جماعة عندى اقتراح .... بما ان فيه ناس كتير فى...

  • بادئ الموضوع بادئ الموضوع Hossam Aboushosha
  • تاريخ البدء تاريخ البدء
H

Hossam Aboushosha

:: مسافر ::
جماعة عندى اقتراح .... بما ان فيه ناس كتير فى الجروب على ما لاحظت مقيمين فى اوربا وتركيا والأماكن السياحية فى مصر .... وبما ان ما فيش حد يقدر يشوف معالم اى بلد بارخص التكاليف زى ما يكون معاه حد من أهل البلد ..... اقترح ان نعرض تقديم الخدمة دى ابعضنا البعض ونسميها مثلا فسحنى من فضلك
مبدأيا ممكن نبدأها بان يتفق شخصان من بلدين مختلفين على تقديم هذه الخدمة كل واحد الاخر فى بلده فى فترة زمنية محددة ويتفقوا على التفاصيل
اذا نجحت هذه الفكرة المبدئية تعمم وتكون متعددة الأطراف كل واحد يعرض الأوقات اللى هو متاح فيها لتقديم الخدمة
 
مثلا انا مقيم فى جنوب انجلترا وعندى استعداد انى أفضى نفسى اى weekend فى شهر اغسطس افسح اى حد فى لندن او الساحل الجنوبي لمدة يوم كامل على ان يكون هذا الشخص مقيم فى اى مكان فى اوربا او إسكتلندا ونتفق على المعاملة بالمثل
 
فكره جميله، وخصوصآ فى جزئيه توفير النفقات، اكيد الى بيكون عايش فى البلد بيكون عنده فكره وخبره احسن بكثيرررر من السائح، من حيث الاماكن المهمه والمزارات السياحيه والمطاعم وشبكه المواصلات وحجات تانيه كثير، انا بنضم لفكرتك ومستعد انى اسعدك علشان نكبرها ونوصلها لجميع الاعضاء المحترمين فى الجروب، بالتوفيق
 
بصراحة الفكرة حلوة وايجابية وحتى ممكن الطرف الضيف يتكفل بمصاريف انتقالات واكل الجايد او المرشد وكأنها بالنسبة له فسحة مدفوعة لتشجيعه على اداء الخدمة
 
ايه رأيكم يا جماعة لو نعمل جروب خاص بهذا الموضوع وكل واحد يعرض خدماته او كل واحد مسافر مكان ما يطلب المساعدة