#سيوة #تجربه سيئه إنت متخيل إنك ممكن تتكلم عن...

  • بادئ الموضوع بادئ الموضوع Hadeel Mohamed
  • تاريخ البدء تاريخ البدء
عرض العطلة
#242
خليتي الناس ممكن يقتلوا لاتفه الاسباب وبتتريقي علي الراجل المسن اللي دقنة مترين قدام ومعرفش يربي
اتق الله انتي قولتي اللي عندك والله اعلم هم عندهم ايه علشان يعملوا معاكي كدة
 
#243
نفسي اكتب كلام كتير بس مش قادر اني اكتب دي مصيبه كبيره في حق نفسك اي انكان العلاج

كمان احنا فاشلين عارفين ليه اي انكان المكان بسيط بس النظافه من الايمان ، النظافه دي ملهاش دعوه بغني وفقير او مكام مااا

معندناش فكر النظافه
 
عرض العطلة
#246
والله كلامك مش منطقي بالنسبالي وانا مش هكدبك ولا اصدقك وفيه علامات استفهام كتير وتعجب اكتر سواء علي كلامك او صورك .. واكتفي بكده
 
عرض العطلة
#251
لازم نحشر اللحية فى اى هرى وننتقض ونقول هى دى اخلاق الاسلام!!! على فكرة معظم العرباوية مربيين دقونهم عادة فقط ياريت بلاش خلط الأوراق
 
#253
الناس الي بتقول ازاي تروحي مكان زي دا لوحدك دي حقيقيه ؟!
عاملين زي الي بيقولوا علي شهداء الثورة ايه الي وداهم هناك
سيوة مكان المفروض سياحي وفي رحلات كتير لهناك واجانب يعني عادي انها تروح لوحدها بس حظها جه فكامب خرا زي دة
 
#254
@HADEEL Mohamed
واحده واحده كده.
١/يا ريت تكتبى عنوان المكان و إسمه و بياناته عشان ماحدش يروحه تانى.
٢/يا ريت تكتبى رقم المحضر عشان لو حد قدر يتابع.
٣/الكلام بتاع الشرطة بتخاف من العرباوية غير صحيح و انتى لو لكى حق حتاخديه فياريت توكلى محامى من هناك قبل ما ترجعي.
٤/المحضر غالبا حيكون اتحفظ لأن الشرطة حتطلبك عشان تناقشك فيما جاء ببلاغك فلما مش حتلاقيكى حيتحفظ إثبات حالة.
٥/المفروض يحصل تظلم من قرار الحفظ عند المحامى العام فى الإسكندرية.
٦/حضرتك إنسانه محترمه و ايجابيه و احييكى على شجاعتك.
واللى انتى عملتيه هو الصح مهما حد قالك غير كده.
خالص تحياتي وتقديري.
 
#255
انا باتعامل مع اهل سيوة من ٣٠ سنة ...
ناس محترمين جدا جدا ومسالمين جدا جدا ..
هما مش بدو أو عرب ..
هما أمازيغ من سلالة طارق بن زياد والعلامة بن خلدون ..
معلش ممكن يكون مفهمكيش ومكنش مركز انتى طلبتى ايه فطار فجاب لك كل حاجة ...
هو دماغه حتقول له كده ..
حتقول له انك دافعة تمن فطارك وبيشمل مربى وفول .. الخ ..
هو حيديلك حقك اللى انتى دافعة تمنه ...
لأنه مش حيخصم لك منه تمن المربى والفول ...
وعيبه كبيرة جدا جدا أنه ياخد فلوسك من غير مايديلك حقك ...
فهو جاب لك كل حاجة انتى دافعة تمنها .. وانتى بقى اللى مش عايزاه تبقى تسبيه...
وصلت ...
ده غير أن الرجالة فى سيوة مش بينظفوا حجرات أو غرف علشان عيب ...
يعنى لو حضرتك نازلة فى حجرة عيب أنه يدخل ينظفها وانتى موجودة أو حتى لو النزيل راجل لأنه بيعتبر ده عيب .. عيب راجل ينظف وقدام حد ...
وفى نفس الوقت مش حيخش ينظفها وانتى مش موجودة علشان حاجاتك الشخصية ...
وعلشان كده بعض الفنادق بيخلى يوم مابين الحجز والحجز علشان ينظفوا براحتهم ...
دى عادات ...
واللى يفهمها يحترمها ...
فهو اتعصب علشان حس انك وبختيه وممكن يكون فيه رواسب بسبب تعليق قلتيه قبل كده خاصة على النظافة ..
بخصوص الحوض ولونه..
كل سيوة احواضها وتواليتاتها حتى فى أحسن الفنادق كده علشان المياه الجوفية وطبعا مياه الحنفية للاغتسال والاستحمام فقط ولها رائحة كبريتية والصابون مش بيرغى فيها ..
علشان كده بتترك اثر لونه بنى ..
المجتمع بسيط بس ناسه محترمين ومتدينين ..
طبعا فيه بعض شباب بيشتغل منهم فى السياحة للاسف بيتعلم منا احنا اهل المدن سوء السلوك ...
بس فيه شباب محترم وناجح ومعروف بالاسم وبيشتغل ممكن مدرس او موظف بجانب السياحة ...
عموما ..
هما ناس مسالمين..
بس طبعا نصيحة للبنات ...
من فضلكم بلاش هزار معاهم لان اغلبيتهم خجول ومتدين وممكن تتفهم غلط ..
بلاش تداخل زيادة اكثر من البيع والشراء والسياحة ...
لازم يبقى فيه حدود ..
لانى باشوف بصراحة بعض سلوكيات وأساليب تعامل مش حلوة ...
فرد الفعل ممكن يكون غير متوقع ..
يعنى انتى فى بلد صحراوية منعزلة لها تقاليد واعراف وسيداتهم كلهم مغطيين وشهم ...
فمينفعش واحدة تنزل فى العيون ببكينى أو تمشى وسط البلد بشورت قصير ...
عيب .. لازم نراعى تقاليدهم لان مش كل اهل البلد شغالين فى السياحة والسفارى والبازارات وبيع البلح والزيتون...
الأغلبية وبنسبة ٩٨٪ مزارعين وحرفيين والسياحة لاتعنيهم مطلقا وانت لا تعنيهم لأنك مش محور اهتمامهم
 
عرض العطلة
عرض العطلة
عرض العطلة
عرض العطلة
أعلى أسفل
عودة
قائمة