A
Ahmed Belal
:: مسافر ::
رئيسة الديوان في أسوان
بعد جولة طويلة جدا ومرهقة ومستمرة، كنت ف طريقي للمتحف النوبي، تعبت جدا من المشي والحر، لقيت كرسي من اللي الناس بتقعد عليه تستنى الاتوبيس، وقاعد راجل كبير لابس جلابية بيضا وطاقية بيضا.
قعدت وخلعت الشوز وكان ناقص امدد وانام ف الشارع، فسألت الراجل اذا المقابر اللي قدامنا هي مقابر الفاطميين، قالي اه وان هنا مقام الحسن والحسين والسيدة زينب والسيد البدوي والرفاعي وكل آل البيت.
أنا ف الحقيقة قلت راجل كبير وبيتخيل حاجات، فقلت له أمال مين اللي في القاهرة، قالي هم مدفونين هناك بس ليهم مقامات هنا وموالد، والنهارده السبت مولد السيدة زينب الأسبوعي!.
المهم قالي تعالى نزور ونروح المولد، رحت معاه، الراجل زار السيد البدوي في أسوان عادي جدا، ولقيت ناس تانية بتزور، بعدين طلعنا على هضبة عالية، لقيت "مقام السيدة زينب"!.
وانت داخل ع المقام الوهمي هتلاقي اعلام خضرا كتير، وطول الطريق ناس بتقدم شاي ومشروبات تانية وأكل عبارة عن طبق شوربة عدس ورغيفين عيش، وطبعا كل ده مجاني.
كل ما تقرب من المقام يرتفع صوت طبل وموسيقى ومديح.
دخلت المقام، عبارة عن صالة كبيرة فيها زي حلقة ذكر، ورجالة وستات قاعدين بيرددوا المديح ورا اللي بيمدح. وفي غرفة تانية فيها قبر وهمي للسيدة والناس بتدخل تتبارك بيه ويقروا الفاتحة.
كانت حالة غريبة، قعدت فوق حوالي ساعة وشربت ينسون وأنا بشوف ملامح الستات والرجالة والأطفال اللي جايين للسيدة، وكله منتظر الليل عشان المولد يكتمل.. مولد السيدة زينب الأسبوعي في أسوان!.
بعد جولة طويلة جدا ومرهقة ومستمرة، كنت ف طريقي للمتحف النوبي، تعبت جدا من المشي والحر، لقيت كرسي من اللي الناس بتقعد عليه تستنى الاتوبيس، وقاعد راجل كبير لابس جلابية بيضا وطاقية بيضا.
قعدت وخلعت الشوز وكان ناقص امدد وانام ف الشارع، فسألت الراجل اذا المقابر اللي قدامنا هي مقابر الفاطميين، قالي اه وان هنا مقام الحسن والحسين والسيدة زينب والسيد البدوي والرفاعي وكل آل البيت.
أنا ف الحقيقة قلت راجل كبير وبيتخيل حاجات، فقلت له أمال مين اللي في القاهرة، قالي هم مدفونين هناك بس ليهم مقامات هنا وموالد، والنهارده السبت مولد السيدة زينب الأسبوعي!.
المهم قالي تعالى نزور ونروح المولد، رحت معاه، الراجل زار السيد البدوي في أسوان عادي جدا، ولقيت ناس تانية بتزور، بعدين طلعنا على هضبة عالية، لقيت "مقام السيدة زينب"!.
وانت داخل ع المقام الوهمي هتلاقي اعلام خضرا كتير، وطول الطريق ناس بتقدم شاي ومشروبات تانية وأكل عبارة عن طبق شوربة عدس ورغيفين عيش، وطبعا كل ده مجاني.
كل ما تقرب من المقام يرتفع صوت طبل وموسيقى ومديح.
دخلت المقام، عبارة عن صالة كبيرة فيها زي حلقة ذكر، ورجالة وستات قاعدين بيرددوا المديح ورا اللي بيمدح. وفي غرفة تانية فيها قبر وهمي للسيدة والناس بتدخل تتبارك بيه ويقروا الفاتحة.
كانت حالة غريبة، قعدت فوق حوالي ساعة وشربت ينسون وأنا بشوف ملامح الستات والرجالة والأطفال اللي جايين للسيدة، وكله منتظر الليل عشان المولد يكتمل.. مولد السيدة زينب الأسبوعي في أسوان!.