عندي معاد مع سفارته اليونان بعد بكره وًعندي...

[Salma Zedan]

عندي معاد مع سفارته اليونان بعد بكره وًعندي سؤالين مهمين جدا: ١- دلوقتي ف الأوراق المطلوبه مكتوب حجز اوتيل مدفوع وًاقدملهم الوصل... ديه ليها حل؟ لو انا مش عايزه أحجز وًادفع دلوقتي .. السؤال التاني: بخصوص ال electronic visa لتركيا لو تدخل بالشجن بس انا حاجزه طيران ع شركه غير الشركات اللي محدودينها ورهسافر من مصر ل تركيا الاول، هتكون فيه مشكله؟

 

[Mahmoud El Tair]

عادي اي حجز انا جربتها كتير

 

[Hany Awad]

كلمى الفندق اللى حاجزة فيه و خليهم يبعتوا الورق المطلوب و اشرحي لهم الموقف.
بالنسبة لتركيا انا دخلت من غير ما حد يشوف التذكرة أساساً مرتين بس دة مش القاعدة دى تجربة شخصية .

 

[Ahmed Nagah]

ممكن حجز من علي booking من الي بيتلغي

 

[Shereen A. El]

طيب سؤال هى ماسادونيا تبع اليونان برضو ولا حاجه تانيه

 

[Hassan EL-Banna Mahmoud]

هو مافيش تعامل مع السفارة دلوقتي. مكتب VFS

 

[Hassan EL-Banna Mahmoud]

و اعتقد اذا طالعة من مصر لتركيا هاتحتاجي تصريح امني.

 

[Dina Raafat]

اعتقد التاشيره الالكترونيه كانت مصر للطيران و turkish airline بس لاكت nile air مينفعش و اتاكدي برضه ابعتلهم mail علشان فلوس التاشيره مضعش عليكي

 

[Ali Hussein]

Ahmed Refaat

 

[Tamer Mohamed]

احجز الفندق عن طريق booking.com عادى وخد print out بالحجز عادى

 

[Ahmed Abd El-Aziz]

اعمل حجز من علي موقع إكسبيديا و اعملي الدفع عند الوصول و لما هما بيتصلو بالفندق بياكدوا ان في حجز فعلا و بالنسبة للطيران ممكن تروحي تعملي حجز من اي شركة طيران باسمك و متدفعيش و و بيضون الحجز في خلال ٤٨ ساعة علي حسب شركة الطيران يعني لازم تعمليه و تقدميه قبل ما يكمل ٤٨ ساعة و تعملي طباعة ليهم و بتقدميهم و ان شاء الله خير

 

[Ahmed Soliman]

بالنسبه للتأشيرة الاليكترونيه فلها شروط ومن ضمن شروط استخرجها انك يلزم عليكي حجز على مصر للطيران او اي طيران تركي ولما تفتحي الموقع لإستخراج الفيزا هتلاقي الشروط ويجب انك تعلمي عليها عشان يفتح الصفحة التانيه وتعملي نكست

 

[Rock Pop]

في اي شركه سياحه محترمه..اختاري فندق رخيص و ادفعي و يكون في اوبشن الغاء بدون خصم قبل تاريخ معين او خصم ليله فقط و خدي الوصل و دا مضمون و الافضل و اتني جهزي اسماء فنادق رخيصه و ممكن تسالي بالتليفون الاول بيعنلوا فيها حجز او ﻷ..و الشركات عامه بيكون عندها قائمه بفنادق 3نجوم لكن علشان الشركه ما تخترش فندق غالي..بالتوفيق

 

[Tarek Mohamed]

علي حسب وضع اوراقك وتاشيراتك السابقة
انا واخد اليونان 7 مرات آخرهم من شهر
6 حجز فندق مؤقت واتقبلت برغم ان مطلوب الحجز مؤكد
آخر مرة حجزت مؤكد لانى كنت واخد الاولاد وكانت اول مرة ليهم شينجن واتقبلت

 

[Marwan Elshazly]

بالنسبه لحجز الاوتيل ف هما يقصدو انه يكون متاكد بس ومش شرط مدفوع وده سهل جدا من اى موقع حجز فنادق اونلاين زى Booking كده مثلا
سفر تركيا محتاج تصريح امنى لو مسافره طيران مباشر من مصر لتركيا وممكن تسافرى باى وسيله او شركه طيران مفيش مشكله اهم حاجه يكون معاكى التصريح الامنى وتكون الشنجن valid لنفس الوقت اللى هتسافرى فيه لتركيا

 

[Hadir Ali]

بالنسبه للفيزا الاليكترونيه عادى احجزى اى طيران مفيش اى مشكله كتير جدا سافروا علي نايل اير

 

[Remon Morkos]

مش شرط مدفوع والله يا جدعان مؤكد بس كفاية

 

[Sasso Hadad]

لو انتى فمصر اى شركة سياحة ممكن تعملك حجز فندق فيك وحجز طيران فيك برضوا كل الى بيقدموا للسفارات بيعملوا كدا وبعدين لما يتقبلوا يعدلوا الحجز الفيك لحجز جقيقى

 

[Ahmed Samour]

اهم حجز الاوتيل .حجز الاوتيل فيكي تدفعيه عن طريق البطاقة . بعد هيك فيكي تلغيه بس يكون مدفوع

 

[Hadeer Daeider]

حجز الفندق ممكن تروحى لاى شركه شياحه تعملك حجز مدفوع مش هتاخد منك كتير او ممكن تعملى حجز ع بوكينج وبعد كده تلغيه وتكلفى بالليله الاولى...ثانى حاجه التاشيره الالكترونيه لازم تحزى طيران ع التركيه او مصر للطيران بس دى من شروطها