مساء الخير يا شباب انا في كليه علوم جامعه...

[George Nassem]

مساء الخير يا شباب
انا في كليه علوم جامعه الاسكندريه سنه تالته
كنت عاوز اعرف طريقه اني اكمل تعليم في جامعه في امريكا
انا دخلت علي موقع جابلي اسعار الجامعات في امريكا
فكنت ناوي اقدم علي هندسه
عاوز اعرف ازاي هقدم علي هندسه هل هيقبلوني علي طول ولا هعمل حاجه معينه مع العلم ان في السنه بتاعتي كنت جايب 90.12%
تاني حاجه في جامعات Ranked يعني محطوطه في الترتيب العالملي زي هارفارد وكده
لقيت جامعه في اول 100 عالعالم ب 26 الف دولار تقريبا
وجامعه في ال 400 ب 23 الف دولار
وجامعه في الترتيب برضو مش فاكر كام كانت ب 17 الف دولار
بس في جامعات unranked في ولايات بعيده مش الولايات المعروفه ب 7000 و 8000 دولار ايه الفرق لو انا خريج هندسه من هنا او من هنا
اخر حاجه ايه المطلوب بالظبط في الكورسات عشان اتقبل وانا بقدم في الجامعه سات او تويفل او ايلتس
وشكرا مقدماا

 

[Mahmoud Abdlla]

انت كدا محتاج حد لف عالجامعات دي كلها بقي ويقولك
شوف مطلوبات كل جامعة وشوف هتقدر تحققها ولا لا سواء فلوس او امتحانات

 

[Salwa F Wahba]

هايحسبوا لك credits لا تذكر يعنى لازم تبتدى من الاول وعادة ال international student بيدفع اضعاف اصعاف المواطن العادى

 

[Abdelrahman Atta]

ترتيب الجامعات تشوفه مع التخصص
يعني ممكن يكون جامعه ترتيبها عالي بس هي مشهوره مثلا بالطب وانت عايز هندسه فيبقى تشوف الجامعه اللي مشهوره فالهندسه

 

[Anas Ibrahim]

محتاج توفل و محتاج GRE
حاول تكون الجامعة الي تختارها من ضمن اول ٣٠٠ جامعة ع العالم ع الاقل،، لانه كثير بتفرق معك.

الشغلة الاخيرة كمل دكتوراه عطول بدون ماستر

 

[Enas Elwazzan]

٢٦ الف دولار دى للى معاهم جنسيه ومقيمين داخل الولايه آكتر من سنه وده كمان سعر التيرم الواحد مش السنه بالنسبه للجامعات الاولى
لكن لو انت جو من مصر هتتحاسب انترناشيونال لازم مصاريف السنه كامله وكمان يبقى معاك مصاريفه الاقامه لمده سنه وبتتحسب تقريباً ٢٠٠٠ دولار فى الشهر
ده علشان تاخد الفيزا
بالنسبه للجامعات انصحك تروح اميدست وتسألهم وتمتحن عندهم