D
Dina Samy
:: مسافر ::
رحلتي إلى قيرغيزستان
=========================
السلام عليكم ورحمة الله وبركاته
أحب أتكلم عن تجربتي في زيارة دولة للمرة الأولى بسمع عنها في حياتي كان من أقل من سنة .. لو كتبت اسمها دلوقتي أنا واثقة إن 90% من اللي هايقرأ البوست بيسمع عنها للمرة الأولى. البلد دي اسمها "قيرغيزستان".
"قيرغيزستان" دي دولة موجودة في آسيا الوسطى .. تعتبر لسة صغنونة خالص لانها استقلت عن الاتحاد السوفيتي قريب .. تحديدًا سنة 1991م. هي دولة اللغة الأصلية فيها "اللغة القيرغيزية" وتاني لغة فيها "اللغة الروسية". يعني من الآخر الإنجليزي بالنسبة لهم زي الصيني كدا عندنا.
اللي خلى الناس تستغرب أوي هو إني لأول مرة بسافر في حياتي خارج مصر بغرض السياحة وإن لما اخترت بلد كانت بلد غريبة ماحدش بيسمع عنها .. أصلًا كتير قالولي راجعي نفسك .. فكري في تايلند مثلا ولا في الصين حتى ولا أي بلد عارفينها وبرضه تكاليفها مش كتيرة .. لكن أنا - سبحان الله – صممت بجنون إني أزور البلد دي .
بس الجميل في الموضوع إني فعلًا ما حسيتش بذرة ندم إني اخترت البلد دي .. أنا مش ببالغ لو قلت إني شفت جنة الله في الأرض بعينيا .. جرب تعمل بحث عن كلمة "قيرغيزستان" في أي محرك بحث أو أي موقع للبحث تختاره واتفرج على المناظر الطبيعية الجمييييييييييييلة جدًا ما لهاش حل بجد .
أصلًا قبل سفري عملت بحث عن البلد ووجدت إن 90% منها جبال .. قلت بس شكلي كدا هادخل في صحراء جرداء لا زرع فيها ولا ماء .. ههههههههههههه .. لكن أما زورتها .. وجدت أجمل حاجة فيها الجبال .. الجبال دي تعتبر مرتفعات عن سطح الأرض .. عبارة عن صخور .. مش كدا ؟ وسط الصخور بلاقي أشجار كتيييييييييرة كلها طبيعية بدون دخل أي إنسان .. سبحان الله .
دا غير الشلالات والمناظر الطبيعية وفي كل مكان ألاقي زرع بألوان مختلفة .. اللي انا عارفاه بس الزرع الأخضر والورود بألوانها .. لكن زرع برتقالي ؟ أحمر ؟ ايه الألوان دي ؟ بتكلم عن زرع ، وشجر ومناظر طبيعية مش بتكلم عن الورود .. زرع برتقالي .. انا كنت نفسي أجيب خيمة واكمل حياتي هناك .. والله كان نفسي الطيارة تفوتني وماارجعش تاني أبدًا. مع العلم إني مش بتكلم قيرغيزي ولا بتكلم روسي .. يعني أنا كنت هاتظبط هناك لو فضلت .. ومع ذلك كان نفسي أفضل هناك ماارجعش تاني أبدًا.
طيب . رحلتي في البلد كانت عاملة ازاي ؟ أنا للأسف الشديد جدًا حجزت تسع أيام بس .. لكن البلد دي عايزة على الأقل شهر عشان تقدر تتفرج عليها كلها .. بس خلال الفترة القصيرة دي كنت ببذل مجهود جبار عشان أقدر اشوف أكتر أماكن ممكنة.
أول أما نزلت .. نزلت في مطار اسمه "مناس" دا موجود في العاصمة "بشكيك" .. ومن لحظة المطار شفت الناس كلها بتتكلم روسي او قيرغيزي .. ولا حد بيفهم الإنجليزي بتاعي ... بس مع ذلك كنت مبسوطة ومتحمسة جدًا ..
