A
Amr Eltokhy
:: مسافر ::
لاحظت ان فى ناس مش فاهمه يعنى ايه Camping او تخيم عشان كده قررت انى اعرف الناس اكتر بالمكان و هقول شوية معلومات عنه يا رب تكون مفيده ليكم و اى حد عنده اى استفسار يتفضل يسأل . تابعونا على سيفين هيفين
نبداء باسم المنطقه و ليه سموها راس شيطان و العيازو بالله
المنطقه هنا اسمها رأس شطأن و ده مثنى شاطئ بلغة اهل البلد لانها تطل على الحدود الفاصله بين شاطىء الاردن و السعوديه و لان غالبية اللى بيجوا هنا كانو الاجانب اللى ربنا يرجعهم تانى بالسلامه و بما انهم بينطقوش حرف الهمزه فكانو بينطقوها راس شطان يا خابيبي مع الوقت تحولت لى راس شيطان و العيازو بالله برده وطبعا فى قصص تانى كتير اتحكتلى عن اسم المكان بس انا شايف ان دى اكثرهم واقعيه
نجى بقى لللقطه اللقطونا يعنى ايه مخيم و نركز مع بعض بقى شويه عشان السؤال ده سمعته كتير اوى النهارده
المخيم الشاطئي هو مجموعه من الخيام على الشاطيء يذهب اليها الناس او البنيأدمين لعمل معسكرات و التعايش مع الطبيعه و الاستجماااااااام و يعيش حياه بعيده كل البعد عن التمدن و التكنولوجيه يعنى استجمام وهدوء و طبيعه ساحره و بحر و جبل و كل شىء انت عايز تعمله اعمله براحتك و طبعا الخيم بتكون فى حته و الحمامات فى حته للفصل بين مكان النوم و مكان ال......... و مع التطور تحولت الخيم لخوش او عشش زى ما بيقول عليها البعض و فى ناس بنوا غرف من الطوب
دلوقتى بقى للسؤال المهم و خدوا بالكوا معايه عشان السؤال ده جى فى الامتحان
طب انا دلوقتى استجميت و عشت الطبيعه و اتهريت هدوء نفسى لما اصيبت باللهليط و ده تصريف فعل لهلطه و دى كلمه تقريبا كده ملهاش معنى هعمل ايه ارفه عن نفسى ازاى؟
اقولك انا بقى يا سيدى احنا فى عندنا حاجات لا يمكن تشفها او تععملها غير عندنا زى مثلا رحلة جبل الوشواش و ده جمل ببتجمع عنده مياه الامطار و بتبقى ميه نقيهة جدا و الناس بتروح هناك تلعب و تتنتط و تبلبط و هنلكوا صور ليه و فى كمان عندنا color canyon و دى جبال ملونه الوان طبيعيه مش حد راسمها يعنى حاجه ربانى كده منظر ساحر الصراحه وبرده هنزلكم الصور ما تقلقوش ده طبعا غير رحلة السفارى و الرحله البحريه و البدوين و احنا كمان كإنستجمام بنعمل حفلات على البحر و حفلات شوى و مسابقات بيتش فوليبول و فى وسائل ترفيه تانيه زى كوتشينه و طاوله و منوبلى و السلم والتعبان و الشغل الضيق ده و عندنا كمان كافيه و ماركت فىهم كل حاجه انت محتاجها يلا عشان منبقاش حرمناكم من حاجه خالص
يجى واحد يقولى طب ينفع اجيب الاولاد معايا ؟
ارد عليه و اقوله بقى والله لو اطفال حضرتك عندهم مشاكل فى الشغل و ضغوط حياه و عايزين يستجموا و يفكو دماغهم اهلا بيك و بيهم و انا رأيي انك تصيب الاولاد الكام يوم دول عند جدتهم و تجيب ام العيال و تيجى صدقنى هتتبسطوا اكتر و هتعرفوا تعيشوا اللحظه و الجو هنا رومانسى رومانسى صحيح
انا شايف واحد قاعد فى الاخر بيقول يعنى انا اجى استجم و اعمل كل اللى انا عايزه؟
اقوله ايوه يا فندم ساعدتك تيجى و تعمل كل اللى نفسك فيه و مفيش حاجه اسمها ممنوع او مينفعش طول ما انت فى حالك و مبتدايقش حد
طب ازاى اعرف ان المكان ده مينفعنيش؟
لو انت فاكر/ة انك جى تاخد شقه على البحر و هتنزل بليل تتمشى فى خالد ابن الوليد احب اقولك ان ميكروباس اسكندريه بيطلع من رمسيس
لو انت فاكر/ة ان فى هنا ملاهى و زحمه و ناس يبقى يا ريت تجبلى معاك مشبك و انت جى من راس البر
و لو انت فاكر ان الحياه هنا ميوهات و حريم و انك الشب الامور اللى هيظبط يبقى اوعى تيجى عشان انا غبى حبتين فى الموضوع ده
