A
Ahmed Suliman
:: مسافر ::
اسبانيا اليوم الثالث
بما ان فيه ناس كتير مش بتقدر تشوف الفديوهات اللي فاتت عشان النت
فانا هحل المشكله دي بأني هحكي برنامج الرحله يوم بيوم
هنبدا باليوم الثالث لان ده الجزء اللي منزلوش فيديو و لو عايز تشوف الفديوهات ادخل علي هشتاج mr_sully_brothers# او على قناتي على youtube و ان شاء الله كمان بجانب الفديوهات هكتب الي اتقال فيها عشان الي النت ضعيف عنده ، ولو عجبك المقال و استفدت متنساش الايك و الشير و الكومنت
اليوم الثالث
1. الفطار 12 يورو في الفندق (حاجه بجد فوق الروعه و صورتها في فديو اليوم الاول ) و هنا بقي النصيحه الاخويه مني ليك .. انت هيبقي قدامك يوم كله حركه و مجهود و اسبانيا فعلا حرر جداا عكس اي بلد انا رحتها . فلازم قبل ان تغادر الفندق الشنطه بتاعتك فيها مياه شرب و موز صدقني ساعه او ساعتين و هتتعب و هتحتاج تاكل او تشرب فتقعد تدور علي مطعم و تضيع في وقت غير ان الشعور بالتعب بيضيع المتعه .
2. طبعا الباص السياحي خلص لانه كان يومين بس فكان اليوم الثالث معتمد علي التنقل ب (holla barcelona ) و بما ان الباص السياحي لف بيا كل برشلونه و شوفتها كلها حرفيا .فقررت اروح علي رجلي الاماكن الي عجبتني ❤ فكانت اول محطه هيا ( diagonal) علي خط مترو (3L الاخضر) .
هتنزل فيها بمجرد متطلع هتلاقي اول معلم روحته في اليوم الثالث و هو( كازا ميلا casa mila) بيت كده علي شكل امواج لمهندس اسباني شهير هو اساسا الي صمم معظم معالم برشلونه (انتوني جويل) و بعد كده في نفس الشارع هتمشي حوالي (500 متر) هتلاقي مبني تاني نفس المواصفات بس اسمه (pg.de gracia) نيجي في المهم بقي دخول المبني الاول بي (22 يورو) و لو مش عايز تقف في طبور يبقي (29 يورو) اما المبني التاني دخوله( 23 يورو لو اونلاين تذكره او 28 يورو لو شريها من المبني نفسه)علي فكره الاسعار للبالغين و فيه اسعار للاطفال و كبار السن ،، انا كاحمد ولا دخلت ديه ولا ديه و كان كفايه جداا عليه اني اتصور قدمهم لان مفهمش حاجه تستاهل المبالغ ديه الصراحه .
3. قعدت ماشي لغايت ساحه كاتالونيا و خدت المترو من هناك عشان اروح محطه( arc de triomf) علي خط( L1 احمر) عشان اروح قوس النصر الاسباني .( هتنزل من المحطه هتلقيه في وشك
.
4. جعان فكانت افضل المطاعم بنسبالي الي كانت تحت مسمي wok عباره عن بوفيه مفتوح تاكل برحتك و الاسعر بتختلف علي حسب جودت الاكل يعني مثلا اكلت مره ب 16 يورو و مره بي 10 يورو و الاختلاف كان واضح جدااا .
5. خدت المترو القريب ليه و نزلت محطه( espanya) رابطه الثلاث خطوط مع بعضها،، و ديه فيها ايه بقي فيها اول حاجه المتحف الاسباني و ثاني حاجه النافورة السحريه (ايوة اسمها كده) الي انا جاي اصلا عشان اشوفها لانها بتفتح الساعه 9 و نص بليل و مبني اسمه arena المبني ديه تقدر تطلع علي السطح بتاعه و تشوف النفوره السحريه و برشلونه من فوق . فانا عملت ايه طلعت المبني (1 يورو لو عايز تطلع باسنسير ) و قعدت مستني النفوره و بعد كده نزلت لما اشتغلت ورحنا هناك ورقصنا و سمعنا الاغاني و كان مكان تحفه لان الناس كلها كانت متجمعه ❤
6. اخر اليوم طبعا لازم اودع برشلونه باني امشي في اشهر شارع فيها اسمه la ramball و انهي اليوم في الساحه الكاتلونيه
اليوم مكلفنيش كتير خالص تقريبا الاكل بس .❤
هكتب بوست عن اليوم الاول و الثاني بجانب ان نزلتلهم فديوهات ❤
و هكتب عن بلدان اخري بنفس الطريقه .
ملحوظه : الوصول لمطار سهل جدااا عن طريق خط (L9 البرتقالي) و طبعا (holla barcelona ) شامله الذهاب للمطار .
