H
Heba ElRamly
:: مسافر ::
طيب أولا كده نستفتح بسم الله السلام عليكم 
.. ثانيا ايون انا دى اللى طايرة هناك دى ..
ثالثا بقي الارتفاع ده 70 متر اه – رابعا دى (الصين حلوة) – خامسا بقي ندخل فى التفاصيل ... ايه ضااه !!
طويب بم انى لسة راجعة من رحلة فى الصين بقالى يومين وعاوزة اقولكم ان اه الصين حلوة وحلوة اوي وكل اللى ممكن تتخيله ومتتخيلوش موجود فى الصين – انا زرت كذا معلم هناك منها سور الصين العظيم و المدينة المحرمة وخديقة الحيوان والاحياء المائية فى بكين – وديزني لاند ومتحف مدام توسودس فى شنغهاي – ولكن الحاجة اللى عاوزة اتكلم عنها فعلا دلوقتى هى تجربة ال Bungy Jumb
المكان اللى انا كنت فيه اعلى ارتفاع لل Bungy Jump من حوله هو 70 متر – وتعتبر برضه المسافة بعيدة لان هم بيخلوا اى مكان بيتعمل فيه ال Bungy Jump خارج المناطق السكنية كأنك طالع برا البلد
المواصلات فى بكين مش سهلة مش اى مكان ممكن تركب له مترو فى اماكن بتحتاج باص وفى اماكن متنفعش غير بالمترو وفى اماكن متنفعش غير بالتاكسي اه التاكسيات غالية بس بتوفر مرمطة ووقت
بتروح هناك المكان اللى اسمه (Qinglong Gorge Resort )
اول ما بتروح بيبقي فى بوابة كبيرة لحجز تيكتس دخول ال Resort نفسه ودى تكلفتها كانت 54 يوان
بعدين بتدخل بيبقي فى علامات بتدلك كل لعبة فين .. والحاجة اللي بتميز كل الصين يا جماعة ان بين اى حاجة والتانية مساحات شاسعة وكلها خضرة وجناين ..
المهم بتمشي مسافة حلوة جوا لغاية ما بتشوف قمة المكان اللى المفروض حتنط منه بتطلع زي جبل كده بس ممهد بسلالم لغاية ما بتوصل لمكان حجز ال Bungy تكلفة النطة بتبقي 380 يوان ولو عاوز صور وفيديو بتزود 100 يوان
تمام دفعت خلاص !! بتبدأ تطلع فوق سالم عاملة حوالى 3 ادوار وتدخل على مرحلة الوحش بقي ...
بتدخل بيبقي فى اتنين بيربطوك جامد جدا من رجليك الاتنين ومن الوسط والحبل اللى بتنزل بيه ده بيبقي اسفله تقل كده و اللى بيشدك على تحت
الحبل ذات نفسه مطاطى يعنى لما تيجي تنط بينط بيك لفوق ولتحت ولجميع الاتجاهات الصراحة
المهم بيتأكد ان مفيش اى معدن فى رأسك وتبدأ بقي يوقفك على عارضة نصف رجلك برا ويمسكك جامد ويبدأ يأهبك انك لازم تنط دلوقتى مع اللحظة اللى حيفلت فيها ايده .. لان انت واقف نصف رجلك برا لازم توازن نفسك
تبدأ النطة تجنب تماما انك تكون نازل براسك عشان ميجيلكش صداع لما تنزل فحاول وانت ناطط تكون رافع رأسك .. أول ما بتنط انا بصراحة كنت مبسوطة ومستمتعة جدا بعد لحظات خفت وهلة انا بنزل مبقفش هو انا مش حأقف بس هى كانت وهلة ولاقيت الادرينالين علي تاني حااااول تستمتع بالنطة .. النطة آآآآآآآمنة جداااااااا طول الحبل اصلا مش بيوصل بيك لتحت بالعكس بيبقي واقف ى النصف بس هو مطاطى فبيطلع بيك وينزل ويلف حبة كده .. بعد كده مرحلة النزول
بيبدأ هو من فوق ينززل الحبل بالمكنة وفي قارب تحت بيجي يستناك عشان تنزل فيه .. مش بتنط انت بيبقي فيه حوالى 3 او 4 افراد واحد ماسك لك عصاية كبيرة عشان تمسك فيها ويبدأوا ينزلوك واحدة واحدة لغاية ما تنزل القارب بعدين ياخدك ويمشي بيك لغاية البر
وبس بتطلع تانى طريق مختصر تاخد حاجتك اللي سبتها وتاخد dvd عليه فيديو ليك ومجموعة صور بتختار منها صور يطبعهالك .. وجزاكم الله خيرا
وتبقي عشت احلى مغامرة ممكن تعيشها فى حياتك وتحس انك فعلا شخص حر ..
