M
Mohamed S. EL-Demerdash
:: مسافر ::
ازاي تهرب من مطبات انترفيو سفاره امريكا الهوائيه بحرفنه
1- عايز تقدم معهد لغه والقنصل هيقولك اشمعني امريكا يعني اللي هتدرس فيها لغه !
ما تروح تدرس ف اي معهد في بلدك اقرب و ارخص
في الحاله دي القنصل بتحسه المعلم سردينه في نفسه وهو ماسك الشيشه وبيقولك : جاي تصيع علي مين ؟ ده انت لما كنت رايح تصيع كنا احنا من امريكا راجعين
الحل : قبل ما تقدم اصلا ع الفيزا هتكون روحت درست فعلا في اي معهد كورس لغه في مصر وخدت شهادة منهم انك درست هناك
وفي المقابله تقوله انا فعلا روحت درست في معهد في اسكندريه مثلا وخدت شهاده بس منفعتنيش في اي انترفيو للشغل لانها غير معتمده في الخارج والشغل بتاعي في الخليج طالب مني حاجه معتمدة عالميا
وتقوم مطلعله الشهادة وانت بتتكلم
( النقطه دي قويه جدا خصوصا للناس اللي بتقدم من الخليج او اهاليهم شغالين في الخليج لانهم عارفين ان الانجلش هو اساس شغل اي مغترب ف الخليج )
اما بقي عايز تجود من عندك وتهري في الكلام القديم بتاع عايز اروح ادرس لغه هناك عشان اختلط واتعلم ثقافه الاجانب دة هلس واتهرس في السفاره مليون مرة قبل كدة .. انت حر هتلبس ف الحيط
.
2- باسبورك ابيض وعايز تقدم علي سياحه وفي المقابله القنصل قالك يعني انت عمرك ما سافرت ابدا تقوم اول لما تشطح تنطح , عايز تسافر امريكا اخر بلاد المسلمين ياجدع ,
طب افرض اديتك التأشيرة هتتعامل ازاي معاهم وانت خبرتك صفر في السفر ؟؟
هنا في الحاله دي القنصل بيتقمص دور ساموزين وشخصيه عبده الفتوه ويقولك : عايز تروح امريكا ؟ ها هأو هاو هاو
الحل : هتقوله اصلي مش مسافر لوحدي مسافر مع صحابي وهما ترافلرز و واخدين تأشيره امريكا قبلي وهما اللي هيكونوا التور جايد بتاعي
وتكون حافظ قبل ما تدخل المقابله اسماء ناس خدت التأشيرة قبل كدة عشان لو سألك مين صحابك دول تقول اسمائهم كامله عشان لو عمل سيرش ع الكمبيوتر عليهم يلاقيك صادق
.
3- لو ليك حد هناك اكتب اسمه ف الابلكيشن ولو القنصل سألك عنه ف الانترفيو قوله ايوة ليا حد .. بس اوعي اوعي اوعي اوعي تقول انك رايح عنده او هتقعد عنده او هتشوفه اصلا
طب تتخلص من المطب دة ازاي ؟
اكتب اسم ولايه هتزورها سياحه تكون غير الولايه اللي قريبك قاعد فيها لزيادة مصداقيه انك مش هتروح عنده
يعني لو قريبك دة قاعد ف تكساس مثلا .. هتكتب ف الابلكيشن انك هتروح تزور كاليفورنيا مثلا .. فاهمني .. يعني تكتب انك هتروح ولايه بعيدة عن الولايه اللي قريبك قاعد فيها لزيادة المصداقيه ..
.
4- اعزب وعايز اقدم علي سياحه وبيقولوا بيرفضوا العزاب والشباب الصغير اوي ؟
هتدخل المقابله وانت لابس خاتم ولما يجي يسألك يقولك اعزب ولا متزوج هتقوله خاطب وانت فاشخ ضبك ومبتسم ابتسامه واسعه وانت باصص للخاتم وتقوله وهتجوز لما ارجع ( واتك اوي علي كلمه لما ارجع دي ) اصلها اخر رحله في العزوبيه
.
.
شويه ملاحيظ
1- اهم حاجه ف المقابله الثقه بالنفس والهدوء ثم التناكه
كانك بتقولهم انا رايح ارمي فلوسي علي الجزمه في بلدكم الغير متحضره دي ( سامحنا يارب ع الكدب دة )
2- فيزا السياحه او دراسه اللغه ( اللغه بالذات ) هي حظ وملهاش اي مقياس يعني عادي تعمل كل دة وتترفض برضو بس اهو الحاجات دي هتأمنك زيادة
3- اطلب المقابله بالعربي لو سياحه .. واطلبها بالانجلش لو دراسه
4- متأفورش .. متأفورش .. متأفورش .. متأفورش .. متأفورش .. متأفورش .. وحياه خالتك يا شيخ ما تأفور
اقعدوا بالعافيه
1- عايز تقدم معهد لغه والقنصل هيقولك اشمعني امريكا يعني اللي هتدرس فيها لغه !