اتمني قدرت افيدكم ❤
#mr_sully_brothers
instagram : aahmedsuliman
بما ان فيه ناس كتير مش بتقدر تشوف الفديوهات اللي فاتت عشان النت
فانا هحل المشكله دي بأني هحكي برنامج الرحله يوم بيوم
هنبدا باليوم الثالث لان ده الجزء اللي منزلوش فيديو و لو عايز تشوف الفديوهات ادخل علي هشتاج mr_sully_brothers# او على قناتي على youtube و ان شاء الله كمان بجانب الفديوهات هكتب الي اتقال فيها عشان الي النت ضعيف عنده ، ولو عجبك المقال و استفدت متنساش الايك و الشير و الكومنت
اليوم الثالث
1. الفطار 12 يورو في الفندق (حاجه بجد فوق الروعه و صورتها في فديو اليوم الاول ) و هنا بقي النصيحه الاخويه مني ليك .. انت هيبقي قدامك يوم كله حركه و مجهود و اسبانيا فعلا حرر جداا عكس اي بلد انا رحتها . فلازم قبل ان تغادر الفندق الشنطه بتاعتك فيها مياه شرب و موز صدقني ساعه او ساعتين و هتتعب و هتحتاج تاكل او تشرب فتقعد تدور علي مطعم و تضيع في وقت غير ان الشعور بالتعب بيضيع المتعه .
2. طبعا الباص السياحي خلص لانه كان يومين بس فكان اليوم الثالث معتمد علي التنقل ب (holla barcelona ) و بما ان الباص السياحي لف بيا كل برشلونه و شوفتها كلها حرفيا .فقررت اروح علي رجلي الاماكن الي عجبتني ❤ فكانت اول محطه هيا ( diagonal) علي خط مترو (3L الاخضر) .
هتنزل فيها بمجرد متطلع هتلاقي اول معلم روحته في اليوم الثالث و هو( كازا ميلا casa mila) بيت كده علي شكل امواج لمهندس اسباني شهير هو اساسا الي صمم معظم معالم برشلونه (انتوني جويل) و بعد كده في نفس الشارع هتمشي حوالي (500 متر) هتلاقي مبني تاني نفس المواصفات بس اسمه (pg.de gracia) نيجي في المهم بقي دخول المبني الاول بي (22 يورو) و لو مش عايز تقف في طبور يبقي (29 يورو) اما المبني التاني دخوله( 23 يورو لو اونلاين تذكره او 28 يورو لو شريها من المبني نفسه)علي فكره الاسعار للبالغين و فيه اسعار للاطفال و كبار السن ،، انا كاحمد ولا دخلت ديه ولا ديه و كان كفايه جداا عليه اني اتصور قدمهم لان مفهمش حاجه تستاهل المبالغ ديه الصراحه .
3. قعدت ماشي لغايت ساحه كاتالونيا و خدت المترو من هناك عشان اروح محطه( arc de triomf) علي خط( L1 احمر) عشان اروح قوس النصر الاسباني .( هتنزل من المحطه هتلقيه في وشك
.
4. جعان فكانت افضل المطاعم بنسبالي الي كانت تحت مسمي wok عباره عن بوفيه مفتوح تاكل برحتك و الاسعر بتختلف علي حسب جودت الاكل يعني مثلا اكلت مره ب 16 يورو و مره بي 10 يورو و الاختلاف كان واضح جدااا .
5. خدت المترو القريب ليه و نزلت محطه( espanya) رابطه الثلاث خطوط مع بعضها،، و ديه فيها ايه بقي فيها اول حاجه المتحف الاسباني و ثاني حاجه النافورة السحريه (ايوة اسمها كده) الي انا جاي اصلا عشان اشوفها لانها بتفتح الساعه 9 و نص بليل و مبني اسمه arena المبني ديه تقدر تطلع علي السطح بتاعه و تشوف النفوره السحريه و برشلونه من فوق . فانا عملت ايه طلعت المبني (1 يورو لو عايز تطلع باسنسير ) و قعدت مستني النفوره و بعد كده نزلت لما اشتغلت ورحنا هناك ورقصنا و سمعنا الاغاني و كان مكان تحفه لان الناس كلها كانت متجمعه ❤
6. اخر اليوم طبعا لازم اودع برشلونه باني امشي في اشهر شارع فيها اسمه la ramball و انهي اليوم في الساحه الكاتلونيه
اليوم مكلفنيش كتير خالص تقريبا الاكل بس .❤
هكتب بوست عن اليوم الاول و الثاني بجانب ان نزلتلهم فديوهات ❤
و هكتب عن بلدان اخري بنفس الطريقه .
ملحوظه : الوصول لمطار سهل جدااا عن طريق خط (L9 البرتقالي) و طبعا (holla barcelona ) شامله الذهاب للمطار .
اتمني قدرت افيدكم ❤
#mr_sully_brothers
instagram : aahmedsuliman