D
Dina Nabil
:: مسافر ::
البوست ده عن تفاصيل رحلة جورجيا الساحرة , ده اختصار اللى شوفته و قابلته فى ال8 ايام اللى قضيتهم فى الجنة
الفيزا: باختصار باسبور و صورة و 20 دولار بتدفعهم اونلاين , 5 ايام يتبعت لك الفيزا تطبعها و مبروك عليك كده خلصت
التكلفة: انا طلعت مع شركة سياحة مش لوحدى , الرحلة نفسها كانت ب460 دولار -اه الشركة اخدتهم بالدولار- و عليهم 70 دولار اشتراك فى البرنامج السياحى و ده تضمن اتوبيس سياحى مكيف معانا طول الوقت و مرشد سياحى مصرى او عربي و سفر طويل بين المدن , انا صرفت هناك 130 دولار بس و شبعت اكل كباب و خشتبورى و شيكولاتة و دلع و طبعا الصرف حسب الشخص معانا اللى قضي الرحلة كلها ب100 دولار و منا اللى صرف 1000 دولار
اهل البلد: عالم طيبة معندهمش عنصرية ضد حجاب او لحية او الحركات القرعة دى و مش بتوع سياحة اوى و دى احلى حاجة فيهم , مش بيعرفوا انجليزى خالص معتزين بلغتهم الجورجية جدا بغباوة و طول ال8 ايام قابلت تلاته بيتكلموا انجليزى واحدة اصلا من امريكا بتشتغل مبشرة و واحدة تركية و شاب بيعزف مزيكا اديته نص جنية مصرى كان هيتجنن من صورة نفريتتى اللى عليها
الاكل: دى اهم حاجة طبعا ... الاكل عموما رخيص و لو هتاكل زى اهل البلد يبقي خشتبورى و خنكالى و اتعامل زيهم , دى مخبورات متنوعة و رخيصة و مشبعة جدا , بالنسبة لنا احنا مشكلتنا اننا طول الوقت بندور علي مطاعم حلال و دى متوفرة عشان السوريين و الاتراك هناك بيحبوا الشغل و المطاعم ...مثلا ربع كيلو كباب و رز و سلطة يتكلفوا 8 لارى و انت زى الباشا
الشرب: المية كويسة طبعا بس احنا طول الوقت كنا بنشرب مية معدنية , الاول كنت بشتريها ب60 تيتري -زى 60 قرش مقابل للجنية- و لاحقا عرفت ان السوبر ماركت الكبير شوية بيبعها ب40 بس , و ازازة الكوكا بلارى
الفسح: انا زورت 5 مدن ... باتومى و تبليسي و مسخيتا و جورى و كازبجى , باتومى مدينة ساحلية علي البحر الاسود فيها كورنيش و ممشي و عرض دلافين و جو شبه الغردقة كده , تبليسي دى العاصمة و المعمار فيها ممتع و التلفريك و الفرجة على البلد من فوق متعة اصلا و بذات الجزء القديم من المدينة , مسخيتا دى العاصمة القديمة يعنى الكنايس و الطبيعة و الاديرة و التراث , جورى دى بلد ستالين فيها المتحف بتاعه و فيها المدينة اللى مبنية جوة الجبل محفورة , كازبجى بقي يعنى جبال و جبال و وديان و خضرة و احلى منظر طبيعى ممكن يتخيله بشر
المواصلات: طبعا في اتوبيسات صفرا كتير و مترو و التاكسي عموما مش غالي كمان , اجدع تاكسي خد مننا 8 لارى و ده كده غالي ... بس انا حالة مختلفة لان الاتوبيس السياحى اللى معانا كان مريحنا جداا
الفلوس: اى ATM هناك فيها دولارات و لارى و انت اللى بتختار عايز تسحب بانهى عملة , كل شارع فيه 4 محلات تغيير عملة علي الاقل محدش فيهم بياخد عمولة او يجرؤ يقولك مفيش دولارات , المهم تسأل قبل ما تسافر فى البنك بتاعك الحد الاقصي للسحب هناك كام لان البنوك بتاعتنا هى اللى بتضيق .. اتعاملت بالكارت فى الاماكن الكبيرة بس عموما خلى معاك كاش دايما بس مش كتيراكيد
