N
Norman Halim
:: مسافر ::
حابب اتكلم عن الـ Couchsurfing
أول بالنسبالي Couchsurfing هو حل هايل للناس المسافرين بتكاليف قليلة, والناس اللي بتحب تتعرف علي ثقافات وعادات مختلفة من خلال انهم يتعرفوا علي ناس جديدة من اهل البلد نفسها (وفي رأيي اللي ماتعرفش علي ناس جديدة وهو مسافر ف كده ماكملش متعة السفر)
ناس كتير بتكون مهتمة بانها تتعرف علي ناس جديدة يعلموهم حاجة ويتعلموا منهم حاجة, وناس تانية بتحب توفر في مصاريف الفنادق ف لما بيستضيف حد ويتكتب عنه ريفيو كويس هيلاقي اللي يستضيفه لما يسافر, ونوع مختلف برضوا وهو اللي ممكن يكون بيحب يمارس علاقات مع ناس جديدة ومعظم اللي من النوع ده بيكتبوا كده علي البروفايل بتاعهم وانا شخصيا ماشوفتش النوع ده كتير.
أولا بتعملوا اكونت علي الموقع كأنكم بتعملوا بروفايل علي الفيس بوك مثلا بس معظمها بتبقي انكم بتتكلموا عن نفسكم وهواياتكم والحاجات اللي بتعملوها في حياتكم والبلاد اللي سافرتوها، اللغات اللي بتعرفوها، والحاجات اللي ممكن تعلموها للناس اللي هاتقابلوها.
ثانيا: الموضوع بيبقي فيه اختيارين لو انت مسافر مدينة معينة الأول هو إنكم تكتبوا المدة اللي هاتقعدوها وايه الحاجات اللي حابين تزوروها وليه ممكن الناس تستضيفكم وممكن تعلموهم إيه
والتاني هو إنكم تعملوا Hangout مع ناس في نفس المدينة سواء سياح او من اهل البلد غير ان بيبقي فيه جروبات بتعمل خروجات علشان يتفرجوا عالمدينة
ثالثا: تبتدوا تدوروا علي ناس من المدينة اللي انتوا رايحينلها وتقروا البروفايل بتاعهم كويس علشان تقرروا هل ينفع تبعتولهم ولا لأ, وكمان الريفرنس اللي الناس كاتبينه عنهم كويس ولا لأ، وإذا كانوا هما موجودين وينفع يستضيفوا حد في الفترة دي ولا لأ
رابعا: تكتبوا رسالة تشرحوا فيها للشخص اللي بتبعتوله انكم حابين انه يستضيفكم وتركزوا كويس في المعلومات اللي هو كاتبها عالبروفايل (في مره بنت كانت كاتبه في اخر البروفايل ان اللي هايبعتلها يناديها بإسم معين هاتتاكد انه قري البلوفايل بتاعها وساعتها ممكن تستضيفه – ف اللي مقراش اكيد هاترفض من اولها)
خامسا: تستنوا بقي رد الناس اللي بعتولهم طلبات.
...............................................................................
الـ Hangouts في الابلكيشن او الموقع هتلاقوا اختيار اسمه Hangout وده بيظهر فيه الناس اللي فاضيه انهم يخرجوا وعايزين يعملوا ايه في الخروجة (أول مابتدخلوا عليه بيحدد المكان ويسألكم تحبوا تعملوا ايه في الخروجة دي) كمان هتلاقوا ناس اتجمعت في جروبات وهايخرجوا سوا وممكن تخرجوا معاهم (ماتنسوش تقروا معلومات عن الناس اللي هاتقابلوهم والريفيو عليهم علشان اولا ماتسألوش اسئلة موجودة اصلا ف الشخص هايحس انكم ماهتميتوش تعرفوا عنهم وثانيا علشان لو عنده معلومات او افكار مش مناسباكم)
...............................................................................
شوية ملاحظات حابب اقول عليها :
- مهم انكم تكتبوا كويس جدا عن نفسكم والحاجات اللي بتحبوها وبتعملوها
- مهم ان لو عندكم اصحاب مهتمين بالسفر علي الموقع تضيفوهم ويعملولكم ريكومنديشن Recommendation علشان ده بيزود مصداقيتكم وبيسهل القبول
- فيه اوبشن انكم تدفعوا 50 دولار (بيتدفعوا مره واحده دلوقتي) علشان يبقي الاكونت بتاعكم Verified وده برضوا بيزود المصداقية قدام الناس، ولو مش عايزين براحتكم وانا شخصيا مادفعتهمش ايام ما كان السنة ب 160 جنيه
- احيانا بيكون لطيف لو هاتقدموا هدايا تذكارية للناس اللي هايستضيفوكم
- مهم جدا انكم تقعدوا مع الناس اللي هايستضيفوكم شوية وقت (لأن بيتهم مش فندق للنوم بس) وهما لو فاضيين هايخرجوا معاكم ويفرجوكم عالمدينة
معلومة أخيرة في رأيي : مش كل الناس عندها نوايا سيئة وبيستضيفوا ناس علشان يستغلوهم سواء ماديا او جنسيا، ناس كتير عندهم ثقافة التعرف علي ناس جديدة وثقافات جديدة فعلا, وناس تانيه بتطبق نظرية قدم السبت.
