لو سمحت الباسبور بتاعي مكتوب فيه اسمي العربي...

[Mostafa Yassin]

لو سمحت الباسبور بتاعي مكتوب فيه اسمي العربي مختلف عن البطاقة يعني مكتوب (يسن) وفي البطاقة (يسين)
ومعدلتهاش وسافرت ورجعت ومفيش مشكلة
ومش عارف اروح اعدلها ولا اسيبها كده وهل هيبقي في مشكلة لو حبيت اسافر تاني قدام؟

 

[صبرة عبد الحميد]

الافضل يتعدل ممكن تاشيرة تقف بسبب الغلطة دي

 

[Joe George]

مافيش سفاره بتشوف البطاقه .... وحضرتك من اول ما بتقدم فى السفاره لحد ما تسافر وترجع مش بتحتاج البطاقه فى اى حاجه

 

[Mohamed El Henawy]

اولا الانجليزي هو اللي مهم
ثانيا اي حجز او ابليكشن يكون زي البسبور

 

[Aladdin Osama Alswaifi]

رأيي الشخصي ان حضرتك تعدلها لان ممكن يجي وقت تحتاج الاسمين يبقوا متطابقين و ساعتها الوقت يبقى ضيق و ما تلحقش
حصل معايا موقف شبه كده

 

[Walid Mohamed Ahmed]

كبر دماغك

 

[Soso Mandour]

المهم تكون البطاقه وشهادة الميلاد واحد وياريت باه الباسبور زيهم

 

[Mahmoud El Tair]

لا طبعاً ملهاش علاقه عادي سيبها

 

[Mohamed Abou Heiba]

سيبها ذى مهيه

 

[Mostafa Yassin]

واضح ان في اجماع علي اني اسيبها وانا اصلا مكسل اروح اعدلها