M
Mostafa Ali
:: مسافر ::
مع دخول موسم الصيف والإجازات تكثر عروض شركات السياحة للسفر حول العالم وتتنافس في تقديم خدمات واسعار مميزه لشد انتباه العملاء ومحاولة نيل ثقتهم ورضاهم لينضمو اليهم دون الشركات المنافسه
بيقدمو عروض وخصومات حقيقيه.. و امتيازات كبيره بتحسس العميل انه طالع الرحلة مجانا
كل هذا يحدث في العالم كله ماعدا مصر.. في مصر فقط الشركات بتتذاكي علي العملاء وكانهم من كوكب اخر او اطفال صغار خروجو للتو الي العالم الخارجي لا يعلمون شئ عن اي شيء وما يقدم لهم دائما يحمل سر شويبس العجيب..
كما ترون حضراتكم هذه صوره من احد عروض هذه الشركات لجولات سياحيه في اسطنبول.. واللي راح اسطنبول هيعرف كويس ان الرحلات دي مش مكلفة اطلاقا والذهاب لها في منتهي البساطه وكثير منها هيتراح مشي اصلا بدون مواصلات
خلوني اوضح اكتر بس قبل ما اوضح يا ريت حضرتك تلقى نظره فاحصه على الصورة اللى فيها العرض بالاسفل وتكتب لو امكن اللى فيها عشان متتهوش منى :
1- جزر الاميرات.. تركب حضرتك عباره ب4 ليره ونص من ميناء كاباتاش توصل هناك بالسلامه في ساعة زمن..مفيش وسيلة مواصلات اخري نهائياً
2- الرحله البحريه في خليج البسفور.. ب12 ليره من ميناء امينونو.. لازق في كاباتاش.. و علي فكره الاثنين اشهر من نار علي علم وكل المترو والترام والاتوبيسات والدنيا كلها بتعدي عليهم.. يعني لو فكرت تتوه هتلاقي نفسك هناك ( يا في كاباتاش يا في امينونو)
3- قصر توب كابي و المسجد الازرق و ايا صوفيا ومعاهم كمان السوق المسقوف ومعاهم كمان حديقه جولهانه.. دي جوله شامله كامله في منطقة السلطان احمد.. وغالباً حضرتك لو اسره هتبقي ساكن هناك فهتتلف مشي كلها ولو حتي ساكن في منطقه تانيه فهتركب الترام لمحطة السلطان احمد (نفس شهرة المينائين اللي فوق بالضبط ان لم تكن اشهر) وتذكرة الترام ب1.5 ليره
دخول توب كابي 40 ليره
دخول ايا صوفيا 40 ليره
اما الباقي فهو مجانا.. ايوه مجانا مهو سيادتك ده جامع و التاني سوق والثالثه حديقه عامه
4- نيجي بقا لجولات اليوم ده.. الثلاث حاجات دول ميدان تقسيم وشارع الاستقلال وبرج جالاته يتلفو مشي في ساعه او لو مش قادر او لو عايز تنبسط وتركب ترام الاستقلال الشهير يبقي هتتكلف 2 ليره زياده
تذكره برج جالاته 30 ليره
وطبعا الميدان والشارع مجانا.. محدش هيدفعك فلوس عشان تمشي في شارع.. ده شارع يا جماعه انتو بتقولو ايه ..أعقلو الكلمه
اه طبعاً لو حضرتك ساكن بعيد يبقي المترو هينزل حضراتك في الميدان الاشهر في العالم () ميدان تقسيم او تكسيم فقط ب 2 ليره
5 - برج الفتاة.. تذكرته 20 ليره وتركب عباره توصلك ليه من ميناء كاباتاش ( فاكرينه بتاع جزر الاميرات اللي فوق ده) فقط 2 ليره
نجمع بقا الليرات اللي عمالين نبعزقها يمين وشمال دي هيطلعو اجمالي 154 ليره تركيه يعني بالمصري حوالي 800 ج بعد اضافه الضرائب والمستنقعات
نيجي بقا لمربط الفرس.. تكلفه الجولات دي في شركه السياحه كانت كااام.. حد فاكر.. كانت 120 دولار.. يعني بالمصري حوالي 2160 ج ده غير انه ممكن يحسب الاطفال الاقل من 6 سنوات ولو بنص تذكره.. وهنا انا احب اؤكد لحضرتك ان الاطفال دول مجانا تماما في اي مكان في تركيا..مواصلات.. متاحف.. مزارات.. عبارات.. ناقص يكلو ببلاش
يبقي الخلاصه ان حضرتك كنت هتدفع اكتر من مرتين ونص تمن رحلات ابسط من البساطه.. ولا فيها اي اختراع وهتلاقيها في وشك طوال ما انت ماشي في تركيا.. ولو سألت مستر جوجل هيقولك كده اقسم بالله
وبعدين نيجي نقول السفر غالي
بيقدمو عروض وخصومات حقيقيه.. و امتيازات كبيره بتحسس العميل انه طالع الرحلة مجانا
كل هذا يحدث في العالم كله ماعدا مصر.. في مصر فقط الشركات بتتذاكي علي العملاء وكانهم من كوكب اخر او اطفال صغار خروجو للتو الي العالم الخارجي لا يعلمون شئ عن اي شيء وما يقدم لهم دائما يحمل سر شويبس العجيب..
