انا مقيم في المجر و معايا اقمة دايمة . معايا...

[Aqila El Masry]

انا مقيم في المجر و معايا اقمة دايمة . معايا تأشيرتين انجلترا و سافرت انجلترا سبع مرات و تأشيرة ايرلندا بس مسافرتش و كام ختم دخول كام دولة في شرق اوروبا " دول مش شنجن " . عندي كام سؤال بعد اذنكم .

عايز اسافر أمريكا و كندا يا تري فرصتي ايه في الحصول عالتأشيرة ؟
لو نزلت مصر عن طريق تركيا و باسبوري عليه فيزا تركيا دا يسبب لي مشاكل في المطار في مصر ؟
سمعت عن حاحة اسمها تصريح امني هلي ملزم اطلعه لو رجوعي فيه ترانزيت لتركيا ؟
و شكرا مقدما ..

 

[Mohamed Zakaria]

أخدت تأشيرة انجلترا من مصر ؟؟

 

[Tamer Hussein]

لا خالص بالنسبة لتركيا مفيش مشاكل في المطار والتصريح الامني اللي اعرفه اللي هيقيم ويعمل في تركيا مش ترانزيت

 

[Mostafa Mohamed]

لا توجد اى مشكله جواز سفرى فى تاشيرات كتير تركيا طالما عايش بره مفيش مشكله خالص هو بس هيرخم عليك هتلاقى امين شرطه كده ثقيل بعد ماتختم من الجوزات يقلك جاى منين ياكبتن بصله بقرف وامشى

 

[Mohamed Mousa]

اخي نصيحة لا تقدم ع فيزا من مصر ، خصوصا أن معاك البديل بالفعل ، قدم من تركيا افضل شيء

 

[Aqila El Masry]

شكرا ليكم لكن حد عنده خلفية لو اتقل قلبي و اخش علي تأشيرة أمريكا و كندا ؟؟

 

[Mohamed Mousa]

امريكا اسهل من كندا ... توكل ع الله من بره احسن هتنزل مصر انزلها زياره وبس لا تفكر تخلص اوراق منها ... بالتوفيق

 

[Aqila El Masry]

لكن فرصة الحصول علي تأشيرة أمريكا او كندا كويسة بالنسبالة لي و لا اسافر دولتين تلاتة كمان . روسيا و دبي و اوكرانيا مثلا ..

 

[Abdel Hamid Elbeltagi]

كندا من اصعب التأشيرات انا معي شينجن 4 مرات وبولندا مره وانجلترا مرتان وأمريكا خمس سنوات وكندا اترفضت لي

 

[Ahmed Genena]

جمد قلبك في امريكا و متقلقش خالص
بعد ما تاخدها قدم كندا لان فيزا امريكا هتقوي موقفك فيها و برضه مش مضمونه
كندا صعبه اوي

 

[Christine Iskander]

قدم علي امريكا هتاخدها عادي جدا انت موقفك حلو اوي خصوصاً انك مش عايش ف مصر اما كندا حظوظ

 

[Sameh Mohamed Mohamed]

عارف دوران شبرا ؟ وانت نازل كدة من نفق العباسية .. هاتلاقى واحد بيبع عصير قصب .. وحش متشربش من عندة
اوعى تزعل انا بهزر معاك

 

[Sherif Nagy Alsakka]

تاخدها عادي باقامتك الدايمة في المجر