الحقوا اسمعوني بقي وانا متغاظة عشان...

[Noha Yousif]

الحقوا اسمعوني بقي وانا متغاظة عشان خلااااااااااااص انا بصراحة مش هتكلم ف سفر تاني
وبصوت احمد حلمي: انا اتمرمنط يامعتز

كنت قولتلكوا اني هسافر الاردن بري لنوبيع وبعدين عبارة للعقبة (( حسبي الله ونعم الوكيل)) بس مش عارفة ف مين الصراحة لان حاسة ان في حاجة غلط ومش عارفة منين ودة ف حد ذاته غلط..... ماعلينا مش هتفهموا الا لما احكي
نبتدي من المجمع اول حسبي الله ونعم الوكيل قالولي انتي صيدلانية في الباسبور سافري بالف سلامة بدون تصريح (( انا فهمت ان بدون تصريح خالص ادي تاني حسبي الله ونعم الوكيل فيا انا لاني مسالتش في ايه تاني اوراق مطلوبة للسفر بس تصدقوا والله دورت علي جوجل وبعض الجروبس برده
ماعلينا انا زي الشطورة غيرت عملة وحجزت باص نوبيع ودخلت الميناء بس وخرجت من المينا ورجعت القاهرة تاني تالت ورابع وخامس حسبي الله ونعم
الظابط الاردني غير متعاون اما باشوات مصر متعاونين جدا جدا ساعدوني اخرج من باب المينا بسلام
الخلاصة.....
لازم دعوة من مواطن اردني رسمية وموثقة من وزارة الخارجية الاردنية ترسل يالفاكس علي ميناء العقبة
او تصريح عمل
او بالمطار بقي لو في عمل بالباسبور و2000 دولار تدخل عادي بس المهم الاردن بدون تأشيرة
الصور دي حالا من نوبيع البلد هموووووووووووووووووووت من الغيظ الحقوني للبوست
اقسم بالله

تعديل للبوست

وارجو من الادمن الراجل المحترم (( بجد والله مش كلام)) انه يوافق وبعد كدة لو عايز يشيلني خالص انا موافقة
اظن اني مش كاتبة اي حاجة تخدش حياء اي عضو من اعضاء الجروب ولاحتى صوري اللي نشرتها واظن من حقي كعضو محترم ف الجروب اني انزل بوست بعد موافقة الادمن بس للاسف ناس كتير مش عاجبها البوست بس اوك وارد بس ليه بتضايقوني بكلام يإذيني وانا معملتش لحد حاجة وحشة والله اللي بيقول تافهه واللي بيقول بتستعرض.... احب اقولكم انتوا متعرفونيش كويس عشان الحكم دة.لو تعرفوني مش هتقولوا كدة ☺.. وكتر خيركم بجد وميرسي للادمن

 

[Passant Ragae]

يا عيني
اطلعي على دهب او طابا اوعي ترجعي القاهرة

 

[محمود فرج]

بس انا دخلت اﻻردن قبل كده من غير تصريح وكانت المهنه مكتوبة ف جواز السفر وف المطار هناك ختم جواز السفر انه غير مسموح ليا بالعمل

 

[Atef Gad]

انتي متأكده انك زعلانه بصور دي ههههههههههههههه

 

[Mohaned Ali Ahlawy]

يعني لو حد بعتلك دعوة تخشي علطول ولا ايه

 

[Shaimaa A. El-habashy]

عليكي وعلى طابا ودهب وقضي اجازتك هناك وانسي الغيظ لعله خير

 

[Abdallah Omar]

ههههههههه تعيشي وتاخدي غيرها ..خير يمكن لاقدر الله كان هيحصل حاجه

 

[Mohammad Othman]

أهلا وسهلا فيك ببلدك التاني

 

[Mohamed Shokr]

استغلى الوقت و اطلعى على دهب...احسن من الاردن

 

[Ola Hassan]

شكلك مش زعلان خالللص في الصورة

 

[Moutaz Mohamed]

كنت اقعدي في نويبع
تحللي الطلعه

 

[Khaled Kamr]

دهب او طابا

 

[Ahmed Tharwat]

ربنا يكون فى عونك فعلا

 

[Ahmed Sayed Ismail]

طيب ما انتي مبسوطه اهوو في الصور
بس يلا الحمد لله

 

[Ahmed Abd El Sattaar]

Ahmad Samir

 

[Mohamed Farg]

وانتي رايحة الاردن تعملي ايه

 

[Esraa G. Eltouny]

يعني لو صيدلانية وكاتبة مكان العمل الحكومي
اسافر عادي من غير تصريح؟

 

[Dalia El-Lebedy]

معلش سوءال ده كده وانتى متغاظه وحتتجننى امال لو كنتى مبسوطه كنتى حتتصورى ازاى

 

[Yuka Fathalla]

اطلعي ع طابا جميلة جدا

 

[Esso M. Abdelghany]

كنتي طلعتي ع دهب وانبسطي بدل ماترجعي