H
Hazem Badr
:: مسافر ::
السلام عليكم يا شباب
فى اكتوبر الماضى عملت رحلة كومبو
شملت ٦ دول : ماليزيا وكوريا والصين وهونج كونج وتايلاند وتركيا لمدة ٣٢ يوم وهاتكلم زى ما اقترح الادمن العزيز معتز عن التاشيرات وتذاكر الطيران والفنادق والمزارات السياحية المهمة ... اربطو الاحزمة واستعدوا للاقلاع
التأشيرات:
- ماليزيا وكوريا وهونج كونج بدون تاشيرات للمصريين وان كان فيه بعض التدقيق مع المصريين فى كوريا واقل منه فى هونج كونج وهاتكلم بالتفصيل عن كل حالة
- فيزا تركيا اخدتها اون لاين لانى اكبر من ٤٥ سنة ولو انت اقل من ٢٠ سنة او معاك فيزا شنجن او امريكا ممكن تعمل فيزا تركيا اون لاين برضه وبدون اى اوراق لا تذكرة ولا فندق ولا حساب بنكى ... بس هناك فى المطار ممكن يسالك عن تذكرة العودة وحجز الفندق
- فيزا تايلاند بتطلع بعد ٤٨ ساعة من سفارتها فى الدقى وبتكتب الابليكشن اون لاين وتطبعها وترفق معاها كشف حساب بنكى لمدة ٣ شهور وخطاب من جهة العمل وتذكرة طيران مبدأية وحجز فندق باسم المسافر وصورتين خلفية بيضاء وطبعا جواز السفر
- نفس الاوراق بتاعت تايلند قدمت بيها قنصلية الصين فى اسكندرية بس كنت عامل كشف الحساب لمدة ٦ شهور والابليكشن بتكتبها يدوى فى القنصلية وبتطلع خلال ١٠ ايام او تلات ايام او فى نفس اليوم لو دفعت رسوم زيادة
التصريح الامنى:
انا ماليش تصريح امنى لانى عديت ال ٤٠ سنة وبيفرق التصريح الامنى من دولة للتانية ومن مهنة لاخرى وهتلاقوا هنا فى الجروب موضوعات كتير عن التصريح الامنى.
ترتيب الرحلة وتذاكر الطيران :
رتبت المدن طبقا لحاجتين: الاولى الطيران الارخص والتانية انى رتبتهم مدينة رخيصة وراها مدينة غالية وهكذا عشان اقدر اتحكم فى المصاريف والعملية ما تضربش منى
حجزت للرحلة دى خمس تذاكر :
التكت الاول على التركية من القاهرة لكوالالمبور والعودة من بانكوك لاسطنبول ثم العودة من اسطنبول للقاهرة (كل دى تكت واحدة كان سعرها اون لاين ٥٨٥ دولار وانا اشتريتها من مكاتب الطيران اللى فى التحرير ب ٥٢٠٠ جنيه مصرى ساعتها)
انطلقت من القاهرة يوم الجمعة سبعة اكتوبر على التركية وعملت ترانزيت فى اسطنبول اقل من ساعتين وركبنا تانى الى كوالالمبور فى رحلة طيران لمدة عشر ساعات وهنا فيه ملاحظتين الاماراتية افضل كتير من التركية من حيث الراحة فى الطيارة كمان المدة من دبى لكوالالمبور حوالى سبع ساعات طيران فبالتالى الافضل الى ماليزيا الطيران الخليجى لانه افخم واقل وقتا ومن افضل الشركات الخليجية الاماراتية والقطرية
وصلت مطار كوالالمبور السبت قبل المغرب والتعامل فى مطار كوالالمبور سلس جدا ما فيش فيه اى تعقيدات ومن المطار الى المدينة عندك عدة اختيارات
التاكسى بحوالى ٨٠-١٠٠ رنجت
جراب كار بحوالى ٦٠ رنجت
القطار الى KL Sentral ب ٥٠ رنجت
الباص الى KL Sentral ب ١٠ رنجت
نزلت فى هوستل قريب من محطة المترو بازار سينى اللى هى على بعد محطة واحدة من السنترال وكان موقعه نموذجى قريب من كل المعالم الهامة اسمه ترافل هوب من موقع بوكينج
اهم المزارات فى كوالالمبور:
