A
Ahmed Rashed El-Raggal
:: مسافر ::
اندونيسيا (Indonesia)
من دول جنوب شرق آسيا بين ماليزيا و استراليا . أفضل وقت للسفر ليها في وقت الصيف . علشان طبيعة جوها الاستوائي بتمطر في أي وقت بس بيبقي بشكل اققل جدا ما بين شهر 6 لأول شهر 10 فده يعتبر أفضل وقت للسفر .
بتحتاج تصريح امني لو في مصر من سن 18-40 لو مكتوب في جواز السفر طالب او كدا . لكن لو عندك مؤهل عالي زاي مهندس , دكتور ... , يبقي مش حتحتاجوا حاجة , علشان متضيعوش كام يوم من عمركم زايي بتلفوا علي شوية ورق .
============
العملة (الروبية)
============
بتبدأ 1000 روبية .
1000
5000
10,000
50.000
100,000
الدولار الواحد 1$ = 13,000 روبية
========
المواصلات
========
بالنسبة للمواصلات هناك فيه طرق كتير , اولها ال Taxi اسمه Bluebird في العاصمة جاكرتا . ده أول خيار آمن من الوصول المطار لان العداد شغال و سعره متوسط . متوسط تكلفة النقل لوسط العاصمة حوالي 150,000 روبية , 10~20$
تاني حاجة هي جراب (Grab) يعتبر زاي Uber كدا و ديه اشهر حاجة هناك , ممكن Grab motocycle بيبقي اسرع شوية في التنقل لو بشكل فردي او Grab car ارخص شوية من ال Taxi ال Bluebird .
تالت حاجة المواصلات الحكومية (Busway )
عبارة عن باص مكيف كبير ليه محطات بيقف فيها و كل باص ليه وجهة محددة , الميزه انه ليه طريق مخصص المفروض مش بيخش في اي عربية تانية . يعتبر زاي القطر كدا بس علي شكل باص . تكلفتها 3,500 روبية لاي وجهة بس مش موجود غير في العاصمة .
احسن حاجة ان شركة Transjakarta الي ماسكة ال Busway متعاونة مع Google maps بحيث انك لو عاوز تروح اي حته كل ما عليك انك تختار ال Destination و هو يقولك اققرب محطة ليك و ايه رقم الباص الي حتختاره .
وسائل تانية زاي تأجير الموتوسيكل متاح جدا او عربية لو حتقعد فترة في مكان معين , و بتسهل التنقلات برا .
=========
اهم الوجهات
=========
Jakarta (Capital) :
==========
-Ancol-
فيها حاجتين
Ancol seaworld
متحف مائي مفتوح فيه عروض كتييرة للاسماك
تذكرة حوالي 300,000 روبية
Dunia fantasi
ملاهي مفتوحة تجرب فيها كل حاجة
تذكرة حوالي 300,000 روبية
-Taman mini
عبارة عن حديقة ضخمة فيها امكان مصغرة لكل جزيرة في اندونيسيا كلها , كل مكان بيعملوا فيه بيت علي الطراز بتاعة الجزيرة الاصلية و لبسهم و معابدهم .
جواها برضوا فيها حديقة للطيور فيها انواع كتييرة جدا و فيه اماكن تتصور معاهم .
-National Monument
عبارة عن حديقة فيها برج ضخم طوله 132 متر متغطي بالذهب رمز استقلال اندونيسيا من الاحتلال الهولاندي ممكن تطلع فيه هناك فوق و ب حوالي 20,000 روبية
-Istiqlal mosque
اكبر جامع في جنوب شرق آسيا
Gereja Katedral Jakarta
كتدرائية جاكرتا بجانب مسجد الاستقلال
-برا العاصمة افضل مكان يتزار للسياح هي جزيرة بالي و الشوطيء و المعابد بتاعتها
الجبال و البراكين و الشلالات في كل مكان . اندونيسيا عبارة عن طبيعة و ارض واسعة جدا لا تنتهي . يعني مفيش مكان محدد يتراح لانه في كل مكان الطبيعة و الجبال و مزارع الشاي موجودة , بتبقي علي حسب المكان القريب منك تدور ايه اققرب فيه بركان/شلالات/حدائق
جبال Puncak (بونشاك) افضل مكان يتزار و براكين Pandung و شلالات Lembang و Taman safari indonesia التذكرة 250,000~300,000
عبارة عن سفاري كبيرة جدا في Bogor بتدخل بالعربية و الحيوانات بتبقي برا الاقفاص .
