السلام عليكم ده مشكلة حصلت ووجب التنبيه لأن...

[Khalid Salah]

السلام عليكم
ده مشكلة حصلت ووجب التنبيه لأن فيه ناس كتيييير جدااااا بيتنصب عليها

ليا زميل فرحه يوم الخميس زيه زى اى عريس كان نفسه يفرح عروسته وقرر انه ياخدها ويروح شرم
بدأ يشوف اعلانات على الفيس وشاف اعلان عجبه على الفيس من شركة اسمها Rakkan travel وتواصل معاهم والشركة ده صفحتها ع الفيس موجودة وهاتلاقى الاعلانات عليها
تم التواصل معاهم والشات موجود ويافندم حول الفلوس واحنا هنبعت لحضرتك تأكيد الحجز تم تحويل المبلغ ٣٨٥٠ على رقم بريدى وبعدها زميلى بيكلمهم قفلوا الموبايلات وعملوا بلوك ليه من ع الفيس وكذلك عملوا رقمه بلاك ليست ع الموبايل

هما طبعا عمالين ينصبوا على الناس وناس بتحول اكيد زى زميلى ده فياريت الناس تاخد بالها منهم ومن اى شركة زيهم ومحدش يحول حاجة غير لما يستلم حاجة أكيدة ويتصل يتأكد بنفسه من الفندق

الهدف من البوست هو تحذير الناس منهم وان شاء الله لازم ياخدوا جزاؤهم هما اتعمل ليهم محضر وربنا ييسر ان شاء الله

توضيح بسيط صور الاسكرينات ده مش الشات اللى بين صاحبى والشركة ، ده الشات اللى بينى وبينهم على اساس انى عميل جديد وعاوز احجز معاهم ولما قلتلهم انكوا نصابين عملولى بلوك
وصورة تحويل البريد ده اللى زميلى حوله ليهم

#ركان_ترافيل_حرامية
#Rakkan_travel

 

[Jannah Ahmed]

ربنا يعوض عليه و يرزقه هو و زوجته اجازة افضل ان شاء الله

 

[Mohamed Khairat]

متزعلش منى صاحبك هو الغلطان هو فى حد يحول فلوس لحد من خلال مكالمة على الماسنجر ...يعنى أضعف الإيمان يروح مقر الشركة ' ويدفع هناك وياخد وصل بقيمة الفلوس اللى دفعها ..ربنا يعوض عليه

 

[Mahmoud Abd Elkader]

بصراحه بوست مش مفهوم لإنه في النهايه المبلغ متحول عن طريق البريد وإللي بيتكلم بيتكلم عن تحويل المبلغ فودافون كاش !! غير كدا مش باين حتي الكلام إللي قبله إيه بالظبط !! يعني الكلام مخطووف أنا مش بدافع عن حد أنا معرفهمش بس فعلاً البوست مش مفهوم نهائياً وبعدين إزاي شخص أصلاً يحجز بالنت كدا دا لو راح بنفسه شركة سياحه كانت خلصت يعني ! عموماً ربنا يعوض عليه

 

[Mona Said]

Medhat Maher ده الواحد بيخاف منه

 

[Hossam El Kholy]

طالما في دليل علي الكلام ده زي محادثات شات

اولا تكلم فودافون وقولهم علي اللي حصل

لان فودافون كاش لازم يكون مسجل بياناته عندهم

والفلوس هترجع عن طريق فودافون

ثانيا تروح تعمل محضر وتبلغ مباحث الإنترنت وهما هيجيبوهم كلهم عشان الموضوع ده ميتكررش

بالتوفيق

 

[Mohammad Khalid]

فيه حاجات ناقصة فى الموضوع

فى الاسكرين شوت الشركة بتقول التحويل كدا وصل يافندم وهنأكد الحجز
وبعد كدا الاسكرين التانية فيها البلوك من غير مانشوف ايه اللى حصل فى النص ، والوقت بين الاسكرين دى والتانيه حوالى ساعه بس.

يعنى المنطقى لو انا هنصب ، بمجرد مايجيلى الفلوس مش هرد وهقول وصل يافندم ومش هقول هنأكد الحجز
ايه اللى حصل فى خلال الساعة بين 10:50 ل 11:50

وازاى الشركة بتقول التحويل تم وهنأكد الحجز ، والصورة فيها تحويل بريد واللى اعرفه ان البريد مبيبعتش رساله مثلا على الموبايل يأكد وصول فلوس لصاحب الفلوس.

 

[Haitham Yossef]

انا دخلت ع الشركه مش كاتبين عنوانين فعلا ليهم وموبايلاتهم مقفوله الاتنين شكلهم نصابيين فعلا

 

[Mohamed Abd El-hamied]

اولا لما حد يحول فلوس : لازم يكون على حساب شركه مش حساب أفراد

 

[Mohammed Hegazy]

لو الكلام ده صحيح يبقي حملة ريبورتات علي الصفحه

 

[Haitham Yossef]

منزلين عرض خرافي نصب ف نصب ٣٠٠٠ الاف شامل طيران وكل الوجبات والفندق للفردين

 

[Haitham Yossef]

 

[Haitham Yossef]

هههه مسخره عاجبني فيهم صبرهم وتخطيطهم وعملهم لصفحه وملوها ناس كمان وبداوا بقي يلموا الغله
فعلا محدس بياكلها بالساهل ولا الحرامي

 

[Jan Makram]

هو فعلاً فيه حاجة ناقصة في البوست، الشركة عملتله بلوك امبارح 19 سبتمبر الساعة 11:51 صباحاً اللي هو امبارح التلات.

الحوالة مبعوتة الساعة 11:59 صباحاً
يعني الحوالة اتبعتت بعد ما حصلت المشكلة وعدي ساعة وعملوله بلوك وبعد ده كله ب10 دقايق الحوالة اتبعتت. انا مش بشكك في حد علشان فعلاً فيه حاجة ناقصة كذا حد مش فاهمها.

بالإضافة إن الكلام علي تحويل فوري او فودافون كاش وده تحويل بريد. وشكراً

 

[Walaa Mohamed Bakeer]

المفروض الواحد مايحجزش بالطريقه دى ابدا بقا ف مندوب و يستلم ايصال او يروح مقر الشركه احسن ... ربنا يعوض عليه

 

[Bahaa Aldeen Farouk]

أنا معلش عتابي على صديقك
يعني من شكل الصفحه بتاعتهم , فيها 5000 مشترك بالكتير , و مش فاتحين الريفيو علشان يكون فيه مصداقيه , و الموقع بتاعهم اللي حطينه على الصفحه مش شغال
و مافيش كومنت واحد على اي بوست من حد طلع معاهم
و مع ذلك يكون عنده ثقه أنه يدفعلهم جنيه واحد !!!

 

[Ahmed Hamdy Bazied]

عاملين شغل زي الفل عالصفحه بتاعتهم و عروض لا تقاوم
ده انا ذات نفسي كنت قربت أحجز معاهم رغم إني عارف من قبلها إنهم نصابين

 

[عبدالرحمن حمدان]

...

 

[Sally Adel]

Madonna Adel

 

[Haitham Elsaghir]

هو فين زميلكم ده ماينزل البوست هو ؟ اصل فيه شخص تانى عامل بوست بنفس المضمون !!!