ما تروح تدرس ف اي معهد في بلدك اقرب و ارخص
في الحاله دي القنصل بتحسه المعلم سردينه في نفسه وهو ماسك الشيشه وبيقولك : جاي تصيع علي مين ؟ ده انت لما كنت رايح تصيع كنا احنا من امريكا راجعين
الحل : قبل ما تقدم اصلا ع الفيزا هتكون روحت درست فعلا في اي معهد كورس لغه في مصر وخدت شهادة منهم انك درست هناك
وفي المقابله تقوله انا فعلا روحت درست في معهد في اسكندريه مثلا وخدت شهاده بس منفعتنيش في اي انترفيو للشغل لانها غير معتمده في الخارج والشغل بتاعي في الخليج طالب مني حاجه معتمدة عالميا
وتقوم مطلعله الشهادة وانت بتتكلم
( النقطه دي قويه جدا خصوصا للناس اللي بتقدم من الخليج او اهاليهم شغالين في الخليج لانهم عارفين ان الانجلش هو اساس شغل اي مغترب ف الخليج )
اما بقي عايز تجود من عندك وتهري في الكلام القديم بتاع عايز اروح ادرس لغه هناك عشان اختلط واتعلم ثقافه الاجانب دة هلس واتهرس في السفاره مليون مرة قبل كدة .. انت حر هتلبس ف الحيط
.
2- باسبورك ابيض وعايز تقدم علي سياحه وفي المقابله القنصل قالك يعني انت عمرك ما سافرت ابدا تقوم اول لما تشطح تنطح , عايز تسافر امريكا اخر بلاد المسلمين ياجدع ,
طب افرض اديتك التأشيرة هتتعامل ازاي معاهم وانت خبرتك صفر في السفر ؟؟
هنا في الحاله دي القنصل بيتقمص دور ساموزين وشخصيه عبده الفتوه ويقولك : عايز تروح امريكا ؟ ها هأو هاو هاو
الحل : هتقوله اصلي مش مسافر لوحدي مسافر مع صحابي وهما ترافلرز و واخدين تأشيره امريكا قبلي وهما اللي هيكونوا التور جايد بتاعي
وتكون حافظ قبل ما تدخل المقابله اسماء ناس خدت التأشيرة قبل كدة عشان لو سألك مين صحابك دول تقول اسمائهم كامله عشان لو عمل سيرش ع الكمبيوتر عليهم يلاقيك صادق
.
3- لو ليك حد هناك اكتب اسمه ف الابلكيشن ولو القنصل سألك عنه ف الانترفيو قوله ايوة ليا حد .. بس اوعي اوعي اوعي اوعي تقول انك رايح عنده او هتقعد عنده او هتشوفه اصلا
طب تتخلص من المطب دة ازاي ؟
اكتب اسم ولايه هتزورها سياحه تكون غير الولايه اللي قريبك قاعد فيها لزيادة مصداقيه انك مش هتروح عنده
يعني لو قريبك دة قاعد ف تكساس مثلا .. هتكتب ف الابلكيشن انك هتروح تزور كاليفورنيا مثلا .. فاهمني .. يعني تكتب انك هتروح ولايه بعيدة عن الولايه اللي قريبك قاعد فيها لزيادة المصداقيه ..
.
4- اعزب وعايز اقدم علي سياحه وبيقولوا بيرفضوا العزاب والشباب الصغير اوي ؟
هتدخل المقابله وانت لابس خاتم ولما يجي يسألك يقولك اعزب ولا متزوج هتقوله خاطب وانت فاشخ ضبك ومبتسم ابتسامه واسعه وانت باصص للخاتم وتقوله وهتجوز لما ارجع ( واتك اوي علي كلمه لما ارجع دي ) اصلها اخر رحله في العزوبيه
.
.