الامان: انا شخصيا كنت مستريحة , الاهالى عموما رايقين و مفيش احساس بالخطر من سرقة و كده , و عموما كل المحلات بتقفل الساعه 8 بالليل فلما مشينا الساعه 11 وسط البلد كنت خطرين فى روحنا و مغامرة مع ان محدش ضايقنا ابدا , ده لا ينفي قواعد سلامة المسافرين العادية
الانشطة: فى كازبجى بذات كان في ركوب خيل و تجديف و paragliding ... انا عملت تجديف فى نهر سريع على صخور بس و اتكلف 80 لارى و ده اغلي حاجة عملتها فى الرحلة كلها بس تستاهل كل الفلوس من المتعة , اما الباراجلينج فكان غالي عليا ب250 دولار بس اللى عملوه بيقولوا رائع لانه فوق الجبل .... بس الصراحة انت مش هتفضي تعمل انشطة اصلا لان سحر الطبيعة هناك هيخليك تصور و تتصور طول الوقت
الاقامة: انا كنت نازلة فى هوستيل صغير فى تبليسي كنا 4 بنات فى الاوضة , صغير و ضيق بس نضيف و منظم و فيه واي فاى حلو كان اسمه leader , دى صفحته على بوكينج
/Leader Inn, Tbilisi City, Georgia
, و فى باتومى برضه كان هوستيل زيه اكبر شوية للاسف مش متذكرة اسمه دلوقتى
بشكل عام تجربتى مختلفة لانى مع شركة سياحة مش لوحدى فمميزتها انها كانت منظمة و شفنا اماكن اكتر و ابعد بكتير مما كنت هاروح لوحدى و مكنتش قلقانة على حاجة , عيبها اننا كنا متقوقعين سيكا مع نفسنا كمصريين و معرفناش اهل البلد كويس و مركبناش مواصلات عمومى كتير و دى متعة خاصة برضه افتقدتها لكن الصحبة الجميلة اللى كانت معايا كانت اجمل ما في الرحلة و جمال البنات و الشباب المصريين الجدعان اللى خلونا نقضي ايام تمانية فى الجنة ....
الفيزا: باختصار باسبور و صورة و 20 دولار بتدفعهم اونلاين , 5 ايام يتبعت لك الفيزا تطبعها و مبروك عليك كده خلصت
التكلفة: انا طلعت مع شركة سياحة مش لوحدى , الرحلة نفسها كانت ب460 دولار -اه الشركة اخدتهم بالدولار- و عليهم 70 دولار اشتراك فى البرنامج السياحى و ده تضمن اتوبيس سياحى مكيف معانا طول الوقت و مرشد سياحى مصرى او عربي و سفر طويل بين المدن , انا صرفت هناك 130 دولار بس و شبعت اكل كباب و خشتبورى و شيكولاتة و دلع و طبعا الصرف حسب الشخص معانا اللى قضي الرحلة كلها ب100 دولار و منا اللى صرف 1000 دولار
اهل البلد: عالم طيبة معندهمش عنصرية ضد حجاب او لحية او الحركات القرعة دى و مش بتوع سياحة اوى و دى احلى حاجة فيهم , مش بيعرفوا انجليزى خالص معتزين بلغتهم الجورجية جدا بغباوة و طول ال8 ايام قابلت تلاته بيتكلموا انجليزى واحدة اصلا من امريكا بتشتغل مبشرة و واحدة تركية و شاب بيعزف مزيكا اديته نص جنية مصرى كان هيتجنن من صورة نفريتتى اللى عليها
الاكل: دى اهم حاجة طبعا ... الاكل عموما رخيص و لو هتاكل زى اهل البلد يبقي خشتبورى و خنكالى و اتعامل زيهم , دى مخبورات متنوعة و رخيصة و مشبعة جدا , بالنسبة لنا احنا مشكلتنا اننا طول الوقت بندور علي مطاعم حلال و دى متوفرة عشان السوريين و الاتراك هناك بيحبوا الشغل و المطاعم ...مثلا ربع كيلو كباب و رز و سلطة يتكلفوا 8 لارى و انت زى الباشا
