيطلعولكم في نفس الْيَوْمَ وثيقة سفر بس أحسن حد بستناكم في المطار بمصر باي إثبات شخصية لأنهم هيحجزوكم لحين التحقق من شخصياتكم
 
#18
شكرا جدا ليكوا بجد الحمد الله احنا وصلنا مصر الحمد الله وكل حاجه كانت تمام ورجعنا بوثيقه السفر فعلا والسفاره هناك محترمين جدا ومتعاونين جدا
شكرا ليكوا تانى
 
#19
حتروحى السفارة المصرية فى بودابست و تبلغى بسرقة باسبورك و هما حيعملولك وثيقة سفر ترجعى بيها مصر
 
عرض العطلة
عرض العطلة
عرض العطلة
أعلى أسفل
عودة
قائمة