وشكرا لحسن الاستماع ارجو انى اكون وضحت المغامرة بالنفصيل
#خاطر_غامر_عيش_الحياه ❤
.. ثانيا ايون انا دى اللى طايرة هناك دى ..ثالثا بقي الارتفاع ده 70 متر اه – رابعا دى (الصين حلوة) – خامسا بقي ندخل فى التفاصيل ... ايه ضااه !!
طويب بم انى لسة راجعة من رحلة فى الصين بقالى يومين وعاوزة اقولكم ان اه الصين حلوة وحلوة اوي وكل اللى ممكن تتخيله ومتتخيلوش موجود فى الصين – انا زرت كذا معلم هناك منها سور الصين العظيم و المدينة المحرمة وخديقة الحيوان والاحياء المائية فى بكين – وديزني لاند ومتحف مدام توسودس فى شنغهاي – ولكن الحاجة اللى عاوزة اتكلم عنها فعلا دلوقتى هى تجربة ال Bungy Jumb
المكان اللى انا كنت فيه اعلى ارتفاع لل Bungy Jump من حوله هو 70 متر – وتعتبر برضه المسافة بعيدة لان هم بيخلوا اى مكان بيتعمل فيه ال Bungy Jump خارج المناطق السكنية كأنك طالع برا البلد
المواصلات فى بكين مش سهلة مش اى مكان ممكن تركب له مترو فى اماكن بتحتاج باص وفى اماكن متنفعش غير بالمترو وفى اماكن متنفعش غير بالتاكسي اه التاكسيات غالية بس بتوفر مرمطة ووقت
بتروح هناك المكان اللى اسمه (Qinglong Gorge Resort )
اول ما بتروح بيبقي فى بوابة كبيرة لحجز تيكتس دخول ال Resort نفسه ودى تكلفتها كانت 54 يوان
بعدين بتدخل بيبقي فى علامات بتدلك كل لعبة فين .. والحاجة اللي بتميز كل الصين يا جماعة ان بين اى حاجة والتانية مساحات شاسعة وكلها خضرة وجناين ..
المهم بتمشي مسافة حلوة جوا لغاية ما بتشوف قمة المكان اللى المفروض حتنط منه بتطلع زي جبل كده بس ممهد بسلالم لغاية ما بتوصل لمكان حجز ال Bungy تكلفة النطة بتبقي 380 يوان ولو عاوز صور وفيديو بتزود 100 يوان
تمام دفعت خلاص !! بتبدأ تطلع فوق سالم عاملة حوالى 3 ادوار وتدخل على مرحلة الوحش بقي ...
بتدخل بيبقي فى اتنين بيربطوك جامد جدا من رجليك الاتنين ومن الوسط والحبل اللى بتنزل بيه ده بيبقي اسفله تقل كده و اللى بيشدك على تحت
الحبل ذات نفسه مطاطى يعنى لما تيجي تنط بينط بيك لفوق ولتحت ولجميع الاتجاهات الصراحة
المهم بيتأكد ان مفيش اى معدن فى رأسك وتبدأ بقي يوقفك على عارضة نصف رجلك برا ويمسكك جامد ويبدأ يأهبك انك لازم تنط دلوقتى مع اللحظة اللى حيفلت فيها ايده .. لان انت واقف نصف رجلك برا لازم توازن نفسك
تبدأ النطة تجنب تماما انك تكون نازل براسك عشان ميجيلكش صداع لما تنزل فحاول وانت ناطط تكون رافع رأسك .. أول ما بتنط انا بصراحة كنت مبسوطة ومستمتعة جدا بعد لحظات خفت وهلة انا بنزل مبقفش
هو انا مش حأقف بس هى كانت وهلة ولاقيت الادرينالين علي تاني حااااول تستمتع بالنطة .. النطة آآآآآآآمنة جداااااااا طول الحبل اصلا مش بيوصل بيك لتحت بالعكس بيبقي واقف ى النصف بس هو مطاطى فبيطلع بيك وينزل ويلف حبة كده .. بعد كده مرحلة النزولبيبدأ هو من فوق ينززل الحبل بالمكنة وفي قارب تحت بيجي يستناك عشان تنزل فيه .. مش بتنط انت بيبقي فيه حوالى 3 او 4 افراد واحد ماسك لك عصاية كبيرة عشان تمسك فيها ويبدأوا ينزلوك واحدة واحدة لغاية ما تنزل القارب بعدين ياخدك ويمشي بيك لغاية البر
وبس بتطلع تانى طريق مختصر تاخد حاجتك اللي سبتها وتاخد dvd عليه فيديو ليك ومجموعة صور بتختار منها صور يطبعهالك .. وجزاكم الله خيرا
وتبقي عشت احلى مغامرة ممكن تعيشها فى حياتك وتحس انك فعلا شخص حر ..
وشكرا لحسن الاستماع ارجو انى اكون وضحت المغامرة بالنفصيل
#خاطر_غامر_عيش_الحياه ❤