طبعا ناس كتير جدا اتكلمت عن كوالا وماليزيا وعشان كده هاقول عناوين بس
- البرجين التؤام ومول سوريا
-برج المنارة
-شارع العرب
حديقة الطيور
سنترال ماركت
تشاينا تاون
جنتنج هايتس
كاميرون هايتس
وطبعا لو عندك وقت اطول فى ماليزيا ممكن تزور بينانج ولنكاوى ومالكا
الاكل فى كوالالمبور
الاكل الاسيوى عموما مش مستساغ لنا لكن الافضل هو الاكل التايلندى وانا كنت فى الاغلب باكل سى فود وباكل فى فود كورت بتاع مول سوريا اللى تحت البرجين التؤام
التكت التانية من كوالالمبور لسول على اير اسيا ودى حجزتها من كوالالمبور ب ١٢٥ دولار بدون شنط ولا وجبة وكان معادها يوم الخميس ١٣ اكتوبر الساعة ٨ صباحا من المطار الاقتصادى فى كوالا KLIA2 وخرجت من الهوستل الساعة ٤.٥ الفجر وركبت تاكسى ب ١٠ رنجت للسنترال واخدت الباص للمطار الاقتصادى ب ١١ رنجت الساعة ٥ وصل حوالى ٦ وركبت اير اشيا لمدة ٦ ساعات لحد سول
وصلت مطار انشن بسول الساعة ٣ العصر وفى المطار استقبلونى استقبال حافل غالبا لانى مصرى واخدونى لصالة وعملوا معايا زى انترفيو بتاع السفارة وجاى ليه وهتروح فين وشافوا تذكرة العودة وحجز الفندق وبعدين اعتذروا لى وختموا لى دخول لمدة شهر واشتريت كارت المواصلات من المطار ب ٦٠٠٠ وون كورى وشحنته ب ١٠٠٠٠ وون وركبت القطار وبعدين المترو لحد الهوستل الجميل "كيمتشى"
كوريا ابهرتنى الحقيقة تحس انك فى اوروبا مش اسيا ... شوارع جميلة جدا ومحلات عالمية وشبكة مترو عظيمة وحديثة افضل من مترو باريس ... باصات جميلة ومناطق سياحية وشوبنج رائعة فى ايتايوان ودونج ميونج وغيرها كتير وممكن ابقى انزل لكم ملف عن اشهر الاماكن السياحية فى كوريا
اهم المزارات فى سول وكوريا:
برج ان سول الجميل
القصور الامبراطورية
منطقة التسوق دونج ميونج واللى فيها مسرح العرض الكورى الشهير نانتا
منطقة ايتاوان السياحية واللى فيها المركز الاسلامى والمطاعم الحلال ومناطق الشوبنج
رحلة المنطقة العازلة بين الكوريتين
التكت الثالث كنت حاجزه اون لاين على طيران جنوب الصين من سول لبكين يوم الثلاثاء ١٨ اكتوبر الساعة ١٢ الظهر من مطار جيمبو واللى لا يقل عن مطار انشن الرائع
وصلت بكين الساعة ٣ العصر وزى ما كان التعامل راقى جدا فى القنصلية الصينية كان برضه فى مطار بكين واستغرق الدخول دقائق قليلة وبرضه اشتريت كارت المواصلات ب ٢٥ يوان وشحنته ب ٥٠ يوان من المطار وسحبت فلوس صينى من المكنة بالكريدت كارد بس خدو بالكم مش كل المكن بيشتغل مع الكروت المصرية وركبت القطار برضه لقلب بكين وبعدين المترو لهوستل "دراجون" فى بكين القديمة
اشه ر المزارات فى بكين:
طبعا رحلة سور الصين العظيم
رحلة معالم بكين (ميدان تيان ان من - بوابة السماء - المدينة المحرمة - معبد السماء - القصر الصيفى)
مسجد نيوجى (اكبر واقدم مسجد فى بكين)
منطقة الشوبنج والماركات العالمية والمطاعم فى "وانج فوجينج"
محطة قطارات بكين العظيمة واللى تشبه محطة قطارات القاهرة ومحطة قطارات الاسكندرية ... بس تخيل انك ممكن تركب القطار من بكين لحد موسكو شمالا وهونج كونج جنوبا وقريبا لحد لندن غربا !!!
