M
Mostafa Shaaban
:: مسافر ::
كوبا يعنى الجمال والموسيقى والطبيعة الخلابة بس اللى ناوى يروح هناك يخلى باله من كام حاجة:
-مفيش طيران مباشر من مصر طبعاً يعنى تعمل حسابك إن الرحلة طويلة ومتعبة وفيها ترانزيت بس برغم أى تعب هى رحلة جميلة وتستاهل
-الفيزا بتاعتها من مصر مش عارف نظامها إيه بس مااعتقدش هتبقى صعبة (أنا واخدالفيزا من سفارة كوبا فى مدريد)
-الجو هناك حر والرطوبة عالية جداً يعنى اعمل حسابك فى مناديل كتير وانت رايح ولازم تعمل حسابك فى كريم للشمس وكمان البتاع اللى بيترش على الجسم عشان يبعد عنه الناموس (مهم جداً عشان الناموس مابيرحمش )
-الناس هناك طيبين جداً وتحب تتعامل معاهم خصوصاً لو بتعرف أسبانى ده غير إنهم شبه المصريين فى حاجات كتير زى الطباع والعقلية والظروف اللى عايشينها بس الفرق إننا ثقافتنا عربية وهما ثقافتهم لاتينية
-البلد هناك أمان جداً وممكن تمشى فى الشارع الفجر ومحدش يتعرض لك نهائى، ده غير إن الشرطة هناك مابتهزرش
-العملة هناك قصتها غريبة شوية لأنهم عندهم عملتين واحدة اسمها الcup ودى العملة المحلية الأصلية والدولار الواحد بيساوى 25 من العملة دى.... العملة التانية اسمها cuc ودى اللى ببتعامل بيها الأجانب أكتر وسبب وجودها إن كان فى أزمة فى الدولار أو الحكومة حبت تفك ارتباط عملتها بالدولار (حاجة سياسية يعنى) فعملوا العملة دى واللى قيمتها مساوية للدولار.. المهم انت بس خلى بالك عشان ساعات بيحصل حركات نصب بسبب موضوع العملتين ده
-الميكانيكية فى كوبا المفروض ياخدوا جايزة نوبل فى السيارات، هتلاقى عربيات من الأربعينات والخمسينات ومع ذلك متجددة بشكل كامل وفيها تكييف وإزاز كهربا وحاجة آخر دلع الصراحة
-معظم الناس اللى بتروح كوبا بتركز على المدن الكبيرة والمشهورة زى havana, cienfuegos,trinidad,santa clara, varadero ودى كلها مدن جميلة بس برضه فى مدن تانية زى viñales و soroa ودى مدن الطبيعة فيها أقل مايقال عنها إنها ساحرة لدرجة إنه هيجيلك إحساس إنك يادوب مش ناقصك غير الديناصورات وتبقى رجعت للعصر الحجرى ده غير ال cayos ودى بتبقى عبارة عن جزر صغيرة حوالين الجزيرة الأم ودى بقى أماكن بتحسسك إنك ألف مبروك يامحترم إنت دخلت الجنة خلاص
-بيقولوا إن السيجار الكوبى هو أفضل سيجار فى العالم والسيجار اللى بيتعمل فى viñales هو أفضل سيجار فى كوبا، وانت هناك هتلاقى المزارع بتاعة التبغ وفى حد بيشرح لك طريقة تصنيعه وفعلاً السيجار هناك نضيف أوى ( أنا مش خبير فى السيجار بس أنا جربت السيجار الهولندى اللى هو مشهور برضه قبل كده وكان حاجة استغفر الله العظيم الصراحة) المهم انت كده كده لازم تجيب منه حتى لو مش بتدخن عشان أكيد فى ناس هتطلبه منك
-الأكل بتاعهم حلو وأحلى حاجة تجربها هناك هى الأسماك والفواكه الاستوائية زى المانجة والاناناس والجوافة وفاكهة تانية أول مرة اجربها زى البابايا والماميه(اه والله اسمهم كده) وفى نوع تانى من الموز مش مسكر بيقطعوه شرايح رفيعة زى الشيبسى وبيقلوه
-الانترنت تقريباً هو أسوأ حاجة هناك وتقريبا كده هو ده الحاجة الوحيدة فى العالم اللى هتخليك تحمد ربنا على نعمة تى اى داتا عشان الخدمة هناك لسه داخلة من سنتين بس وعشان تدخل ع النت لازم تشحن كارت مخصوص وعشان الكارت يشتغل لازم تكون موجود فى نقطة من نقاط الواى فاى اللى عاملينها(حاجة كده زى محطات الأوتوبيس تروح تقف عندها وتدخل ع الواى فاى)
-المواصلات بين المدن بالأوتوبيس لكن ممكن تاخد تاكسى شير مع ناس تانية والسعر بيكون مقارب للأوتوبيس بس أريح وأسرع
-الكافيهات كلها تقريباً بتجيب فرق موسيقية تعزف للناس الموجودة ودى بقى من أمتع الحاجات اللى هتشوفها هناك، الموسيقى اللايف دايماً تأثيرها واحساسها بيكون مختلف
-دى تقريباً كل تجربتى فى كوبا واللى أنا سعيد جداً إنى باشاركها معاكوا لأول مرة بأشارك فيها تجربة سفر مع جروب أونلاين وشكراً جزيلاً