========
الشراء
========
استغربت من عدد المولات في العاصمة جاكرتا دورت علي النت ولاقيت فيه اكتر من 100 mall , بدون مبالغة حوالي mall كل كيلوا متر . المولات ضخمة جداا اكبر من اي مول شفته في حياتي. فيه كل شيء ممكن تتخيلوه . علشان كدا لو رحتوا اندونيسيا خصصوا بعض الوقت للشراء . بطبيعة اي مكان لانك سائح بيحاولوا يغلوا الاسعار شوية , علشان كدا الفصال اسلوب حياة ان مكانش الفصال في اندونيسيا اسهل حاجة تتعمل . بدل ما تشتري الحاجة ب 150,000 تخليها ب 100,000 معظم الوقت بيوافقوا من اول كلمه
بجانب المولات ال Supermarket فيه اتنين Alphamart و indomart
عبارة عن Hypermarket صغير زاي كارفور كدا بس كل 100~500 متر .
======
الاكل
======
-الاكل عليه علامة تعجب كبيرة . الاكل في اندونيسيا أو آسيا عموما فيه كل شيء غريب . المسكر بيتحط علي الحادق علي شوية شطة . تقريبا اي اكل بيبقي فيه نسبة سكر و شطة من فوق و فيه مطاعم يبانيه و صينية كتيير . الاسامي متنتهيش فالتجربة بتبقي عليكم .
-الفواكه اشكال و الوان بطبيعة الجو الاستوائي الموز و المانجا و الاناناس لازم تجربوا كل حاجة . فيه حجات لازم تتجرب زاي ال salak , Dragon fruit , Durrian , rambutan
و طبعا اساس الاندومي هناك
==========
نصائح
==========
-الجو حر و الرطوبة عالية جدا هناك , الماية لازم تتشرب باستمرار بدون مبالغة .
-اعمل حسابك في بعض من الفكة 500~1000 علي طول في جيبك
تديهم للسايس (آه متستغربش فيه سايس هناك )
او بعض الخدمات زاي الحمامات و بعض الناس بيبقي معاهم جيتار او بيغنوا و مش سايبينك في حالك علشان تتجنب بعض الاحراج
-الحياة بتنتهي تقريبا في معظم الاماكن علي المغرب و المتاحف و الحدائق علي الساعة 4:00. باليل خدمات كتيير مبتبقاش موجودة و محدش يستغرب لما يلاقي مول طويل عريض بيقفل الساعة 5:00 . فلازم الصحيان بدري علشان الحياة بتبتدي بعد الفجر .
==========
اللغة و التواصل
==========
-اللغة الاساسية هي اللغة الاندونيسية , قليل الي بيتكلموا انجليزي و فيه بيتكلم كام كلمة عربي بطبيعة ان اندونيسيا بلد فيها 200 مليون مسلم (اكبر بلد مسلمة في العالم) بجانب المذهب الكاثوليكي و البوذية و الهندويسية .
-اتعلملك كام كلمة حتستخدم كتير قبل ما تزورها هناك
زاي الارقام مثلا علشان الاسعار
و اكتر كلمه حتستخدمها هي Terima kasih بمعني شكرا (Thank you )
-شعب اندونيسيا شعب محترم و طيب جدا , بيحبوا يضحكوا في وش بعض و بيحبوا السياح , مفيش مكان تقريبا رحته غير لما ناس طلبوا يتصوروا و يلاحظوا فرق الطول و يضحكوا (صح نسيت اققول انهم قصيرين و سمر شوية )
من دول جنوب شرق آسيا بين ماليزيا و استراليا . أفضل وقت للسفر ليها في وقت الصيف . علشان طبيعة جوها الاستوائي بتمطر في أي وقت بس بيبقي بشكل اققل جدا ما بين شهر 6 لأول شهر 10 فده يعتبر أفضل وقت للسفر .