طولت عليكم ... نكمل فى بوست تانى ان شاء الله
الجزء التانى
/Sicherheitskontrolle
فى اكتوبر الماضى عملت رحلة كومبو
شملت ٦ دول : ماليزيا وكوريا والصين وهونج كونج وتايلاند وتركيا لمدة ٣٢ يوم وهاتكلم زى ما اقترح الادمن العزيز معتز عن التاشيرات وتذاكر الطيران والفنادق والمزارات السياحية المهمة ... اربطو الاحزمة واستعدوا للاقلاع التأشيرات:
- ماليزيا وكوريا وهونج كونج بدون تاشيرات للمصريين وان كان فيه بعض التدقيق مع المصريين فى كوريا واقل منه فى هونج كونج وهاتكلم بالتفصيل عن كل حالة
- فيزا تركيا اخدتها اون لاين لانى اكبر من ٤٥ سنة ولو انت اقل من ٢٠ سنة او معاك فيزا شنجن او امريكا ممكن تعمل فيزا تركيا اون لاين برضه وبدون اى اوراق لا تذكرة ولا فندق ولا حساب بنكى ... بس هناك فى المطار ممكن يسالك عن تذكرة العودة وحجز الفندق
- فيزا تايلاند بتطلع بعد ٤٨ ساعة من سفارتها فى الدقى وبتكتب الابليكشن اون لاين وتطبعها وترفق معاها كشف حساب بنكى لمدة ٣ شهور وخطاب من جهة العمل وتذكرة طيران مبدأية وحجز فندق باسم المسافر وصورتين خلفية بيضاء وطبعا جواز السفر
- نفس الاوراق بتاعت تايلند قدمت بيها قنصلية الصين فى اسكندرية بس كنت عامل كشف الحساب لمدة ٦ شهور والابليكشن بتكتبها يدوى فى القنصلية وبتطلع خلال ١٠ ايام او تلات ايام او فى نفس اليوم لو دفعت رسوم زيادة
التصريح الامنى:
انا ماليش تصريح امنى لانى عديت ال ٤٠ سنة وبيفرق التصريح الامنى من دولة للتانية ومن مهنة لاخرى وهتلاقوا هنا فى الجروب موضوعات كتير عن التصريح الامنى.
ترتيب الرحلة وتذاكر الطيران :
رتبت المدن طبقا لحاجتين: الاولى الطيران الارخص والتانية انى رتبتهم مدينة رخيصة وراها مدينة غالية وهكذا عشان اقدر اتحكم فى المصاريف والعملية ما تضربش منى
حجزت للرحلة دى خمس تذاكر :
التكت الاول على التركية من القاهرة لكوالالمبور والعودة من بانكوك لاسطنبول ثم العودة من اسطنبول للقاهرة (كل دى تكت واحدة كان سعرها اون لاين ٥٨٥ دولار وانا اشتريتها من مكاتب الطيران اللى فى التحرير ب ٥٢٠٠ جنيه مصرى ساعتها)
انطلقت من القاهرة يوم الجمعة سبعة اكتوبر على التركية وعملت ترانزيت فى اسطنبول اقل من ساعتين وركبنا تانى الى كوالالمبور فى رحلة طيران لمدة عشر ساعات وهنا فيه ملاحظتين الاماراتية افضل كتير من التركية من حيث الراحة فى الطيارة كمان المدة من دبى لكوالالمبور حوالى سبع ساعات طيران فبالتالى الافضل الى ماليزيا الطيران الخليجى لانه افخم واقل وقتا ومن افضل الشركات الخليجية الاماراتية والقطرية
وصلت مطار كوالالمبور السبت قبل المغرب والتعامل فى مطار كوالالمبور سلس جدا ما فيش فيه اى تعقيدات ومن المطار الى المدينة عندك عدة اختيارات
التاكسى بحوالى ٨٠-١٠٠ رنجت
جراب كار بحوالى ٦٠ رنجت
القطار الى KL Sentral ب ٥٠ رنجت
الباص الى KL Sentral ب ١٠ رنجت
نزلت فى هوستل قريب من محطة المترو بازار سينى اللى هى على بعد محطة واحدة من السنترال وكان موقعه نموذجى قريب من كل المعالم الهامة اسمه ترافل هوب من موقع بوكينج
اهم المزارات فى كوالالمبور:
طبعا ناس كتير جدا اتكلمت عن كوالا وماليزيا وعشان كده هاقول عناوين بس
