ده بالنسبة للقاهرة
R
Reem El Shafie
:: مسافر ::
فسحه في النيل بمركب شراعي وسط الاسبوع وتطلع تتعشي في الحسين في الدهان أو العهد الجديد وتقعد تشرب شايك عالفيشاوي ده يوم
يوم تاني تروح شارع المعز وتحضر حفله من حفلات وزارة الثقافه للفلكلور الشعبي وتتعشي في أي حته قريبه
ممكن كمان تتغدي يوم عالنيل وتركب حنتور وتطلع علي مول العرب لو غاوي شوبنج
خان الخليلي كمان ممكن تروحه قبل الحسين ولازم تاكل ملوخيه وكشري وفته ولحمه وفول وطعميه والا تبقي مجتش مصر
يوم تاني تروح شارع المعز وتحضر حفله من حفلات وزارة الثقافه للفلكلور الشعبي وتتعشي في أي حته قريبه
ممكن كمان تتغدي يوم عالنيل وتركب حنتور وتطلع علي مول العرب لو غاوي شوبنج
خان الخليلي كمان ممكن تروحه قبل الحسين ولازم تاكل ملوخيه وكشري وفته ولحمه وفول وطعميه والا تبقي مجتش مصر
S
Sherif Galaxo
:: مسافر ::
يا جماعة انا ليا واحد صديقي مغربي اقسم بالله بيتكلم مصري احسن منكم كلكم, ويعرف عن مصر اللي مفيش حد فيكم يعرفه, وبتعلم منه الفاظ ومصطلحات اول مرة اسمع عنها, ويقولي اسأل ستك هتلاقيها عارفاها, وفعلا محدش يعرفها غير جدتي, المغاربة اسياد اللغة العربية واسياد اللهجات, متضايقوش الراجل بقى وخلوه ينبسط, وانا هظبط معاه واخده يوم افسحه في المنوفية ان شاء الله لو هيستنى ليوم 12/ اغسطس
M
Mohamed Marzouk
:: مسافر ::
بص يا عم أيوب 
ده برنامج فيه حاجات تقليدية وحاجات جديدة اختار انت بقا ولو عملت ده كله صدقني في مصريين عندهم 60 سنة مراحوش نص الاماكن دي
1/ معاك 3 أيام تلف فيهم القاهرة والجيزة كلهم او ممكن يومين
2/ يومين حلوين ف اسكندرية
3/ يومين ف مطروح وبعدها علي طول مش اقل من 3 ايام في سيوة لواحدها
4/ الأقصر وأسوان ولو مش هتقدر علي الاتنين بسبب الوقت ف هقولك المميز فيهم واختاره (الأقصر أثار وحضارة قديمة وحديثة .... أسوان أثار وبساطة وطيبة أهل وجمال النيل هناك والنوبة بعدها) (الاتنين مع بعض عايزين اسبوع)
5/ البحر الأحمر بقا عليك وعلي جنوب سينا (شرم - دهب - طابا - كاترين) - بره سيناء بقا عليكوعلي الغردقة وسهل حشيش (شرم او الغردقة 3 أيام عليهم حلوين لو هتلف مع شرم باقي المدن اللي كتبهالك دي ف 6 ايام او اسبوع)
أهتم بسيوة لانها جو تاني خالص وكمان الاقصر واسوان لان جمال البحر سواء شرم او الغردقة ف المغرب معروفة بجمال شواطئها والسياحة فيها ف ممكن تتغاضي عن البحر الاحمر لو عايز حاجات جديدة تماما عن المغرب واي استفسار بقا بخصوص المواصلات او كل ده انا معاك (هرشدك علي اعلي واقل الاسعار وهقولك اماكن الركوب كمان احنا بنحب الناس اللي من المغرب كلهم ونحب نساعدهم كمان ♥)
ده برنامج فيه حاجات تقليدية وحاجات جديدة اختار انت بقا ولو عملت ده كله صدقني في مصريين عندهم 60 سنة مراحوش نص الاماكن دي
1/ معاك 3 أيام تلف فيهم القاهرة والجيزة كلهم او ممكن يومين
2/ يومين حلوين ف اسكندرية
3/ يومين ف مطروح وبعدها علي طول مش اقل من 3 ايام في سيوة لواحدها
4/ الأقصر وأسوان ولو مش هتقدر علي الاتنين بسبب الوقت ف هقولك المميز فيهم واختاره (الأقصر أثار وحضارة قديمة وحديثة .... أسوان أثار وبساطة وطيبة أهل وجمال النيل هناك والنوبة بعدها) (الاتنين مع بعض عايزين اسبوع)
5/ البحر الأحمر بقا عليك وعلي جنوب سينا (شرم - دهب - طابا - كاترين) - بره سيناء بقا عليكوعلي الغردقة وسهل حشيش (شرم او الغردقة 3 أيام عليهم حلوين لو هتلف مع شرم باقي المدن اللي كتبهالك دي ف 6 ايام او اسبوع)
أهتم بسيوة لانها جو تاني خالص وكمان الاقصر واسوان لان جمال البحر سواء شرم او الغردقة ف المغرب معروفة بجمال شواطئها والسياحة فيها ف ممكن تتغاضي عن البحر الاحمر لو عايز حاجات جديدة تماما عن المغرب
واي استفسار بقا بخصوص المواصلات او كل ده انا معاك (هرشدك علي اعلي واقل الاسعار وهقولك اماكن الركوب كمان احنا بنحب الناس اللي من المغرب كلهم ونحب نساعدهم كمان ♥)
J
Jana Joluo
:: مسافر ::
سيبك من الاهرامات و ابو الهول و المتاحف و برج القاهره و الحاجات اللى الشباب كبر دماغه منها خالص و كمان انت جاى فى وقت فله الجو حر صهض ناااااااار هتجيلك ضربه شمس لو فكرت تنزل الصبح و اعمل حسابك خروجاتك من بعد 5 العصر كده يعنى اسهر طول الليل و نام طول النهار فى اماكن شعبيه حلوه زى زينب خاتون و شارع المعز هيعجبوك اوى و نصيحه لازم تسافر بره القاهره ممكن تروح اسكندريه فى الوقت ده مش زحمه و هتعجبك و شرم و الغردقه حلوه اكتر فى الشتاء فى الوقت ده هتكون حر
I
Ibrahim Ahmed Shabana
:: مسافر ::
الناس كلها بتقوله الاقصر اسوان غردقة شرم وساحل ومطروح وسيوه وصحرا بيضا وصحرا حمرا ومتاحف ونيل وهرم ... محدش قاله إزاي وبكم ؟!
أيوه سحييييح ... بكم يا Ayoub :-D
؟
معاك كم يابني ؟
هو ده اللي يترتب عليه برنامجك ... ممعاكش مش مهم إقطع تذكرتك وتعالى ... بيوتنا وجيوبنا مفتوحالك يابرنس ♥
أيوه سحييييح ... بكم يا Ayoub :-D
؟
معاك كم يابني ؟
هو ده اللي يترتب عليه برنامجك ... ممعاكش مش مهم إقطع تذكرتك وتعالى ... بيوتنا وجيوبنا مفتوحالك يابرنس ♥