يا جماعه بعد ازنكم بلاش حد ينصح حد بالسفر...

  • بادئ الموضوع بادئ الموضوع Samy Nasry
  • تاريخ البدء تاريخ البدء
عرض العطلة
S

Samy Nasry

:: مسافر ::
#1
يا جماعه بعد ازنكم بلاش حد ينصح حد بالسفر لدوله هو اصلا مرحهاش كل المعلومات اللي علي النت عن ا دوله مبتجبش الجانب السلبي للدوله فكله فاكر جورجيا جميله وتركيا حلوه والاوروجواي جامده والارجنتيين معرفش مالها
معلومه علي الماشي كل الدول دي اصلا سكانها بيطفشو منها بيدورو عل شغل في دول تانيه لما حد ينصحك اسال حد يكون ساكن وعايش هناك متاخدش فتاوي من حد لسه في مصر وبيفتي وخلاص
 
#2
عادى جدا ... اللى بيسافر سياحة بيروح يتفرج على المعالم و الاماكن السياحية مش بيهمه الجوانب السلبية لأنه مش هيعيش هناك
اللى بيدور على حياة و استقرار لازم يبقى عارف ان مافيش مكان فى الارض و لا اى دولة فيها ايجابيات من غير سلبيات ... احنا عايشين فى الدنيا مش فى اليوتوبيا
انجلترا اهلها بيطفشوا منها و أمريكا اهلها بيطفشوا منها و ألمانيا أهلها بيطفشوا منها ... اللى الناس بتشوفه مميزات ناس تانية بتشوفه عيوب ... فى ناس بتهرب من رتم الحياة السريع و الضرايب اللى تقسم الوسط و مستوى الحياة الغالى و ناس بتعتبرها مميزات انا بادفع ضرايب عالية و باخد مقابلها خدمات ... و هكذا ...
 
#3
اصل في ناس عماله تعمل دعايه لدول افقر من مصر وبيقولو عليها اقتصادها كويس ومش عارف ايه وهما اصلا لسه في مصر مجربوش حاجه اهوه كلام علي النت وخلاص
 
#4
غالبية اللى فى الجروب شباب لسه بيستكشف الفرص اللى قدامه .... شئ طبيعى ان النت حاليا هو وسيلة الحصول على المعلومات .... ممكن حد يشارك بمعلومة من واقع خبرة ... و حد يشارك بمعلومة سمعها من حد يعرفه او قراها على موقع او جروب .... يعنى ممكن نقول ان اى حد بيسأل سؤال بياخد ٥٠% اجابات صحيحة مثلا و مهمته انه يتأكد و يتحرى من صحة المعلومات ... و فى النهاية هو اللى بياخد قراره بعد مايبحث كويس ماحدش بيجبره يعمل حاجة مش مقتنع بيها .. و فى ناس حتى لو الناس كلها قالت لها على حاجة غلط او بلد وحشة بتصمم انها تخوض التجربة بنفسها من باب ان انا مش زى غيرى او يمكن انا اللى تصيب معايا ...
 
#5
بس اسمحلي أخي اللي رايح سياحة بكون رايح يشوف أحلى الأماكن ويغير جو ما رح يروح ع الحارات الفقيرة ويشوف الناس المعترة،، بكل بلد في الغني والفقير بس طبيعة كل بلد وتاريخها بيختلفو عن بعض، أنا بالكويت واذا نزل عنا مطر بنعمل عرس من فرحتنا لأنو ما بنشوفو الا كل سنة مرة وفي شتويات بتمر بدون ما تمطر، ولا بنعرف شو يعني طبيعة ولا شي مافي غير الغبرة والشجر الأصفر، ولما رحت ع تركيا شهقت من جمالها من وردها وشجرها ومطرها، حتى فكرة العازفين بالشوارع الناس هنيك بشوفوها شحادة بس نحن شفناها رومانسية وعطت جو حلو للمنطقة، ما بعرف صراحة بدون كلام النت عم احكي شوف عيني تركيا بتجنن، متروياتا باصاتا بحرها كل شي فيها حبيتو
 