أول بالنسبالي Couchsurfing هو حل هايل للناس المسافرين بتكاليف قليلة, والناس اللي بتحب تتعرف علي ثقافات وعادات مختلفة من خلال انهم يتعرفوا علي ناس جديدة من اهل البلد نفسها (وفي رأيي اللي ماتعرفش علي ناس جديدة وهو مسافر ف كده ماكملش متعة السفر)
ناس كتير بتكون مهتمة بانها تتعرف علي ناس جديدة يعلموهم حاجة ويتعلموا منهم حاجة, وناس تانية بتحب توفر في مصاريف الفنادق ف لما بيستضيف حد ويتكتب عنه ريفيو كويس هيلاقي اللي يستضيفه لما يسافر, ونوع مختلف برضوا وهو اللي ممكن يكون بيحب يمارس علاقات مع ناس جديدة ومعظم اللي من النوع ده بيكتبوا كده علي البروفايل بتاعهم وانا شخصيا ماشوفتش النوع ده كتير.
أولا بتعملوا اكونت علي الموقع كأنكم بتعملوا بروفايل علي الفيس بوك مثلا بس معظمها بتبقي انكم بتتكلموا عن نفسكم وهواياتكم والحاجات اللي بتعملوها في حياتكم والبلاد اللي سافرتوها، اللغات اللي بتعرفوها، والحاجات اللي ممكن تعلموها للناس اللي هاتقابلوها.
ثانيا: الموضوع بيبقي فيه اختيارين لو انت مسافر مدينة معينة الأول هو إنكم تكتبوا المدة اللي هاتقعدوها وايه الحاجات اللي حابين تزوروها وليه ممكن الناس تستضيفكم وممكن تعلموهم إيه
والتاني هو إنكم تعملوا Hangout مع ناس في نفس المدينة سواء سياح او من اهل البلد غير ان بيبقي فيه جروبات بتعمل خروجات علشان يتفرجوا عالمدينة
ثالثا: تبتدوا تدوروا علي ناس من المدينة اللي انتوا رايحينلها وتقروا البروفايل بتاعهم كويس علشان تقرروا هل ينفع تبعتولهم ولا لأ, وكمان الريفرنس اللي الناس كاتبينه عنهم كويس ولا لأ، وإذا كانوا هما موجودين وينفع يستضيفوا حد في الفترة دي ولا لأ
رابعا: تكتبوا رسالة تشرحوا فيها للشخص اللي بتبعتوله انكم حابين انه يستضيفكم وتركزوا كويس في المعلومات اللي هو كاتبها عالبروفايل (في مره بنت كانت كاتبه في اخر البروفايل ان اللي هايبعتلها يناديها بإسم معين هاتتاكد انه قري البلوفايل بتاعها وساعتها ممكن تستضيفه – ف اللي مقراش اكيد هاترفض من اولها)
خامسا: تستنوا بقي رد الناس اللي بعتولهم طلبات.
...............................................................................
الـ Hangouts في الابلكيشن او الموقع هتلاقوا اختيار اسمه Hangout وده بيظهر فيه الناس اللي فاضيه انهم يخرجوا وعايزين يعملوا ايه في الخروجة (أول مابتدخلوا عليه بيحدد المكان ويسألكم تحبوا تعملوا ايه في الخروجة دي) كمان هتلاقوا ناس اتجمعت في جروبات وهايخرجوا سوا وممكن تخرجوا معاهم (ماتنسوش تقروا معلومات عن الناس اللي هاتقابلوهم والريفيو عليهم علشان اولا ماتسألوش اسئلة موجودة اصلا ف الشخص هايحس انكم ماهتميتوش تعرفوا عنهم وثانيا علشان لو عنده معلومات او افكار مش مناسباكم)
...............................................................................
شوية ملاحظات حابب اقول عليها :
- مهم انكم تكتبوا كويس جدا عن نفسكم والحاجات اللي بتحبوها وبتعملوها
- مهم ان لو عندكم اصحاب مهتمين بالسفر علي الموقع تضيفوهم ويعملولكم ريكومنديشن Recommendation علشان ده بيزود مصداقيتكم وبيسهل القبول
- فيه اوبشن انكم تدفعوا 50 دولار (بيتدفعوا مره واحده دلوقتي) علشان يبقي الاكونت بتاعكم Verified وده برضوا بيزود المصداقية قدام الناس، ولو مش عايزين براحتكم وانا شخصيا مادفعتهمش ايام ما كان السنة ب 160 جنيه
- احيانا بيكون لطيف لو هاتقدموا هدايا تذكارية للناس اللي هايستضيفوكم
- مهم جدا انكم تقعدوا مع الناس اللي هايستضيفوكم شوية وقت (لأن بيتهم مش فندق للنوم بس) وهما لو فاضيين هايخرجوا معاكم ويفرجوكم عالمدينة
معلومة أخيرة في رأيي : مش كل الناس عندها نوايا سيئة وبيستضيفوا ناس علشان يستغلوهم سواء ماديا او جنسيا، ناس كتير عندهم ثقافة التعرف علي ناس جديدة وثقافات جديدة فعلا, وناس تانيه بتطبق نظرية قدم السبت.