نزلت في فندق كويس بسعر يناسب ظروفي الاقتصادية اللطيفة .. فندق اسمه Salut. كانت الليلة فيها بحوالي 32 دولار .. بس كان فندق ابن حلال يعني .. ماقصروش معايا خالص .. وهو نفس الفندق اللي نمت فيه ليلتي الأخيرة قبل ما ارجع تاني .. أنا كتبت اسم الفندق وسعره عشان اللي حابب يسافر يكون عارف أسعار الفنادق هناك عاملة ازاي .. ما علينا .. رحت هناك مكان اسمه "آلارتشا" المكان دا عبارة عن جبال وبحيرات حول الجبال قمة في الجمال .. الجبال بتنبت وسطها أشجار .. الأشجار اسمها "آرتشا" عشان كدا اتسمى المكان "آلارتشا" .
طبعًا أنا زي أي مصري أصيل .. كان همي على بطني .. فحبيت طبعًا أجرب الأكلات القيرغيزية المشهورة .. رحت مكان جاااااااااااااااااامد اسمه "Supara". المكان دا فيه منه فرعين .. فرع منه بنطلع وسط الجبال .. بنطلع فعلًا بالسيارة طبعًا .. أكتر من خرافة .. المطعم دا موجود في منطقة اسمها "ChunkurChak" . برضه داخل بشكيك .. هناك أكلت لحم الخيل وشربت "القيميز" اللي هو حليب الخيل .. على فكرة ال "قيميز" دا مفيد جدًا للجسم .. اعمله بحث عنه عشان تتأكده فوائده قد ايه كتيرة .. وحلال شرعًا شربه وتناول لحم الخيل الحمد لله. كمان أنا فاكرة كويس أكلة هناك قيرغيزية قريبة جدًا من الكبسة بتاعتنا اسمها "Pluff" الأكلة دي كانت النجدة ليا في أي مطعم أدخله أما أكون عايزة آكل أكلة عارفاها .. وفيه كمان أكلة اسمها "Magma" .. دي مكرونة طعمها لذيذ جدًا وطويلة جداااااااااااااااااااااااا وفيها قطع لحم وخضروات.
طبعًا ما نسيتش ازور حديقة معروفة هناك في العاصمة اسمها "Pan Felof" هناك هتلاقوا شعار الدولة متعلق فوق بحجم البارك كله .. يعني شعار كبير بحجم البارك .. الحديقة دي قريب منها البيت الأبيض اللي فيه رئيس الدولة .. رحت هناك واتصورت وظبطت دنيتي ..
بعد كدا خرجت من العاصمة ورحت المصيف بتاع القيرغيزيين .. زي إسكندرية كدا عندنا .. المكان اللي أغلب القيرغيزيين بكل فئاتهم بيفضلوا يزوروه كمصيف .. المكان دا اسمه "الإيسيكول" .. ودي من أكبر البحيرات في العالم .. هناك أنا عملت حاجات كتير أوي .. ركبت البراشوت وزرت أكتر من مكان سياحي هناك وركبت خيل واتظبطت هناك آخر حاجة .. وهناك نزلت في فندق خطير بجد كانت الليلة بحوالي 23 دولار بس .. والله أحلى بكتير من اللي كان في العاصمة .. بس هو سعره كان قليل عشان نزلت في وقت مش موسم .. كمان صاحبة الفندق حبيتنا أوي .. عشان كدا اتظبطنا يعني .
من ضمن الأماكن المشهورة جدًا هناك مكان اسمه "جيتي أوجورز". دا عبارة عن سبع جبال جمب بعض ألوانهم جميلة جدًا ومافتكرش إن فيه حد مجنون ممكن يضيع على نفسه فرصة انه يزور المكان دا . أنا من كتر ما حبيت المكان دا اتجننت في مخي وكنت عايزة اتسلق أي جبل منهم .. هو كدا من غير عدة ومن حبال ومن غير أي حاجة .. كبرت في دماغي ماليش دعوة .. ههههههههه .. آه الجبال هناك بتجذب الناس للدرجة دي فعلًا .
