السلام عليكم ممكن نصائح للحجاج اية الاحتيطات...

[Tamer Anwer]

السلام عليكم
ممكن نصائح للحجاج
اية الاحتيطات وخلافة

 

[Yousef ELmasry]

لا تنسانا من صالح دعائك

 

[Ahmed Darhous]

اهم حاجه التطعيم ، تاخد معاك شوية ادويه ، دوا برد ، مضاد حيوى، كريم للتسلخات . و ماسكات كمان .
و أنسى الدنيا و انت هناك ، اجمل رحله فى العمر و ايام ماتتنسبش .
ربنا يتقبل و لا تنسانا من صالح الدعاء
الحمد لله انا حجيت السنه اللى فاتت ، و تحت امرك فى اى استفسار

 

[Tamer Sabry]

التطعيم يا تيمو
الفواكة علي قد ما تقدر
قزازة مياة معاك اى وقت الحر شديد ومكة الرطوبة فيها هتخليك تفقد مياة
خد كريم التهابات معاك
تخلي بالك كويس جدا من حاجاتك
ابعد عن التدافع خاصة في الجمرات وطواف القدوم والوداع ان امكن متتعرضش لشمس كتير يا تيمو علي قد ما تقدر
هتستمتع باذن الله جدا
وهتعيش احواء روحانية جميلة

 

[Hosam Shaheen Abdulshafi]

ربنا يتقبل ان شاء الله

 

[Tamer Anwer]

انا مطعم من سنتين
محدش عندة فكرة هل اطعم تانى ولا اية ؟

 

[Sayed Mahmoud]

النصيحة الوحيدة: خليك مع نفسك ومتشغلش نفسك غير بطاعة الله.

 

[Mohamed Teleb]

أهم حاجة التطعيم وتبعد عن التدافع ولا تنسانا من صالح الدعاء

 

[Mohamed Kamal]

استخدم الابليكشن ده هيفيدك جدا ولا تنسانا من صالح الدعاء

 

[Mohamed Memo]

التطعيم وهاتلك شبشب مريح عشان المشي الكتير هات اتنين عشان هتلاقي ناس بتلبسو معاك من وراا وهيتقطع هات ٣ مش هيخسر هات احرام بردو زياده عشان لو الي انتا لبسو اتوسخ وشويه ادويه لزوم تغيير الجو وربنا يتقبل أن شاء الله

 

[Mahmmoud Abou Shanab]

متجبش موبيل حديث فيس بوك والكلام دة

 

[Mahmmoud Abou Shanab]

جيب كاميرا بس معاك لو عاوز تصور افضل لحظات عمرك

 

[Tamer Anwer]

لازم موبيل حديث علشان محتاج ابعت ايميلات او استقبل
ومعرفش اخبار النت اية هناك اجيب شريحة نوعها اية والكلام دة

 

[Medhat El Halaby]

استعد بقراءة مناسك الحج جيدا، اشرب من ماء زمزم حتى يملئ ضلوعك

 

[Kamal Badran]

ذاكر المناسك كويس جدا

 

[Tamer Anwer]

قائمة المستلزمات الاساسية للحاج : مهمه جداً #حج


مستلزمات طبية :

1- فازلين لمنع الاحتكاك والتهاب الجلد (مهم).

2-مناديل مبلله أو جل غسول يدوي غير معطرة

3-فرشاه اسنان

4-معجون بدون رائحه أو سواك

5-قفازات بلاستيكيه رقيقه و شفافه ( للاستعمال في الحامات العامه)

6-كمامات للفم و الانف (منع العدوى)

7-بانادول

8-مسكن عام مثل البروفين

9-مضاد مغص معوي

10-حبوب مص للحلق

11-فوار فيتامين سي ( ينصح للحجاج بكيس يوميا من قبل الحج لزياده المناعه)

12-الادويه المزمنه ( لاصحاب الامراض الضغط ، السكر، قلب ، صداع نصفي)

13- ادوية مضاده لنزلات البرد و الاحتقان.


مستلزمات روحانية

1- احرامين + حزام للأحرام

2- يفضل وجود عداد صغير لعد الطواف و السعي ( يعلق باليد به سبع حبات )

3-مصحف ورقي

4-كتيب للادعيه و الاذكار

5-السواك

6-سجادة صلاه خفيفه


مستلزمات الاتصالات

1-موبيل نوكيا صغير ( يعمل 5 ايام بدون اعاده شحن)

2-بنك الطاقه ( شاحن متنقل اكثر من 5000 امبير)

3- مشترك كهرباء متعدد الوجهات له اكثر من واصله ( قله عيون الكهرباء) بالمخيم

4-التأكد من وجود رصيد كافي جدا بالجوال


اخرى

1-شبشب حمام

2- شبشب للمشي ( مريح)

3-نظارة شمسية

4- مأكولات جافه بها طاقه ( مثل السمسمية أو الشوفات.. قلل من الاكل يوم عرفه و المزدلفه لندرة الحمامات)

5-مناديل ورقيه.

6-كيس صغير لتجميع الحصوات بالمزدلفه

7-غطاء مخده ( للنظافه و منع العدوي)

8-مقص

9-شنطه صغيره تعلق بالرقبه ( للموبيل - تصريح الحج - اثبات الشخصيه - الاموال)

10-جوارب ( شرابات)

11- مشط و فرشاه شعر

12- لا تنس كتابه اسمك علي الشنطة

13-ملابس داخليه و خارجيه كافية.

