لو حبيت اجيب دى معايا وانا جى هل هاقدر ادخل...

[Marwan Elshazly]

لو حبيت اجيب دى معايا وانا جى هل هاقدر ادخل بيها من المطار ولا صعب زى ما بنسمع !
ياريت الرد يكون عن تجربه

 

[Mohamed Morsy]

قضية تجسس و انت واقف.

 

[Hussein El Masry]

هيتقالك جاسوس وهيتعمل عليك افلام لو اتشافت وممكن محدش يفتح شنطك وتعدي ولو اتشافت هتنزل خبر في اليوم السابع عن ضبط جاسوس بطياره تجسس فائقه التقدم

 

[Hala Mubarak]

انا شفت عمرو بدوي على السنابشات بيقول انها ممنوعه دخولها ، مبيجيش بيها خالص

 

[Mosaab Ehab]

انا عندي اقتراح انك تفكها كلها وتخليها قطع صغيره كدا وتوزعها علي الشنط ولما تدخل بيها بقي جمعها تاني

 

[محمد مصطفى]

ممنوعة

 

[Alaa Adel]

عن تجربة مش شخصية لكن صديق قريب و دخل بيها ... اول حاجة طلعها من الكرتونة ... فككها و حطها في اكتر من شنطة ... يعني المراوح لوحدها و الشاسية في حته تانية و كل حاجة تقدر تفكها و ترجع تركبها تاني ... و اتكل على الله و مفيهاش قضية تجسس ولا حاجة اخرها مصادرة ليها في المطار مش اكتر .
بس خلي بالك ان استعملها محتاج تصريح امني و دة اللي في قضية ... والتصريح مش بيطلع كدة والسلام علشان مش بيطلع بأسم اشخاص .. لازم تكون جهة زي شركة انتاج فني مثلا ... و التصريح بيكون بالمكان و الزمان .

اقراء ده
https://www.albawabhnews.com/2406250

 

[Gaber Khairy]

لو جيبتها وجيت مصر
هتوحشنا ومش هنشوف منك اى بوستات تانى
بس هتلعلع فى الاخبار والجرايد الرسميه والصفراء ومش بعيد يعتموا على اى مصيبة بخبر القبض على اكبر جاسوس وعميل فى مجرة درب التبانه

 

[Hossam Hamdy]

ممنوعه وبلاش تعرض نفسك لمشاكل انتا في غنا عنها Marwan Elshazly انا ضابط ودي نصيحه من اخ
وترجع بالف سلامه

 

[Mostafa Ali]

لو ليك حد ظابط جيش بيشتغل في المطار هيبعت معاك عسكري وتعدي من اتخن جمرك

 

[Hussein El Masry]

بس لو معاك ضابط هتعدي وتبقي حلوه وعادي ومش خطر علي الامن القومي ويتقالك دي لعبه ياعم تجسس ايه

 

[Mostafa Ali]

سؤال فني بقا خارج القصه شويه.. امكانات الكاميرا ايه لو تكرمت

 

[Karam Refat A. Gawad]

انت هتتثبت يا باشا

 

[Ayman El Semry]

مافيش حد هتجده جرب و بيرد عليك هنا
اولا دي ممنوعه تماما و مش هتقف علي انهم مش هيدخلوا هتبقي مشكله اما موضوع التفكيك ده مشكلته أكبر لان مخبائها و ده ممكن يقلبها قضيه
انا قلت لك اللي اعرفه كويس و انت اللي تختار بس الأفضل بلاش
يعني علشان تبقي عارف في الاستيراد الكفته بتعدي و بحاويات و كل شيء شغال تقريبا الا موضوع الطائره دي علشان تبقي عارف

 

[Mahmoud El-Shennawy]

اصحاب نصيحة فكها في أكتر من شنطة ، لو على أسوأ الاحتمالات أتمسك ، هيبقى ايه تبريره ؟ هتبقى فعلا قضية بجد.

 

[Ahmed Kadry Morad]

انت ممكن يتحكم عليك بالاعدام كده

 

[ȜmÀr Ismail]

هتتفشخ بس احتمال تحصلك حاجه أنت مش هتحبها

 

[Mosaab Ehab]

علي فكره رغم انهم بيقولوا ممنوعه ودة قرار غبي الكاميرا دي موجودة في مصر وكمان بيستخدموها في تصوير الماتشات يعني مش ممنوعه علي اصحاب رؤس الاموال والسلطة والنفوذ وممنوعه علي المواطن العادي

 

[Ahmed Gamal]

هتلبس قضية تجسس ومحكمة عسكرية هتاخد اققل حاجة 10 سنين بلاش احسن

 

[Mohammed Kazamel]

لا بتتصادر على طول