A
Ahmed Badrul Radzi
:: مسافر ::
انا اول مره اكتب بوست دايما بس بعلق او اقرأ تجارب الناس عشان تستفيد ،،، بس بجد المره دي انا متضايق جدا لان روحت بالي ال كل الدنيا بتشكر فيها و للاسف لاقيت غير الكلام و غير الصور !!!! خلينا نتفق من دلوقتي ان اي حد مسافر لما يرجع بالسلامه يحكي الحلو و الوحش عن البلد ، يعني مش بس منظره انه سافر و انه عاوز يبين ان البلد الفلانيه احلي من مصر والسلام !!!!! المهم الانطباع الاول عن البلد انها ضلمه ضلمه مش عارف ليه لأني وصلت المساء واتجهت علي اوبود علي طول وطول الطريق ظلام ،،، ثانيا حبيت بقي أكل الاكل ال بيقولو حلو ف اندونيسيا و بالتحديد بالي و شغل فيلم eat , pray &love مالاقتش الكلام ده و بصعوبة علي مالاقيت مطعم حلال بس يقرف من الاستاف ال فيه ، وللعلم اوبود مافيهاش اي فاست فود . والسي فود بلا طعم و الخنازير حتي فالمطاعم الحلال علي نفس الجريل وانا قاعد باكل لاقيت كلب من الشارع داخل و عادي كده سايبينه و بعدها شوفت اكتر من كلب ضال بلا صاحب فالشارع و كمان ايه لما اتجهت بعدها علي كوتا و نوسا دوا الكلاب علي الشواطئ. ونازله كدا تبل نفسها اول الرمل عند الامواج حاجه قرف الصراحه مع العلم ان الأوتيل خمس نجوم وده غير ان الميه مش نضيفه ولا شفافة حتي زي البحر الأحمر و البحر بيسحب و غويط و الكل قاعد علي حمام السباحه !!!!!! وحتى الولاد مانبسطوش الا بحمام السباحه و حديقه القرود ف اوبود !!!! حتي الأكوابارك شكلها قديم و ألعابها عاديه !!!! وحديقه الحيوان غاليه جدا !!!!! ستر ربنا ان الفنادق كانت نضيفه و مافيهاش ناموس او حشرات عشان تبقي كملت !!!! أرجوكم تفكرو الف مره قبل السفر ل بالي لان كمان لل مش اول مره يسافر مش هينبهر بطبيعتها لان ماليزيا و تركيا احلي كتير