-
-مفيش طيران مباشر من مصر طبعاً يعنى تعمل حسابك إن الرحلة طويلة ومتعبة وفيها ترانزيت بس برغم أى تعب هى رحلة جميلة وتستاهل
-الفيزا بتاعتها من مصر مش عارف نظامها إيه بس مااعتقدش هتبقى صعبة (أنا واخدالفيزا من سفارة كوبا فى مدريد)
-الجو هناك حر والرطوبة عالية جداً يعنى اعمل حسابك فى مناديل كتير وانت رايح ولازم تعمل حسابك فى كريم للشمس وكمان البتاع اللى بيترش على الجسم عشان يبعد عنه الناموس (مهم جداً عشان الناموس مابيرحمش )
-الناس هناك طيبين جداً وتحب تتعامل معاهم خصوصاً لو بتعرف أسبانى ده غير إنهم شبه المصريين فى حاجات كتير زى الطباع والعقلية والظروف اللى عايشينها بس الفرق إننا ثقافتنا عربية وهما ثقافتهم لاتينية
-البلد هناك أمان جداً وممكن تمشى فى الشارع الفجر ومحدش يتعرض لك نهائى، ده غير إن الشرطة هناك مابتهزرش
-العملة هناك قصتها غريبة شوية لأنهم عندهم عملتين واحدة اسمها الcup ودى العملة المحلية الأصلية والدولار الواحد بيساوى 25 من العملة دى.... العملة التانية اسمها cuc ودى اللى ببتعامل بيها الأجانب أكتر وسبب وجودها إن كان فى أزمة فى الدولار أو الحكومة حبت تفك ارتباط عملتها بالدولار (حاجة سياسية يعنى) فعملوا العملة دى واللى قيمتها مساوية للدولار.. المهم انت بس خلى بالك عشان ساعات بيحصل حركات نصب بسبب موضوع العملتين ده
-الميكانيكية فى كوبا المفروض ياخدوا جايزة نوبل فى السيارات، هتلاقى عربيات من الأربعينات والخمسينات ومع ذلك متجددة بشكل كامل وفيها تكييف وإزاز كهربا وحاجة آخر دلع الصراحة
-معظم الناس اللى بتروح كوبا بتركز على المدن الكبيرة والمشهورة زى havana, cienfuegos,trinidad,santa clara, varadero ودى كلها مدن جميلة بس برضه فى مدن تانية زى viñales و soroa ودى مدن الطبيعة فيها أقل مايقال عنها إنها ساحرة لدرجة إنه هيجيلك إحساس إنك يادوب مش ناقصك غير الديناصورات وتبقى رجعت للعصر الحجرى ده غير ال cayos ودى بتبقى عبارة عن جزر صغيرة حوالين الجزيرة الأم ودى بقى أماكن بتحسسك إنك ألف مبروك يامحترم إنت دخلت الجنة خلاص
-بيقولوا إن السيجار الكوبى هو أفضل سيجار فى العالم والسيجار اللى بيتعمل فى viñales هو أفضل سيجار فى كوبا، وانت هناك هتلاقى المزارع بتاعة التبغ وفى حد بيشرح لك طريقة تصنيعه وفعلاً السيجار هناك نضيف أوى ( أنا مش خبير فى السيجار بس أنا جربت السيجار الهولندى اللى هو مشهور برضه قبل كده وكان حاجة استغفر الله العظيم الصراحة) المهم انت كده كده لازم تجيب منه حتى لو مش بتدخن عشان أكيد فى ناس هتطلبه منك
-الأكل بتاعهم حلو وأحلى حاجة تجربها هناك هى الأسماك والفواكه الاستوائية زى المانجة والاناناس والجوافة وفاكهة تانية أول مرة اجربها زى البابايا والماميه(اه والله اسمهم كده) وفى نوع تانى من الموز مش مسكر بيقطعوه شرايح رفيعة زى الشيبسى وبيقلوه
-الانترنت تقريباً هو أسوأ حاجة هناك وتقريبا كده هو ده الحاجة الوحيدة فى العالم اللى هتخليك تحمد ربنا على نعمة تى اى داتا عشان الخدمة هناك لسه داخلة من سنتين بس وعشان تدخل ع النت لازم تشحن كارت مخصوص وعشان الكارت يشتغل لازم تكون موجود فى نقطة من نقاط الواى فاى اللى عاملينها(حاجة كده زى محطات الأوتوبيس تروح تقف عندها وتدخل ع الواى فاى)
-المواصلات بين المدن بالأوتوبيس لكن ممكن تاخد تاكسى شير مع ناس تانية والسعر بيكون مقارب للأوتوبيس بس أريح وأسرع
-الكافيهات كلها تقريباً بتجيب فرق موسيقية تعزف للناس الموجودة ودى بقى من أمتع الحاجات اللى هتشوفها هناك، الموسيقى اللايف دايماً تأثيرها واحساسها بيكون مختلف
-دى تقريباً كل تجربتى فى كوبا واللى أنا سعيد جداً إنى باشاركها معاكوا لأول مرة بأشارك فيها تجربة سفر مع جروب أونلاين وشكراً جزيلاً
-