عرض العطلة
#6
هو انت عندك مشكله مع الدول ديه ؟ جورجيا اه تحفه ابني زارها سياحه اصدقه ولا لا ؟ تركيا ملهاش حل فعلا للسياحه الارجنتين معرفش عنها حاجه الناس بتسافر او اهلها او الاصدقاء بيقولوا تجاربهم ايه المشكله ؟ انا روحت دول في اوروبا وامريكا وانجلترا بس العام لم يقف عندهم لانهم وعن تجربه بيروحوا اسيا وتركيا ودول تاني كتير وبيقولوا الدول ديه عندهم حاجات مش عندنا كل واحد حر يروح ينبسط في المكان اللي يحبه وفي النهايه انت مش رايح تعيش انت رايح تتفسح
 
#7
لا طبعا .. الغريق بيتعلق ب قشه .. اي معلومه حتي لو من علي النت اهو هتفيد صاحب البوست وهيقدر يبحث ع اساسها .. عكس لو احنا مقولناش اي معلومه ابدااااااااااا انت كدة بتقفلها قصاد صاحب البوست وبتخليه ييأس .. مثلا معلومه ان الاكوادور قفلت الاقامات البروفشينال من بعد الانتخابات ف شهر 4 اللي فات ومبقاش فيه اقامات بالمؤهل .. انا عرفت المعلومه دي من واحد هناك عايش .. اي حد بيسأل عن الاكوادور بقوله المعلومه دي .. مع اني مروحتهاش .. بس اهو هيبحث فيها ويعرف هل هي صحيحه ولا لأ .. عكس بقي لو مقولتش وراح هو علي عماه ولبس ف الحيط لو لاقاها فعلا مقفوله
 
#8
طيب و انا مالي اهلها بيطفشوا منها و لا لأ؟
ما هو لو بصيت من وجهه نظرك مش هروح اي مكان. لان كل دول العالم هتلاقي اهلها بيسيبوها و يهاجروا دول تانيه عادي.
 
#10
اي حد بينقل تجربته او وجهة نظرة هو بالنسبة لسياحة او اقامة و انت ليك تاخد بيها او لأ .. في ناس نجحت في الدول الفقيرة او الغنيه و ناس تانيه متوفقتش ... عادي
و بالنسبة للناس اللي بيطفشوا من بلادهم ... فكر في مصر لو انت شغال احمد موسي و فكر فيها كشاب معاك دكتوراة في تخصص محترم و شغال بقال ....
 
عرض العطلة
#11
ما هو اللي بيسافر برة بيروح الاماكن السياحية مش بيروح الاماكن الوحشة اللي في البلد
وفي بلاد مفيش نزاع او كلام عليها زي اسبانيا وهولندا مثلا انا مشوفتش حد نهائي قال كلمة وحشة عن البلدين دول بالذات عن باقي دول اوروبا
باريس مثلا فيها اماكن كتير وحشة والناس نفسهم مش لطاف خالص
بس انت لما تروح باريس هتروح الاماكن الحلوة السياحية وبس
 
#13
عن الفتي حدث و لا حرج ، لكن وضع البلد المنيل بستين نيلة خلى الناس عايزة تخلع على اي خرابة ، يعني لما كنت في جورجيا مثلا اه البلد جميلة كطبيعة لكن كبنية تحتية وخدمات طبية و غيره واضح انها ضايعة و كوضع سياسي لاي حد متابع الوضع هش جدا و روسيا محتلة منطقتين و مع ذلك قابلت حد مصري حيموت و يعيش هناك تحاول تفهم منه ليه مبتطلعش بحاجة غير شوية انبهار بالطبيعة و ان البلد حتى لو فقيرة فهي نضيفة
 
عرض العطلة
#19
كل الدول اللي ذكرتها وضعها احسن من مصر بكتير. احنا دولة مش عارفين نظبط رغيف العيش والانابيب والكهربا والميه ومش عارفين نحل مشكلة الزبالة والطرق المكسرة
 
عرض العطلة
عرض العطلة
عرض العطلة
أعلى أسفل
عودة
قائمة