مساء الخير انا شغال ف الامارات وجالي استدعاء...

  • بادئ الموضوع بادئ الموضوع Amr Nada
  • تاريخ البدء تاريخ البدء
عرض العطلة
A

Amr Nada

:: مسافر ::
#1
مساء الخير
انا شغال ف الامارات وجالي استدعاء من الجيش وانا هناك ف حوالي شهر 5 ووالدي راح مضي اني خارج الدولة .. ودلوقتي نزلت اجازة مصر ف اخر 7 وراجع ف اخر 8 ان شاء الله، فا عندي كذا سؤال
1- ايه الاوراق والتصاريح اللي هتطلب من وانا مسافر الامارات تاني؟
2- سمعت ان مطلوب شهادة تحركات من مجمع التحرير، ايه الاوراق اللي مفروض اخدها معايا وانا رايح اطلعها؟
3- وسمعت انها مفروض تتوثق .. بوثقها منين واوديها فين بعد كدا؟
وشكرا
 
#4
على حد معلوماتى

هتجيب شهادات التحركات و تاخد الباسبور و تروح المكان اللى كنت اخدت منه تصريح السفر يلغولك الاستدعا اللى فات و تقدم على طول على تصريح سفر جديد
و اكيد انت معاك اقامة فتصريح السفر هيطلعلك بسنة
 
#5
انا كان جوزي نفس الموضوع و مسافر تاني بس هوه معاه تصريح سفر الي كلن مسافر بيه و مطلع باسبور جديد فالظابط الي في القسم قاله خلاص مادام معاك التصريح ده و عملت باسبور جديد يبقي مافيش مشاكل
 
عرض العطلة
#6
حصلت معايا عادي
هتروح مجمع التحرير وتاخد جواز السفر معاك وتطلب شهادة تحركات وبتاخد تقريبا ٣-٥ ايّام ومش محتاج توثقها
بعد ما تستلمها روح بيها على مكتب التعبئة اللي انت تابع ليه بعدين هتاخد منهم جواب للمنطقة تلغي بيه الاستدعاء وبيكتبلك رقم علي الجواب بعدين تمشي في إجراءات تصريح السفر عادي
 
عرض العطلة
#11
بيكون له استدعاء لغاية 9 سنين من بعد اداء الخدمة وبعد كده بيروح ياخد شهادة الاعفاء النهائي ولو ظابط ربنا معاه بقي بيفضلوا يستدعوه لغاية سن 45 سنة تقريبا
 
#12
شكرا يا جماعة عالمعلومات بس معلش عايز تاكيد تاني للي هعمله
- هاخد الباسبور والبطاقة وصورهم
- هروح مجمع التحرير اجيب شهادة التحركات
- هروح اوثقها ف القسم اللي انا تابع ليه
- اخد الشهادة واطلع علي حلمية الزتون اقدمها هناك واعمل تصريح سفر
مظبوط كدا ولا فيه حاجة غلط ؟
 
#14
تغيبك عن الاستدعاء..بصدر عليك حكم..لازم إلغاء الحكم من مركز التجنيد التابع ليه قبل طلب تصريح السفر.
و لإثبات وجودك خارج البلاد لابد من شهادة تحركات من مجمع التحرير.
الخطوات حسب سنة 2010
1.زيارة مكتب التجنيد القسم لاستلام رقم الحكم و معرفة كافة الخطوات
2.مجمع التحرير بالجواز الأصلي و صور ختم الدخول و الخروج.
3.متابعة المجمع بعد 4 أيام.
4.بعد صدور إثبات وجود خارج البلاد.
5 .ترجع بيه للقسم و مركز التعبئة لإسقاط الحكم.
6.احتفظ بالاوراق دي ضروري جدا جدا جدا.لان كل سنه هتنزل فيها لاستخراج التصريح.هيسالوك نفس السؤال انت عليك حكم قديم.
7.ثم تبدأ باستخراج تصريح السفر بشكل طبيعي.
 
عرض العطلة
عرض العطلة
عرض العطلة
أعلى أسفل
عودة
قائمة