انا أشجعك جدا تروحي المغرب عموما .
انا رحت المغرب مره و من حلويتها رحتها تاني الشهر الي بعده تجنن و رخيصه و بيحبو المصرين جدااا
بص المغرب حر طبعا فا ابتداء من أوكتوبر اوك احسن وقت هو طبعا كريسماس لحد النيو ير هتبقي مليانه سياح و احتفالات
المدن :
١-مراكش طبعا مينفعش تروح الغرب و متروحش هيا العاصمة السياحية
فيها ساحه ألفنا و ديه حته شبه الحسين عندنا شويه بس احلي و فيها قمه جبليه اسمها ( اوكيمدن) دي فيها تلج و تليفريك
و فيها مطعم و خروج بليل كتير و الحمام مغربي لازم تجربه يجنن
٢- شيفشاون دي مدينه صغيره بس كلها ألوان مبهجه
٣- السويره ده مدينه علي البحر زي السويس عندن كده فيها سمك كتير و فيها مهرجان موسيقا عالمي اسمه الجناوه بس ده في وقت معين من السنه غالبا مايو
٤- كازبلنكا دي الي فيها المطار و هي علي المحيط زي اسكندريه كده عندنا فيها جامع محمد السادس حلو اوي بس اقعد فيها يُومين بس مش اكتر
٥- اجادير دي زي شرم الشيخ كده مدينه سياحية علي البحر بتتراح في الصيف
الفيزا سهله جدا زمان كانت بتخدها في نفس اليوم بس دلوقتي بتاخد أسبوع
ورق عادي. اتش أر ليتير و كشف حساب بنك و حجز الأوتيل و الطيران بس كده
نصائح :
١- اجر عربيه التاكسيات غاليه اوي هناك العربيه بالبنزين أرخص كمان غالبا هتنزل في مطار كزابلنكا فا هتحتجها عشان تنتقل من مدينه التانيه بدل القطر و مفيش حد للاميال في الايجار فا اوفر و رخصه سواقه مصر بتشتغل هناك منغير رخصه دوليه ولا حاجه
٢- تجنب كل تروح وقت اجزات الأعياد ( عيد صغير او كبير ) كل حاجه بتبقي قافله و الناس بترجع بلدهم الي في القري
و كمان الأعياد بتبقي دراي ( ممنوع الكحول)
٣- في مطعم في مراكش في ساحه ألفنا حلو جدا لازم تروحوه موسيقي و رقص و شموع اسمه مراكيشي مشهور جدا
البلد رخيصه و حلوه و غريبه و اَهلها طيبين و بيحبو المصرين و هيشلوك في عنيهم لو عرفو انك مصري بس هيقعدو يضحكو من الهجه بتعتنا كل شويه عشان مفيش مصرين بيروحو هناك كتير
لو عندك اي سوْال تاني اتفضلي طبعا انا بحب البلد ده جدا