- البرجين التؤام ومول سوريا
-برج المنارة
-شارع العرب
حديقة الطيور
سنترال ماركت
تشاينا تاون
جنتنج هايتس
كاميرون هايتس
وطبعا لو عندك وقت اطول فى ماليزيا ممكن تزور بينانج ولنكاوى ومالكا
الاكل فى كوالالمبور
الاكل الاسيوى عموما مش مستساغ لنا لكن الافضل هو الاكل التايلندى وانا كنت فى الاغلب باكل سى فود وباكل فى فود كورت بتاع مول سوريا اللى تحت البرجين التؤام
التكت التانية من كوالالمبور لسول على اير اسيا ودى حجزتها من كوالالمبور ب ١٢٥ دولار بدون شنط ولا وجبة وكان معادها يوم الخميس ١٣ اكتوبر الساعة ٨ صباحا من المطار الاقتصادى فى كوالا KLIA2 وخرجت من الهوستل الساعة ٤.٥ الفجر وركبت تاكسى ب ١٠ رنجت للسنترال واخدت الباص للمطار الاقتصادى ب ١١ رنجت الساعة ٥ وصل حوالى ٦ وركبت اير اشيا لمدة ٦ ساعات لحد سول
وصلت مطار انشن بسول الساعة ٣ العصر وفى المطار استقبلونى استقبال حافل غالبا لانى مصرى
واخدونى لصالة وعملوا معايا زى انترفيو بتاع السفارة وجاى ليه وهتروح فين وشافوا تذكرة العودة وحجز الفندق وبعدين اعتذروا لى وختموا لى دخول لمدة شهر واشتريت كارت المواصلات من المطار ب ٦٠٠٠ وون كورى وشحنته ب ١٠٠٠٠ وون وركبت القطار وبعدين المترو لحد الهوستل الجميل "كيمتشى"كوريا ابهرتنى الحقيقة تحس انك فى اوروبا مش اسيا ... شوارع جميلة جدا ومحلات عالمية وشبكة مترو عظيمة وحديثة افضل من مترو باريس ... باصات جميلة ومناطق سياحية وشوبنج رائعة فى ايتايوان ودونج ميونج وغيرها كتير وممكن ابقى انزل لكم ملف عن اشهر الاماكن السياحية فى كوريا
اهم المزارات فى سول وكوريا:
برج ان سول الجميل
القصور الامبراطورية
منطقة التسوق دونج ميونج واللى فيها مسرح العرض الكورى الشهير نانتا
منطقة ايتاوان السياحية واللى فيها المركز الاسلامى والمطاعم الحلال ومناطق الشوبنج
رحلة المنطقة العازلة بين الكوريتين
التكت الثالث كنت حاجزه اون لاين على طيران جنوب الصين من سول لبكين يوم الثلاثاء ١٨ اكتوبر الساعة ١٢ الظهر من مطار جيمبو واللى لا يقل عن مطار انشن الرائع
وصلت بكين الساعة ٣ العصر وزى ما كان التعامل راقى جدا فى القنصلية الصينية كان برضه فى مطار بكين واستغرق الدخول دقائق قليلة وبرضه اشتريت كارت المواصلات ب ٢٥ يوان وشحنته ب ٥٠ يوان من المطار وسحبت فلوس صينى من المكنة بالكريدت كارد بس خدو بالكم مش كل المكن بيشتغل مع الكروت المصرية وركبت القطار برضه لقلب بكين وبعدين المترو لهوستل "دراجون" فى بكين القديمة
اشه ر المزارات فى بكين:
طبعا رحلة سور الصين العظيم
رحلة معالم بكين (ميدان تيان ان من - بوابة السماء - المدينة المحرمة - معبد السماء - القصر الصيفى)
مسجد نيوجى (اكبر واقدم مسجد فى بكين)
منطقة الشوبنج والماركات العالمية والمطاعم فى "وانج فوجينج"
محطة قطارات بكين العظيمة واللى تشبه محطة قطارات القاهرة ومحطة قطارات الاسكندرية ... بس تخيل انك ممكن تركب القطار من بكين لحد موسكو شمالا وهونج كونج جنوبا وقريبا لحد لندن غربا !!!
طولت عليكم ... نكمل فى بوست تانى ان شاء الله
الجزء التانى
/Sicherheitskontrolle