كما ترون حضراتكم هذه صوره من احد عروض هذه الشركات لجولات سياحيه في اسطنبول.. واللي راح اسطنبول هيعرف كويس ان الرحلات دي مش مكلفة اطلاقا والذهاب لها في منتهي البساطه وكثير منها هيتراح مشي اصلا بدون مواصلات
خلوني اوضح اكتر بس قبل ما اوضح يا ريت حضرتك تلقى نظره فاحصه على الصورة اللى فيها العرض بالاسفل وتكتب لو امكن اللى فيها عشان متتهوش منى :
1- جزر الاميرات.. تركب حضرتك عباره ب4 ليره ونص من ميناء كاباتاش توصل هناك بالسلامه في ساعة زمن..مفيش وسيلة مواصلات اخري نهائياً
2- الرحله البحريه في خليج البسفور.. ب12 ليره من ميناء امينونو.. لازق في كاباتاش.. و علي فكره الاثنين اشهر من نار علي علم وكل المترو والترام والاتوبيسات والدنيا كلها بتعدي عليهم.. يعني لو فكرت تتوه هتلاقي نفسك هناك ( يا في كاباتاش يا في امينونو)
3- قصر توب كابي و المسجد الازرق و ايا صوفيا ومعاهم كمان السوق المسقوف ومعاهم كمان حديقه جولهانه.. دي جوله شامله كامله في منطقة السلطان احمد.. وغالباً حضرتك لو اسره هتبقي ساكن هناك فهتتلف مشي كلها ولو حتي ساكن في منطقه تانيه فهتركب الترام لمحطة السلطان احمد (نفس شهرة المينائين اللي فوق بالضبط ان لم تكن اشهر) وتذكرة الترام ب1.5 ليره
دخول توب كابي 40 ليره
دخول ايا صوفيا 40 ليره
اما الباقي فهو مجانا.. ايوه مجانا مهو سيادتك ده جامع و التاني سوق والثالثه حديقه عامه
4- نيجي بقا لجولات اليوم ده.. الثلاث حاجات دول ميدان تقسيم وشارع الاستقلال وبرج جالاته يتلفو مشي في ساعه او لو مش قادر او لو عايز تنبسط وتركب ترام الاستقلال الشهير يبقي هتتكلف 2 ليره زياده
تذكره برج جالاته 30 ليره
وطبعا الميدان والشارع مجانا.. محدش هيدفعك فلوس عشان تمشي في شارع.. ده شارع يا جماعه انتو بتقولو ايه ..أعقلو الكلمه
اه طبعاً لو حضرتك ساكن بعيد يبقي المترو هينزل حضراتك في الميدان الاشهر في العالم () ميدان تقسيم او تكسيم فقط ب 2 ليره
5 - برج الفتاة.. تذكرته 20 ليره وتركب عباره توصلك ليه من ميناء كاباتاش ( فاكرينه بتاع جزر الاميرات اللي فوق ده) فقط 2 ليره
نجمع بقا الليرات اللي عمالين نبعزقها يمين وشمال دي هيطلعو اجمالي 154 ليره تركيه يعني بالمصري حوالي 800 ج بعد اضافه الضرائب والمستنقعات
نيجي بقا لمربط الفرس.. تكلفه الجولات دي في شركه السياحه كانت كااام.. حد فاكر.. كانت 120 دولار.. يعني بالمصري حوالي 2160 ج ده غير انه ممكن يحسب الاطفال الاقل من 6 سنوات ولو بنص تذكره.. وهنا انا احب اؤكد لحضرتك ان الاطفال دول مجانا تماما في اي مكان في تركيا..مواصلات.. متاحف.. مزارات.. عبارات.. ناقص يكلو ببلاش
يبقي الخلاصه ان حضرتك كنت هتدفع اكتر من مرتين ونص تمن رحلات ابسط من البساطه.. ولا فيها اي اختراع وهتلاقيها في وشك طوال ما انت ماشي في تركيا.. ولو سألت مستر جوجل هيقولك كده اقسم بالله
وبعدين نيجي نقول السفر غالي