الشرب: المية كويسة طبعا بس احنا طول الوقت كنا بنشرب مية معدنية , الاول كنت بشتريها ب60 تيتري -زى 60 قرش مقابل للجنية- و لاحقا عرفت ان السوبر ماركت الكبير شوية بيبعها ب40 بس , و ازازة الكوكا بلارى
الفسح: انا زورت 5 مدن ... باتومى و تبليسي و مسخيتا و جورى و كازبجى , باتومى مدينة ساحلية علي البحر الاسود فيها كورنيش و ممشي و عرض دلافين و جو شبه الغردقة كده , تبليسي دى العاصمة و المعمار فيها ممتع و التلفريك و الفرجة على البلد من فوق متعة اصلا و بذات الجزء القديم من المدينة , مسخيتا دى العاصمة القديمة يعنى الكنايس و الطبيعة و الاديرة و التراث , جورى دى بلد ستالين فيها المتحف بتاعه و فيها المدينة اللى مبنية جوة الجبل محفورة , كازبجى بقي يعنى جبال و جبال و وديان و خضرة و احلى منظر طبيعى ممكن يتخيله بشر
المواصلات: طبعا في اتوبيسات صفرا كتير و مترو و التاكسي عموما مش غالي كمان , اجدع تاكسي خد مننا 8 لارى و ده كده غالي ... بس انا حالة مختلفة لان الاتوبيس السياحى اللى معانا كان مريحنا جداا
الفلوس: اى ATM هناك فيها دولارات و لارى و انت اللى بتختار عايز تسحب بانهى عملة , كل شارع فيه 4 محلات تغيير عملة علي الاقل محدش فيهم بياخد عمولة او يجرؤ يقولك مفيش دولارات , المهم تسأل قبل ما تسافر فى البنك بتاعك الحد الاقصي للسحب هناك كام لان البنوك بتاعتنا هى اللى بتضيق .. اتعاملت بالكارت فى الاماكن الكبيرة بس عموما خلى معاك كاش دايما بس مش كتيراكيد
الامان: انا شخصيا كنت مستريحة , الاهالى عموما رايقين و مفيش احساس بالخطر من سرقة و كده , و عموما كل المحلات بتقفل الساعه 8 بالليل فلما مشينا الساعه 11 وسط البلد كنت خطرين فى روحنا و مغامرة مع ان محدش ضايقنا ابدا , ده لا ينفي قواعد سلامة المسافرين العادية
الانشطة: فى كازبجى بذات كان في ركوب خيل و تجديف و paragliding ... انا عملت تجديف فى نهر سريع على صخور بس و اتكلف 80 لارى و ده اغلي حاجة عملتها فى الرحلة كلها بس تستاهل كل الفلوس من المتعة , اما الباراجلينج فكان غالي عليا ب250 دولار بس اللى عملوه بيقولوا رائع لانه فوق الجبل .... بس الصراحة انت مش هتفضي تعمل انشطة اصلا لان سحر الطبيعة هناك هيخليك تصور و تتصور طول الوقت
الاقامة: انا كنت نازلة فى هوستيل صغير فى تبليسي كنا 4 بنات فى الاوضة , صغير و ضيق بس نضيف و منظم و فيه واي فاى حلو كان اسمه leader , دى صفحته على بوكينج
/Leader Inn, Tbilisi City, Georgia
, و فى باتومى برضه كان هوستيل زيه اكبر شوية للاسف مش متذكرة اسمه دلوقتى
بشكل عام تجربتى مختلفة لانى مع شركة سياحة مش لوحدى فمميزتها انها كانت منظمة و شفنا اماكن اكتر و ابعد بكتير مما كنت هاروح لوحدى و مكنتش قلقانة على حاجة , عيبها اننا كنا متقوقعين سيكا مع نفسنا كمصريين و معرفناش اهل البلد كويس و مركبناش مواصلات عمومى كتير و دى متعة خاصة برضه افتقدتها لكن الصحبة الجميلة اللى كانت معايا كانت اجمل ما في الرحلة و جمال البنات و الشباب المصريين الجدعان اللى خلونا نقضي ايام تمانية فى الجنة ....
