والله يا جماعة اللي بيتغرب عن مصر بيحس بيها...

  • بادئ الموضوع بادئ الموضوع Moataz Ismail Bkheet
  • تاريخ البدء تاريخ البدء
عرض العطلة
M

Moataz Ismail Bkheet

:: مسافر ::
#1
والله يا جماعة اللي بيتغرب عن مصر بيحس بيها أوي ومهما كانت ظروف البلد صعبة لكن أنا بقولكم كفاية الدفئ بتاع الوطن ولمة العائلة والأصحاب... مصر حلوة بجد يا جماعة وان شاء الله أنا هرجع أستقر في بلدي وعاوز أقول لأي حد عاوز يهاجر ويسيب مصر تبقي غلطان...
ربنا يحفظ مصر ويحفظكم
https://www.facebook.com/video.php?v=10159009265185577
 
#5
اسمح لى انا لى راى .. العمر قصير والواحد مش عارف امتى وفين وعلى اى أرض هيموت.
فبتبقى مستصعب جدا مهما كانت البلد اللى انت مسافر لها انك لسة هتبدأ فيها حياة جديدة من الصفر ويا عالم هتنجح وترتاح هناك ولا لا ؟
فى ناس رأيها مهما كانت العواقب فالسفر افصل 100 من مصر لاسباب كتير
انا شايفة انك لو معاك فلوس ومرتاح تقدر تعيش فى مصر كويس جدا وتستمتع بكل شىء..
يعنى عشان تقدر تحس بمميزات البلد لازم تقدر تعيش عيشة كريمة جدا انت واسرتك وتوفر لهم كل احتياجتهم من سفر وفسح وتعليم محترم ....الخ
فاللى معاه فلوس يعيش هنا مرتاح جدا وسط اهله واصحابة وونس العيلة ويبعد عن ويلات الغربة.... ويبقى يسافر عادى بره يتفسح ويطلع على ثقافات الشعوب الاخرى ويرجع تانى
 
عرض العطلة
#6
هنا ولا تعليم ولا صحة ولا اخلاق اللى هى اهم حاجة
اوعى تفكر ترجع عشان اولادك يعيشوا كويس ويتعلموا ويتربوا كويس
كان نفسنا البلد تبقى حاجة تانية
 
#7
لما كنت بره مصر كانت بالنسبالي جنه وعاوزه ارجع
ولما رجعت عاوزه امشي ده طبيعي بتاعنا
لكن للامانه لو جيت مصر ومكنتش امكانيا تقدر تعيش ف مكان محترم وتعلم اولادك تعليم كويس خليك عندك احسن
 
#9
شكلك بقالك كتير منزلتش مصر ، عموما انا مسافرتش قبل كده بس كل اصحابي اللي عايشين بره مش بيكملوا أسبوع وبيبقوا خلاص جابوا آخرهم .
وعندي فكرة تاني تعال هنا وانا اروح مكانك
 
عرض العطلة
#14
مع احترامي لاراء الجميع،،انا مغتربة وبقيت بارتاح في البلد اللي انا فيها اكتر من مصر وبصراحة متمناش أولادي يتربوا في مصر بقت مش بلادنا لا قوانين ولاادب في التعاملات ولا نظافة ولا تعليم ولا صحة وولا أمن ولا اَي حاجة خالص كبيري أسبوعين اشوف حبايبي وامشي
 
#15
مصر حلوة وجميلة للى معاه فلوس....فعلا أجمل بلاد الدنيا......لكن اللى معاهوش فلوس هيشوف فيها أسوأ ايام عمره.....مش مصدق كلامي ادخل اى مستشفي حكومي.....وقارن بين الرعاية الصحية واحترام الإنسان في الدولة اللى انتا مقيم فيها حتى للأجنبي اللى زيك .....والرعاية الصحية اللى هتحصل عليها وانتا في بلدك وتقريبا انك مواطن......هتتمنى تبيع اعضائك عشان تاخد جنسية تانية
 
عرض العطلة
#17
دخلك الشهري في مصر 50 الف او اكتر .....هتشوفها حلوة وجميلة .......اقل من كده هتشوفها متوسطة الجمال.......دخلك الشهري اقل من 5 الاف هتتمني تهج منها
 
#19
أسف رأى أن من تسنح له فرصة العيش خارج مصر لا يتردد أذا كان يبحث عن حياه كريمه ويشعر بأدميته بكل ما تحمل هذه الجمل من معانى ووقتها سيجد الفرق وسيتأكد أن هؤلاء الناس يعيشون بحق وكفانا شعارات لا معنى لها على أرض الواقع
 
#20
الرجوع لمصر صعب ولو عندك اولاد عشان تعرف تربيهم كويس انا سبت مصر مخصوص عشان اولادي وحسيت انهم هيكونوا احسن لو سافرت بيهم لاكن مايمنعش ان الغربه صعبه وصعبه جدا كمان بس كل واحد فينا بيضحي بطريقه لسعاده اولاده واهله والفرق بيبان في اول زياره لدكتور او تقديم للمدرسه او حتي في السوبر ماركت في اداميه واحترام
 
عرض العطلة
عرض العطلة
عرض العطلة
أعلى أسفل
عودة
قائمة