هناك كمان في الإيسيكول مكان بالنسبة لي صعب أوي على مشاعري الرقيقة .. المكان دا اسمه "Chong Eruktu" .. عبارة عن ايه المكان دا .. دي عيون فيها مياة .. منها ساخن جدًا تصل ل 40 درجة .. ومنها دافئ .. ومنها بارد .. المستفز بقى في الموضوع إني لازم أنزل في المياة اللي درجة حرارتها 40 درجة لإن المية دي مفيدة جدًا وبتعالج من أمراض كتير .. أصلًا أنا أول أما لمستها اتلسعت .. مش فاهمة الناس إزاي بيدفعوا فلوس عشان ينزلوا فيها .. المهم اني استجمعت شجاعتي ونزلت فيها دقيقتين وطلعت منها بسرعة على المياة العادية اللي اقدر استحملها .. كانت تجربة لأول مرة بعملها في حياتي .. عشان كدا انبسطت فيها جدًا.
من ضمن الأماكن اللي زورتها في الإيسيكول مكان روووووووووووعة اسمه "Chong Aksu" .. دا بقى جبال وصخور وشلالات .. يعني المكان الأقرب إلى قلبي .. هناك اتصورت واتجننت وطلعت وسط الشلالات عشان آخد صور هناك .. وركبت خيل للمرة الأولى في قيرغيزستان .. كان بجد مكان رووووووووووعة جدًا.
آه نسيت أقول إن "قيرغيزستان" بيتعاملوا بعملة اسمها "سوم". الدولار الواحد بيعمل حوالي 68 سوم .. يعني عملة رخيصة وبالتالي البلد تكلفة زيارتها مش كتيرة .. أنا بالنسبة لي كل المصاريف اللي صرفتها بالتذكرة والفيزا والانتقالات والإقامة والأكل والفسح وكل حاجة حوالي 1250 دولار .. بجد .. خلال 9 أيام .. من الآخر .. فسحة العمر ومش غالية كمان ..
أنا زرت كمان قرية صغيرة هناك اسمها "توكتوغول". جمييييييييييلة أوي رغم إنها قرية بسيطة ماتعتبرش حتى قرية سياحية .. بس أنا حبيتها أوي .. طبعًا مش هانسى كتير من الأماكن التانية الحلوة زي "JaralangarJuruk, Sanatorya, KugJayog " وغيرها من الأماكن اللي من كترها أنا مش فاكرة أسمائها .. بس عمري ما هاقدر أنسى التجربة دي لأني تاني بكرر حسيت إن جنة الله سبحانه في الأرض موجودة في دولة صغيرة اسمها "قيرغيزستان".
=========================
السلام عليكم ورحمة الله وبركاته
أحب أتكلم عن تجربتي في زيارة دولة للمرة الأولى بسمع عنها في حياتي كان من أقل من سنة .. لو كتبت اسمها دلوقتي أنا واثقة إن 90% من اللي هايقرأ البوست بيسمع عنها للمرة الأولى. البلد دي اسمها "قيرغيزستان".
"قيرغيزستان" دي دولة موجودة في آسيا الوسطى .. تعتبر لسة صغنونة خالص لانها استقلت عن الاتحاد السوفيتي قريب .. تحديدًا سنة 1991م. هي دولة اللغة الأصلية فيها "اللغة القيرغيزية" وتاني لغة فيها "اللغة الروسية". يعني من الآخر الإنجليزي بالنسبة لهم زي الصيني كدا عندنا.
اللي خلى الناس تستغرب أوي هو إني لأول مرة بسافر في حياتي خارج مصر بغرض السياحة وإن لما اخترت بلد كانت بلد غريبة ماحدش بيسمع عنها .. أصلًا كتير قالولي راجعي نفسك .. فكري في تايلند مثلا ولا في الصين حتى ولا أي بلد عارفينها وبرضه تكاليفها مش كتيرة .. لكن أنا - سبحان الله – صممت بجنون إني أزور البلد دي .
بس الجميل في الموضوع إني فعلًا ما حسيتش بذرة ندم إني اخترت البلد دي .. أنا مش ببالغ لو قلت إني شفت جنة الله في الأرض بعينيا .. جرب تعمل بحث عن كلمة "قيرغيزستان" في أي محرك بحث أو أي موقع للبحث تختاره واتفرج على المناظر الطبيعية الجمييييييييييييلة جدًا ما لهاش حل بجد .
أصلًا قبل سفري عملت بحث عن البلد ووجدت إن 90% منها جبال .. قلت بس شكلي كدا هادخل في صحراء جرداء لا زرع فيها ولا ماء .. ههههههههههههه .. لكن أما زورتها .. وجدت أجمل حاجة فيها الجبال .. الجبال دي تعتبر مرتفعات عن سطح الأرض .. عبارة عن صخور .. مش كدا ؟ وسط الصخور بلاقي أشجار كتيييييييييرة كلها طبيعية بدون دخل أي إنسان .. سبحان الله .
