M
Mohamed Mustafa Hamed
:: مسافر ::
بكين.
من يومين قاعد في امان الله (الدور ٢٨) و إذ بامطار غزيرة و عاصفة شغالة. طبعا انا لسان حالي أنه الحمد لله أن اليوم ده منزلتش من البيت لحد ما جت مكالمة تليفون و مضطر انزل. طبعا مكنتش متخيل المنظر بس نزلت لاقيت المياه وصلت لحد صدري و العربيات غرقانة و صحابها سابوها في نص الشارع و مشيوا و المطرة شغالة الجيش و قوات الحماية المدنية ماليين الشوارع و مفيش تاكسيات أو أي وسيلة مواصلات بتتحرك و كان منظر بالنسبة لي كأن القيامة بتقوم. علي ما طلعت البيت انا لم يسعني من الخضة غير اني اخد دش و انام.
صحيت الصبح و كنت مضطر انزل بردو و شايل الهم هنزل ازاي و هبهدل نفسي تاني و اكيد مستويات المياه دي تدخل في نطاق الكوارث الطبيعية و شايل هم المحلات اللي هتقفل و الحياة اللي هتقف. نزلت الشارع لاقيت الشمس طالعة و الشوارع مفيهاش نقطة مياة بدون ادني مبالغه والله و الحياة ماشية طبيعي و لا كان اي حاجة حصلت بليل.
مرفق صور السيول و صورة خدتها الصبح تاني يوم لنفس الشارع
من يومين قاعد في امان الله (الدور ٢٨) و إذ بامطار غزيرة و عاصفة شغالة. طبعا انا لسان حالي أنه الحمد لله أن اليوم ده منزلتش من البيت لحد ما جت مكالمة تليفون و مضطر انزل. طبعا مكنتش متخيل المنظر بس نزلت لاقيت المياه وصلت لحد صدري و العربيات غرقانة و صحابها سابوها في نص الشارع و مشيوا و المطرة شغالة الجيش و قوات الحماية المدنية ماليين الشوارع و مفيش تاكسيات أو أي وسيلة مواصلات بتتحرك و كان منظر بالنسبة لي كأن القيامة بتقوم. علي ما طلعت البيت انا لم يسعني من الخضة غير اني اخد دش و انام.
صحيت الصبح و كنت مضطر انزل بردو و شايل الهم هنزل ازاي و هبهدل نفسي تاني و اكيد مستويات المياه دي تدخل في نطاق الكوارث الطبيعية و شايل هم المحلات اللي هتقفل و الحياة اللي هتقف. نزلت الشارع لاقيت الشمس طالعة و الشوارع مفيهاش نقطة مياة بدون ادني مبالغه والله و الحياة ماشية طبيعي و لا كان اي حاجة حصلت بليل.
مرفق صور السيول و صورة خدتها الصبح تاني يوم لنفس الشارع