بتحتاج تصريح امني لو في مصر من سن 18-40 لو مكتوب في جواز السفر طالب او كدا . لكن لو عندك مؤهل عالي زاي مهندس , دكتور ... , يبقي مش حتحتاجوا حاجة , علشان متضيعوش كام يوم من عمركم زايي بتلفوا علي شوية ورق .
============
العملة (الروبية)
============
بتبدأ 1000 روبية .
1000
5000
10,000
50.000
100,000
الدولار الواحد 1$ = 13,000 روبية
========
المواصلات
========
بالنسبة للمواصلات هناك فيه طرق كتير , اولها ال Taxi اسمه Bluebird في العاصمة جاكرتا . ده أول خيار آمن من الوصول المطار لان العداد شغال و سعره متوسط . متوسط تكلفة النقل لوسط العاصمة حوالي 150,000 روبية , 10~20$
تاني حاجة هي جراب (Grab) يعتبر زاي Uber كدا و ديه اشهر حاجة هناك , ممكن Grab motocycle بيبقي اسرع شوية في التنقل لو بشكل فردي او Grab car ارخص شوية من ال Taxi ال Bluebird .
تالت حاجة المواصلات الحكومية (Busway )
عبارة عن باص مكيف كبير ليه محطات بيقف فيها و كل باص ليه وجهة محددة , الميزه انه ليه طريق مخصص المفروض مش بيخش في اي عربية تانية . يعتبر زاي القطر كدا بس علي شكل باص . تكلفتها 3,500 روبية لاي وجهة بس مش موجود غير في العاصمة .
احسن حاجة ان شركة Transjakarta الي ماسكة ال Busway متعاونة مع Google maps بحيث انك لو عاوز تروح اي حته كل ما عليك انك تختار ال Destination و هو يقولك اققرب محطة ليك و ايه رقم الباص الي حتختاره .
وسائل تانية زاي تأجير الموتوسيكل متاح جدا او عربية لو حتقعد فترة في مكان معين , و بتسهل التنقلات برا .
=========
اهم الوجهات
=========
Jakarta (Capital) :
==========
-Ancol-
فيها حاجتين
Ancol seaworld
متحف مائي مفتوح فيه عروض كتييرة للاسماك
تذكرة حوالي 300,000 روبية
Dunia fantasi
ملاهي مفتوحة تجرب فيها كل حاجة
تذكرة حوالي 300,000 روبية
-Taman mini
عبارة عن حديقة ضخمة فيها امكان مصغرة لكل جزيرة في اندونيسيا كلها , كل مكان بيعملوا فيه بيت علي الطراز بتاعة الجزيرة الاصلية و لبسهم و معابدهم .
جواها برضوا فيها حديقة للطيور فيها انواع كتييرة جدا و فيه اماكن تتصور معاهم .
-National Monument
عبارة عن حديقة فيها برج ضخم طوله 132 متر متغطي بالذهب رمز استقلال اندونيسيا من الاحتلال الهولاندي ممكن تطلع فيه هناك فوق و ب حوالي 20,000 روبية
-Istiqlal mosque
اكبر جامع في جنوب شرق آسيا
Gereja Katedral Jakarta
كتدرائية جاكرتا بجانب مسجد الاستقلال
-برا العاصمة افضل مكان يتزار للسياح هي جزيرة بالي و الشوطيء و المعابد بتاعتها
الجبال و البراكين و الشلالات في كل مكان . اندونيسيا عبارة عن طبيعة و ارض واسعة جدا لا تنتهي . يعني مفيش مكان محدد يتراح لانه في كل مكان الطبيعة و الجبال و مزارع الشاي موجودة , بتبقي علي حسب المكان القريب منك تدور ايه اققرب فيه بركان/شلالات/حدائق
جبال Puncak (بونشاك) افضل مكان يتزار و براكين Pandung و شلالات Lembang و Taman safari indonesia التذكرة 250,000~300,000
عبارة عن سفاري كبيرة جدا في Bogor بتدخل بالعربية و الحيوانات بتبقي برا الاقفاص .