دا غير الشلالات والمناظر الطبيعية وفي كل مكان ألاقي زرع بألوان مختلفة .. اللي انا عارفاه بس الزرع الأخضر والورود بألوانها .. لكن زرع برتقالي ؟ أحمر ؟ ايه الألوان دي ؟ بتكلم عن زرع ، وشجر ومناظر طبيعية مش بتكلم عن الورود .. زرع برتقالي .. انا كنت نفسي أجيب خيمة واكمل حياتي هناك .. والله كان نفسي الطيارة تفوتني وماارجعش تاني أبدًا. مع العلم إني مش بتكلم قيرغيزي ولا بتكلم روسي .. يعني أنا كنت هاتظبط هناك لو فضلت .. ومع ذلك كان نفسي أفضل هناك ماارجعش تاني أبدًا.
طيب . رحلتي في البلد كانت عاملة ازاي ؟ أنا للأسف الشديد جدًا حجزت تسع أيام بس .. لكن البلد دي عايزة على الأقل شهر عشان تقدر تتفرج عليها كلها .. بس خلال الفترة القصيرة دي كنت ببذل مجهود جبار عشان أقدر اشوف أكتر أماكن ممكنة.
أول أما نزلت .. نزلت في مطار اسمه "مناس" دا موجود في العاصمة "بشكيك" .. ومن لحظة المطار شفت الناس كلها بتتكلم روسي او قيرغيزي .. ولا حد بيفهم الإنجليزي بتاعي ... بس مع ذلك كنت مبسوطة ومتحمسة جدًا ..
نزلت في فندق كويس بسعر يناسب ظروفي الاقتصادية اللطيفة .. فندق اسمه Salut. كانت الليلة فيها بحوالي 32 دولار .. بس كان فندق ابن حلال يعني .. ماقصروش معايا خالص .. وهو نفس الفندق اللي نمت فيه ليلتي الأخيرة قبل ما ارجع تاني .. أنا كتبت اسم الفندق وسعره عشان اللي حابب يسافر يكون عارف أسعار الفنادق هناك عاملة ازاي .. ما علينا .. رحت هناك مكان اسمه "آلارتشا" المكان دا عبارة عن جبال وبحيرات حول الجبال قمة في الجمال .. الجبال بتنبت وسطها أشجار .. الأشجار اسمها "آرتشا" عشان كدا اتسمى المكان "آلارتشا" .
طبعًا أنا زي أي مصري أصيل .. كان همي على بطني .. فحبيت طبعًا أجرب الأكلات القيرغيزية المشهورة .. رحت مكان جاااااااااااااااااامد اسمه "Supara". المكان دا فيه منه فرعين .. فرع منه بنطلع وسط الجبال .. بنطلع فعلًا بالسيارة طبعًا .. أكتر من خرافة .. المطعم دا موجود في منطقة اسمها "ChunkurChak" . برضه داخل بشكيك .. هناك أكلت لحم الخيل وشربت "القيميز" اللي هو حليب الخيل .. على فكرة ال "قيميز" دا مفيد جدًا للجسم .. اعمله بحث عنه عشان تتأكده فوائده قد ايه كتيرة .. وحلال شرعًا شربه وتناول لحم الخيل الحمد لله. كمان أنا فاكرة كويس أكلة هناك قيرغيزية قريبة جدًا من الكبسة بتاعتنا اسمها "Pluff" الأكلة دي كانت النجدة ليا في أي مطعم أدخله أما أكون عايزة آكل أكلة عارفاها .. وفيه كمان أكلة اسمها "Magma" .. دي مكرونة طعمها لذيذ جدًا وطويلة جداااااااااااااااااااااااا وفيها قطع لحم وخضروات.
طبعًا ما نسيتش ازور حديقة معروفة هناك في العاصمة اسمها "Pan Felof" هناك هتلاقوا شعار الدولة متعلق فوق بحجم البارك كله .. يعني شعار كبير بحجم البارك .. الحديقة دي قريب منها البيت الأبيض اللي فيه رئيس الدولة .. رحت هناك واتصورت وظبطت دنيتي ..
