انا مارضتش اكتب البوست ده عندي بره عشان ده مش...

[Shereen Elsayad]

انا مارضتش اكتب البوست ده عندي بره عشان ده مش موجه لكل الناس. ده للناس المحترمة بس اللي حاسة بنعم ربنا و بتقدر السفر و الطبيعة و الجمال و البيئة .. ناس حاسة بقيمة بلدها و بتشوفها بقلبها قبل عينيها..
طبعا الطبيعي اني في مرسى علم انزل صور شرم اللولي و درافيل سطايح اللي مهما اوصف جمالها و اقعد اقول سبحان الله صبح و ليل مش هيكفي..
لكن الحقيقة حبيت اوريكم مدخل حماطة اللي يوصل للدرافيل شكله ايه.. دي محمية يا خلق الله حرام عليهم و الله و حسبي الله ونعم الوكيل.. .. و انا على البيتش اصلا كان الأجانب اللي بيلموا ورا المصريين ..

الناس اللي بتقدر السفر و الطبيعة.. انتو كل واحد سفير في مكانه .. اوعوا تسمحوا لحد يعمل كده قدامكم و تسكتوا .. ده مش ملك ابوهم و لينا فيه زيهم و اكتر .. بلغوا عنهم و لو انهم فعلا عايزين ضرب النار في ميدان عام.
معلومة هامشية عن الجروب الجميل ده ... شكر واجب لمصطفى سابق و محمد سليمان اللي و لا يعرفوني و لا من قريب و لا من بعيد و مع ذلك لما كتبت بوست اني في مشكلة بعتولي و عرضوا المساعدة بأي شكل
شكرا للرجالة الجدعة و الستات الجدعة في كل مكان

 

[Mohamed Awad]

شكرا جدااا لاهتمام حضرتك انا بعت البوست لمكتب المحميه

 

[Noura Mohamed]

الله يسامحهم بجد. والله النعمة هتزول مننا بسبب الناس الهمجية اللى مبتقدرش و تحترم نعمة ربنا

 

[Suleiman Odeh]

وف الغردقة التنظيف بيتم بجهود فردية من الأجانب والمصريين، انتقاد السياحة الداخلية مش من فراغ

 

[Marwa Mohammed Hamdalla]

فكرتيني بسانت كاثرين لما روحنا الحمامات هناك كارثة بكل المقاييس و اسوان و الاهمال هناك و معرض الزهور برضو بجد حاجة تحزن اهمال من المسئولين و الزوار بس المسئولية اكبر علي المسئوولين اكيد ﻷن لازم يفرضوا غرامة علي اي اهمال

 

[Mohamad Mostafa]

صورة توجع القلب

 

[Aicha Fouad Rifki]

حسبي الله ونعم الوكيل

 

[Heba Mourad]

لازم نشكل مجموعات من الشباب في كل حته فيها محميات. و شواطيء كده و تعلنوا علشان الناس تطوع و لازم اعلانات توعيه للبشر الي مش بتقدر نعم ربنا و بتشوهوا كده

 

[Mohamed Ragab]

بعد ازنك هنقل البوست دا لجروب تجربة

 

[Ingy Ashmawy]

بجد حرام

 

[Soumaya Chouchene Ashraf]

حرام فعلا حرام و الله بصراحة تونس مثلا كانت قمة النظافة بعد الثورة و التسيب اللي حصل بقت مصب زبالة في كل مكان و ابتدت الظاهرة تتفاقم بس حصل قرار رائع بصراحة تم انشاء بوليس حماية البيئة و عاملين شغل هايل و اللي ما رباتوش امو الشرطة تربيه و ابتدو فعلا و بصرامة يا ريت تتطبق التجربة هذي في مصر عشان يكون القانون كمان رادع و يتطبق على كل واحد تسوللو نفسو يعمل جرائم مثل هذي

 

[Heba Mourad]

لازم فعلا غرامات علشان الناس تحترم نفسها

 

[Nour Essam]

Amgad Abd El-Slam

 

[Shereen Elsayad]

Mostafa Sebaq

 

[Sarah Magdy]

حاجة مُحزنة و مزعجة جدا جدا :-(

 

[Samar Elkhouly]

طيب عاوزة اقول لكم علي مفاجأة :
ان معظم شعوب العالم وسخة وقذرة بس شوفو الفرق وبعدين احكمو
وانا في تركيا في ميدان تقسيم جه واحد مجنون عمل تواليت في وسط الميدان والمنظر والريحة حاجة رهيبة علي ما دخلت اول شارع استقلال وطلعت كانت الارض اتشقت عن عربية البلدية منضفة المكان في خلال 15 دقيقة
وفي بانكوك بلد الفيران بتجري في رجليك والعربيات بتدوس عليهم ويتفعصو في الارض ده غير الشحاتين اللي نايمين في الشارع وبيقضو حاجتهم
ومع ذلك الشوارع فلة عشان طول النهار فيه دولة شايفة شغلها وبتنضف ورا الناس اللي بتوسخ
وبالتالي قطاع الطبقة النضيفة اللي بتساعد الدولة بيكبر وبيتسع
لان الشعوب تربية حكامها
فين دور الدولة الاول في التربية والتثقيف والقيام بمهامها وبعدين تعالو حاسبو الناس
دي منظومة يا اخوانا باكيدج كده علي بعضه يا تخدوه علي بعضه يا تسيبكو من الكلام ده

 

[Ahmed Badrul Radzi]

احنا للاسف شعب عير نظيف و شعب اناني و نستاهل كل القرف ال بيحصلنا !!!!

 

[Hany Ibrahim]

حاجة توجع القلب. لا نقدر بلدنا هو ايه اللي جري للناس

 

[C Ahmed Magdy]

الموضوع دة اتكلمت فيه مليون مرة ولا حياة لمن تنادي مع أني شغال في المكان وكل يوم مع زباين داخل خارج من المارينا. ... المارينا خاصة تابعة لبلبع وبيكسب من المارينا كزباين داخلة ومراكب واقفة وعربيات بتدخل ومصورين رحلات بتدفع وغيره وغيره كتيبيير ربنا يزيده مقولتش حاجة بس المشكلة انهم جشعين ومستخسرين يجيبوا شركة نظافة أو عمال تنظف المكان اللي هو أكل عيشة ووجهه للمكان وسمعة لمصر والمصريين لأن كل يوم بيدخل المارينا عدد مش قليل من جميع الجنسيات تخيلوا بقي كام واحد صور المكان يعني الفضايح بجلاجل والفكرة سيئة عن المصريين

 

[Marwa Elnaggar]

صورة توجع القلب .حاجة تحزن الامارات الصحراء تعمل من الفسيخ شربات واحنا عندنا جنة علي البحر الاحمر وبنحاول ندمر كل جميل