بعد اذن الادمن .... كنت محتاج ضروري اعرف شهاده...

[Haytham Fathy]

بعد اذن الادمن .... كنت محتاج ضروري اعرف شهاده التحركات بتكون من واقع الباسبور ولا من واقع سجلات دايرة الهجره . يعني انا سافرت ماليزيا وبعد كده خرجت من ماليزيا علي كوريا وبعدين الصين وبعدين مصر . فهل شهاده التحركات هتقول من واقع باسبوري ولا هتقول ماليزيا فقط ... وشكرا

 

[Kareem Attallah]

هتروح مجمع التحرير ف قسم الجوازات وهتكون مصور كل ورق الباسبور عشان يشوفوا الاختام ال عليه ال هي تأشيرات الدخول والخروج.. وهياخده منك الصور دي وهيدوك ورقة تملاها.. هتسلم الورقة دي مع صور الجواز وصورة البطاقة .. بعدها بكام يوم هتروح.. وهياخذوا منك الجواز يطلعوا ع ال فيه ويقارنوه ب ال عندهم

 

[Kareem Attallah]

هي بتبقى ورقة مكتوبة بخط الايد ومختومة ختم النسر.. كاتبين فيه
دخلت بلد كذا وخرجت كذا بتاريخ كذا
وهكذا..
الورقة دي هتكون للجهة ال رايحلها فقط.. ذي التجنيد ف الغالب

 

[Reham Fahmy]

والله احترت في اجابة السؤال ده
يعني مثلا صاحبتي طلعت اول مرة الورقة دي متسجل فيها كل الترانزيت اللي مش مختوم بيها دخول وخروج - ده غير البلاد الغلط اللي كانوا حاطينها وهي ماعدتش عليها - وبعدين اعترضت ف غيروا الورقة وشالوا الترانزيت وسابوا البلاد المختومة بس. بصراحة انا مش عارفة لازمتها ايه غير انها بدعة سبوبة وخلاص.

 

[Enas Elwazzan]

انا عايزه اطلع الشهاده دى علشان اثبت انى بره مصر من سنين لازم لما ارجع ولا ممكن حالياً

 

[Joe George]

باختصار .... شهاده التحركات بتكون انت اخدت ختم وصول على الباسبور وانت جاى من انهى دوله (حتى لو ترانزيت) و شرحه ختم السفر .... مثال انا مسافر تايلاند ترانزيت فى دبى يعنى خرجت من مطار مصر لمطار دبى ورجعت من مطار دبى لمطار مصر ... اللى هايتكتب فى الشهاده انك رحت دبى ومش هايجيبو سيره تايلاند اصلا (ده على حسب كلام موظف هناك والله اعلم)