بعد كدا خرجت من العاصمة ورحت المصيف بتاع القيرغيزيين .. زي إسكندرية كدا عندنا .. المكان اللي أغلب القيرغيزيين بكل فئاتهم بيفضلوا يزوروه كمصيف .. المكان دا اسمه "الإيسيكول" .. ودي من أكبر البحيرات في العالم .. هناك أنا عملت حاجات كتير أوي .. ركبت البراشوت وزرت أكتر من مكان سياحي هناك وركبت خيل واتظبطت هناك آخر حاجة .. وهناك نزلت في فندق خطير بجد كانت الليلة بحوالي 23 دولار بس .. والله أحلى بكتير من اللي كان في العاصمة .. بس هو سعره كان قليل عشان نزلت في وقت مش موسم .. كمان صاحبة الفندق حبيتنا أوي .. عشان كدا اتظبطنا يعني .
من ضمن الأماكن المشهورة جدًا هناك مكان اسمه "جيتي أوجورز". دا عبارة عن سبع جبال جمب بعض ألوانهم جميلة جدًا ومافتكرش إن فيه حد مجنون ممكن يضيع على نفسه فرصة انه يزور المكان دا . أنا من كتر ما حبيت المكان دا اتجننت في مخي وكنت عايزة اتسلق أي جبل منهم .. هو كدا من غير عدة ومن حبال ومن غير أي حاجة .. كبرت في دماغي ماليش دعوة .. ههههههههه .. آه الجبال هناك بتجذب الناس للدرجة دي فعلًا .
هناك كمان في الإيسيكول مكان بالنسبة لي صعب أوي على مشاعري الرقيقة .. المكان دا اسمه "Chong Eruktu" .. عبارة عن ايه المكان دا .. دي عيون فيها مياة .. منها ساخن جدًا تصل ل 40 درجة .. ومنها دافئ .. ومنها بارد .. المستفز بقى في الموضوع إني لازم أنزل في المياة اللي درجة حرارتها 40 درجة لإن المية دي مفيدة جدًا وبتعالج من أمراض كتير .. أصلًا أنا أول أما لمستها اتلسعت .. مش فاهمة الناس إزاي بيدفعوا فلوس عشان ينزلوا فيها .. المهم اني استجمعت شجاعتي ونزلت فيها دقيقتين وطلعت منها بسرعة على المياة العادية اللي اقدر استحملها .. كانت تجربة لأول مرة بعملها في حياتي .. عشان كدا انبسطت فيها جدًا.
من ضمن الأماكن اللي زورتها في الإيسيكول مكان روووووووووووعة اسمه "Chong Aksu" .. دا بقى جبال وصخور وشلالات .. يعني المكان الأقرب إلى قلبي .. هناك اتصورت واتجننت وطلعت وسط الشلالات عشان آخد صور هناك .. وركبت خيل للمرة الأولى في قيرغيزستان .. كان بجد مكان رووووووووووعة جدًا.
آه نسيت أقول إن "قيرغيزستان" بيتعاملوا بعملة اسمها "سوم". الدولار الواحد بيعمل حوالي 68 سوم .. يعني عملة رخيصة وبالتالي البلد تكلفة زيارتها مش كتيرة .. أنا بالنسبة لي كل المصاريف اللي صرفتها بالتذكرة والفيزا والانتقالات والإقامة والأكل والفسح وكل حاجة حوالي 1250 دولار .. بجد .. خلال 9 أيام .. من الآخر .. فسحة العمر ومش غالية كمان ..
أنا زرت كمان قرية صغيرة هناك اسمها "توكتوغول". جمييييييييييلة أوي رغم إنها قرية بسيطة ماتعتبرش حتى قرية سياحية .. بس أنا حبيتها أوي .. طبعًا مش هانسى كتير من الأماكن التانية الحلوة زي "JaralangarJuruk, Sanatorya, KugJayog " وغيرها من الأماكن اللي من كترها أنا مش فاكرة أسمائها .. بس عمري ما هاقدر أنسى التجربة دي لأني تاني بكرر حسيت إن جنة الله سبحانه في الأرض موجودة في دولة صغيرة اسمها "قيرغيزستان".