و لو انتى فاكره انك طالعه المصيف عشان تلاقى ابن الحال اللى تتجوزيه احب اقولك ماله ابن خالتك ما هو شب زى الفل على الاقل عرفينه و حماتك هتبقى خالتك يعنى زيتكوا فى دقيقوا
نبداء باسم المنطقه و ليه سموها راس شيطان و العيازو بالله
المنطقه هنا اسمها رأس شطأن و ده مثنى شاطئ بلغة اهل البلد لانها تطل على الحدود الفاصله بين شاطىء الاردن و السعوديه و لان غالبية اللى بيجوا هنا كانو الاجانب اللى ربنا يرجعهم تانى بالسلامه و بما انهم بينطقوش حرف الهمزه فكانو بينطقوها راس شطان يا خابيبي مع الوقت تحولت لى راس شيطان و العيازو بالله برده وطبعا فى قصص تانى كتير اتحكتلى عن اسم المكان بس انا شايف ان دى اكثرهم واقعيه
نجى بقى لللقطه اللقطونا يعنى ايه مخيم و نركز مع بعض بقى شويه عشان السؤال ده سمعته كتير اوى النهارده
المخيم الشاطئي هو مجموعه من الخيام على الشاطيء يذهب اليها الناس او البنيأدمين لعمل معسكرات و التعايش مع الطبيعه و الاستجماااااااام و يعيش حياه بعيده كل البعد عن التمدن و التكنولوجيه يعنى استجمام وهدوء و طبيعه ساحره و بحر و جبل و كل شىء انت عايز تعمله اعمله براحتك و طبعا الخيم بتكون فى حته و الحمامات فى حته للفصل بين مكان النوم و مكان ال......... و مع التطور تحولت الخيم لخوش او عشش زى ما بيقول عليها البعض و فى ناس بنوا غرف من الطوب
دلوقتى بقى للسؤال المهم و خدوا بالكوا معايه عشان السؤال ده جى فى الامتحان
طب انا دلوقتى استجميت و عشت الطبيعه و اتهريت هدوء نفسى لما اصيبت باللهليط و ده تصريف فعل لهلطه و دى كلمه تقريبا كده ملهاش معنى هعمل ايه ارفه عن نفسى ازاى؟
اقولك انا بقى يا سيدى احنا فى عندنا حاجات لا يمكن تشفها او تععملها غير عندنا زى مثلا رحلة جبل الوشواش و ده جمل ببتجمع عنده مياه الامطار و بتبقى ميه نقيهة جدا و الناس بتروح هناك تلعب و تتنتط و تبلبط و هنلكوا صور ليه و فى كمان عندنا color canyon و دى جبال ملونه الوان طبيعيه مش حد راسمها يعنى حاجه ربانى كده منظر ساحر الصراحه وبرده هنزلكم الصور ما تقلقوش ده طبعا غير رحلة السفارى و الرحله البحريه و البدوين و احنا كمان كإنستجمام بنعمل حفلات على البحر و حفلات شوى و مسابقات بيتش فوليبول و فى وسائل ترفيه تانيه زى كوتشينه و طاوله و منوبلى و السلم والتعبان و الشغل الضيق ده و عندنا كمان كافيه و ماركت فىهم كل حاجه انت محتاجها يلا عشان منبقاش حرمناكم من حاجه خالص
يجى واحد يقولى طب ينفع اجيب الاولاد معايا ؟
ارد عليه و اقوله بقى والله لو اطفال حضرتك عندهم مشاكل فى الشغل و ضغوط حياه و عايزين يستجموا و يفكو دماغهم اهلا بيك و بيهم و انا رأيي انك تصيب الاولاد الكام يوم دول عند جدتهم و تجيب ام العيال و تيجى صدقنى هتتبسطوا اكتر و هتعرفوا تعيشوا اللحظه و الجو هنا رومانسى رومانسى صحيح
انا شايف واحد قاعد فى الاخر بيقول يعنى انا اجى استجم و اعمل كل اللى انا عايزه؟
اقوله ايوه يا فندم ساعدتك تيجى و تعمل كل اللى نفسك فيه و مفيش حاجه اسمها ممنوع او مينفعش طول ما انت فى حالك و مبتدايقش حد
طب ازاى اعرف ان المكان ده مينفعنيش؟
لو انت فاكر/ة انك جى تاخد شقه على البحر و هتنزل بليل تتمشى فى خالد ابن الوليد احب اقولك ان ميكروباس اسكندريه بيطلع من رمسيس
لو انت فاكر/ة ان فى هنا ملاهى و زحمه و ناس يبقى يا ريت تجبلى معاك مشبك و انت جى من راس البر
و لو انت فاكر ان الحياه هنا ميوهات و حريم و انك الشب الامور اللى هيظبط يبقى اوعى تيجى عشان انا غبى حبتين فى الموضوع ده
و لو انتى فاكره انك طالعه المصيف عشان تلاقى ابن الحال اللى تتجوزيه احب اقولك ماله ابن خالتك ما هو شب زى الفل على الاقل عرفينه و حماتك هتبقى خالتك يعنى زيتكوا فى دقيقوا