14- فوط استحمام


لا تنسانا من صالح دعائكم

انشرها بين الاصدقاء لتعم الفائدة

-----------


شنطة الحاج

عن تجربه كل ما تكون خفيف يكون افضل .

شنطه وسط صغيره للاوراق (اقامه وفيزا وكرت التامين وشويه فلوس كاش)

وشنطه ظهر رياضية صغيره للحاجه دي

مصحف صغير وكتاب ادعية واذكار صغير .

فرشة سنان ومعجون

وصبونه صغيره (اي صابون بريحه عادي)

وسائل مطهر لليد (مهم جدا )

مرهم مرطب للتسلخات

ومنديل مبلله

شمسية صغيره

مصليه كبيره (تفرشها تقعدوتنام عليها )

مخده نفخ

كمامات

خريطه للمناسك

بور بنك للجوال

طبعا هتجيب احرام نظيف واحد كفايه لو حتى اتسخ مش مهم وشبشب طري يكون خفيف ويفضل انك تلبسه قبل الحج بكم يوم علشان يطبع على رجلك وما يتعبك هناك .

بخصوص الاكل متخدشي اكتر من كروسه وفطاير خفيفه وعصائر علشان ومتكلشي كتير علشان الحمام هيكون صعب .واي فكهه خفيفه زي صباعين موز وتفاحاتين بس .

---------

ده اللى انا فكره الان لو في جديد هعدل البوست



========================•••••••••••••

' للبنات اللي بيحجون هذي خلاصه تجارب الأخوات الحاجات

لجميع الأشياء اللي لها أحتياج في الحج :


روحانيات :

١- مصحف

٢- كتيب اذكار وأدعية

٣- سجادة الجيب

٤-خاتم للتسبيح والاستغفاراومسبحه.

الأدوات الشخصية :

١- فرشة اسنان + معجون بدون رائحة

٢- مزيل للعرق بدون رائحة

٣- شامبو للشعر والجسم بدون رائحة

٤- ليفه وصابونه بدون رائحة

٥- فوط صحية للاستخدام اليومي

٦- قفازات بلاستيكية عشان دورات المياه ماتظطرين تمسكين الباب وطشاش المويه بيدك عشان الجراثيم

٧- مقص للشعر عشان بعد فك الأحرام

٨- كريم للجسم بدون رائحة

٩- أطواق للشعر من نوع القماش الكامل عشان مايضايقك مع الحجاب

١٠- شبكة الشعر حقت الصالونات

عشان تجمع شعرك ولا يطلع يمين ويسار ويضايقك ويحكحك حطيها بعد ماتربطين شعرك

١١- عبايتين

١٢- شورتات لمنع احتكاك الافخاذ



١٤- أكياس بلاستيك عشان تحطين فيها الملابس الوصخه وماتوصخ باقي ملابسك

١٥- شاحن جوال وتعليقه جوال على الرقبة أحفظ للجوال

١٧- غطاء للمخده أنظف وانقى لك..

١٨- الجزم وأنتي بكرامه حاولي ماتكون ربط عشان ماتزعجك باللبس والفصخ

١٩- شبشب حمام ضروري جدا

٢٠- سدادات أذان لأنه في ناس تصحى بدري إذا كنت من النوع إلي نومه خفيف

مناشف للجسم والشعر للاستحمام

٢٢- معقم لليدين يكون بدون رائحة

٢٣- غطاء الفم والانف لمنع أنَــَتَقال الفايروسات بإذن الله

٢٤- بلوفر لأنه مزدلفه يكون برد أحيٱنــا ••

٢٥- أغطيه لمقعد دورة المياه وأنتي بكرامة

٢٦- فيتامين سي الفوار ينصحون دائما الحاج يشرب كأس واحد يوميا عشآن العدوى

٢٧- بندول

28- شنطه صغيره تتعلق بالرقبه أخف من الكبيره

29-طرحتين عشآن لو توسخت اللي تستخدميّن



دة اتبعتلى من اخ عزيز

 

[Princess Dody]

اول ما توصل ان شاء الله بالسلامه هتجيب شريحه موبايل زين و تشترك في باقه نت بالحجم اللي انت محتاجه متنساش 2 شبشب متين لان المشي و التحرك هيكون كتير معقم بدون ريحه صابون بدون ريحه مزيل عرق بدون ريحه و ضروري جدا كريم تسلخات و من هناك هتجيب سولبادين مسكن ممتاز جدا هيساعدك لو تعبت لا قدر الله اهتم بالخيار و الفواكه و العصاير و الميه لان الجو جاف و درجه الحراره عاليه جدا و طبعا سبحه و مصحف و دعاء من قلبك و ربنا يتقبل يارب و يبلغنا وقفه عرفات امين

 

[Hossam Zain]

اياك و التزاحم ...متموتش نفسك و تدوس علي الناس عشان توصل للحجر الاسود

 

[Ayman Yehia]

بص يا باشا الحج لازم كيناكومب من الصيدلية و٢ملابس احرام مش واحد بس
وحبة صحة شوية عشان هتمشي كتير

 

[Maged Shawky Saad]

لو معندكش مشكلة في المشي أفضل انك تمشى من عرفة لالمزدلفة و من هناك لمنى و متبهدلش نفسك فى العربيات