========
الشراء
========
استغربت من عدد المولات في العاصمة جاكرتا دورت علي النت ولاقيت فيه اكتر من 100 mall , بدون مبالغة حوالي mall كل كيلوا متر . المولات ضخمة جداا اكبر من اي مول شفته في حياتي. فيه كل شيء ممكن تتخيلوه . علشان كدا لو رحتوا اندونيسيا خصصوا بعض الوقت للشراء . بطبيعة اي مكان لانك سائح بيحاولوا يغلوا الاسعار شوية , علشان كدا الفصال اسلوب حياة ان مكانش الفصال في اندونيسيا اسهل حاجة تتعمل . بدل ما تشتري الحاجة ب 150,000 تخليها ب 100,000 معظم الوقت بيوافقوا من اول كلمه
بجانب المولات ال Supermarket فيه اتنين Alphamart و indomart
عبارة عن Hypermarket صغير زاي كارفور كدا بس كل 100~500 متر .
======
الاكل
======
-الاكل عليه علامة تعجب كبيرة . الاكل في اندونيسيا أو آسيا عموما فيه كل شيء غريب . المسكر بيتحط علي الحادق علي شوية شطة . تقريبا اي اكل بيبقي فيه نسبة سكر و شطة من فوق و فيه مطاعم يبانيه و صينية كتيير . الاسامي متنتهيش فالتجربة بتبقي عليكم .
-الفواكه اشكال و الوان بطبيعة الجو الاستوائي الموز و المانجا و الاناناس لازم تجربوا كل حاجة . فيه حجات لازم تتجرب زاي ال salak , Dragon fruit , Durrian , rambutan
و طبعا اساس الاندومي هناك
==========
نصائح
==========
-الجو حر و الرطوبة عالية جدا هناك , الماية لازم تتشرب باستمرار بدون مبالغة .
-اعمل حسابك في بعض من الفكة 500~1000 علي طول في جيبك
تديهم للسايس (آه متستغربش فيه سايس هناك )
او بعض الخدمات زاي الحمامات و بعض الناس بيبقي معاهم جيتار او بيغنوا و مش سايبينك في حالك علشان تتجنب بعض الاحراج
-الحياة بتنتهي تقريبا في معظم الاماكن علي المغرب و المتاحف و الحدائق علي الساعة 4:00. باليل خدمات كتيير مبتبقاش موجودة و محدش يستغرب لما يلاقي مول طويل عريض بيقفل الساعة 5:00 . فلازم الصحيان بدري علشان الحياة بتبتدي بعد الفجر .
==========
اللغة و التواصل
==========
-اللغة الاساسية هي اللغة الاندونيسية , قليل الي بيتكلموا انجليزي و فيه بيتكلم كام كلمة عربي بطبيعة ان اندونيسيا بلد فيها 200 مليون مسلم (اكبر بلد مسلمة في العالم) بجانب المذهب الكاثوليكي و البوذية و الهندويسية .
-اتعلملك كام كلمة حتستخدم كتير قبل ما تزورها هناك
زاي الارقام مثلا علشان الاسعار
و اكتر كلمه حتستخدمها هي Terima kasih بمعني شكرا (Thank you )
-شعب اندونيسيا شعب محترم و طيب جدا , بيحبوا يضحكوا في وش بعض و بيحبوا السياح , مفيش مكان تقريبا رحته غير لما ناس طلبوا يتصوروا و يلاحظوا فرق الطول و يضحكوا (صح نسيت اققول انهم قصيرين و سمر شوية
)