شويه ملاحيظ
1- اهم حاجه ف المقابله الثقه بالنفس والهدوء ثم التناكه
كانك بتقولهم انا رايح ارمي فلوسي علي الجزمه في بلدكم الغير متحضره دي ( سامحنا يارب ع الكدب دة )
2- فيزا السياحه او دراسه اللغه ( اللغه بالذات ) هي حظ وملهاش اي مقياس يعني عادي تعمل كل دة وتترفض برضو بس اهو الحاجات دي هتأمنك زيادة
3- اطلب المقابله بالعربي لو سياحه .. واطلبها بالانجلش لو دراسه
4- متأفورش .. متأفورش .. متأفورش .. متأفورش .. متأفورش .. متأفورش .. وحياه خالتك يا شيخ ما تأفور
اقعدوا بالعافيه
E
Enass Serry
:: مسافر ::
ربنا يقومك بالف سلامة يارب ...
الافضل تقدمي الفيزا كل واحد لوحده ...
الاول زوجك
وبعدين انتي
وبعدين ابنك
كده فرصة القبول اكبر بكتير ...
الانترفيو بسيط جداااا مش زي مانتي متخيلة ...والافضل ماتقوليش انك تعرفي حد هناك...
قولي انك مسافرة اجازة علشان اتفسح .
ربنا يسهلكم اموركم يارب
الافضل تقدمي الفيزا كل واحد لوحده ...
الاول زوجك
وبعدين انتي
وبعدين ابنك
كده فرصة القبول اكبر بكتير ...
الانترفيو بسيط جداااا مش زي مانتي متخيلة ...والافضل ماتقوليش انك تعرفي حد هناك...
قولي انك مسافرة اجازة علشان اتفسح .
ربنا يسهلكم اموركم يارب
مع بعض
Y
Yomna Osama
:: مسافر ::
علي فكره مش شرط خالص يبص علي الورق، اهم حاجه تكتبي كل حاجه صح فال application و في خانه فيها عندك fixed dates للسفر ولا مجرد نيه، قدموا انتوا الثلاثه و انشالله تخدوها و فالابليكيشن بيسال لو ليكي قرايب من الدرجه الاولي و عمك لا يعتبر قريب و انشالله تخديها و ربنا يقومك بالسلامه
M
Manar Abdou
:: مسافر ::
الرياض القاهرة اسكندرية
ده اسمه ابيض
الي مش ابيض الي فيه سياحة زي اوربا مثلا اسيا وهكذا
وماتقوليش اني عندك قرايب خالص ونصيحي مني لما تولدي ادفعي مصاريف اامستشفي حتي لو قرايبك قالولك انهم هايسعدوكي ويقدمولك المستشفي مجانا
وان شاء الله مش هاتحتاجي للرصيد البنكي لانك بتقدمي من السعوديه
ده اسمه ابيض
الي مش ابيض الي فيه سياحة زي اوربا مثلا اسيا وهكذا
وماتقوليش اني عندك قرايب خالص ونصيحي مني لما تولدي ادفعي مصاريف اامستشفي حتي لو قرايبك قالولك انهم هايسعدوكي ويقدمولك المستشفي مجانا
وان شاء الله مش هاتحتاجي للرصيد البنكي لانك بتقدمي من السعوديه
M
Mahmoud Amin So'ody
:: مسافر ::
انا كنت هناك في سفارة امريكا بجدة اول رمضان.. الطابور اللي انا واقف فيه كله اترفض وخرج بالباسبورات .. انا لوحدي وكنت مسافر تركيا وقبرص والامارات والبحرين غير رحلات مصر .. واحد سعودي قالي تاني مرة اترفض ومش عارف ازور اهلي .. واحد سعودي مع مراته لسه متجوزين وعايزين يطلعوا شهر عسل.. واحد مصري معاه اقامة كندية وولاده كنديين وله ابن مقيم في امريكا .. نسبة الرفض دلوقتي كبيرة بالرغم من اكتمال الاوراق والرصيد الكبير وخطاب تعريف براتب محترم.. لو شم بس ريحة حمل او نية حمل هتترفضوا .. خليكي تلقائية وربنا معاكم
E
Elsa Oda
:: مسافر ::
متقوليش انك رايحه تولدي والباسبور ابيض عادي ممكن تصرب معاكي وتقولي انك رايحه سياحه ومعندكيش قرايب لو جوزك عنده فندق وحجز طيران هيساعده كتير ف المقابله وكشف حسابه ممكن يشوفه وممكن لا كله حظ لما تعدي من المقابله
سفرك بلبس واسع واحتياطي معاكي ورقه من الدكتور انك مسموحلك تسافري
المستشفي لازم تدفع ولو خدتي تامين احتمال متدخليش امريكا تاني
ا
سفرك بلبس واسع واحتياطي معاكي ورقه من الدكتور انك مسموحلك تسافري
المستشفي لازم تدفع ولو خدتي تامين احتمال متدخليش امريكا تاني
ا