A
Ahmed Momen
:: مسافر ::
بصى يا ستى انا تقريبا لفيت مصر كلها كده واخرها كان دهب من كام يوم
دهب بلد هتحسى فيها احساس غريب ومش مفهوم وهتزعلى وانتى سيباها وراجعه حتى لو كنتى زهقتى وانتى فيها
بلد شبابيه جدا وكل واحد فحاله وهاديه الناس هناك موجود عشان تنبسط وبس اقصى تحرش ممكن يحصل هناك ان حد يبص على حد ويطول وقت البصه
الاماكن البلوهول جميله والسنروكل فيها ومش شرط تكونى بتعرفى تعومى يعنى هتاخدى لايف جاكت وتعيشى وفى محميه ابو جالوم والثرى بولز والعشا الجبلى باليل فى الطويلات مع الغنا والرقص والشمع
يمكن عشان انا بحب الصيد اخد مركب ونزلت 18 ساعه جوه البحر وطبعا احساس لا يوصف اصلا بالمره
البلد حلوه وتستاهل تروحيها والاكل رخيص جدا يعنى وجبه باربعين جنيه عباره عن ربع فرخه وخضار وسلطه وشوربه مثلا
والناس هناك فعلا غلبانه وطيبه وعايشه بسلام
دهب بلد هتحسى فيها احساس غريب ومش مفهوم وهتزعلى وانتى سيباها وراجعه حتى لو كنتى زهقتى وانتى فيها
بلد شبابيه جدا وكل واحد فحاله وهاديه الناس هناك موجود عشان تنبسط وبس اقصى تحرش ممكن يحصل هناك ان حد يبص على حد ويطول وقت البصه
الاماكن البلوهول جميله والسنروكل فيها ومش شرط تكونى بتعرفى تعومى يعنى هتاخدى لايف جاكت وتعيشى وفى محميه ابو جالوم والثرى بولز والعشا الجبلى باليل فى الطويلات مع الغنا والرقص والشمع
يمكن عشان انا بحب الصيد اخد مركب ونزلت 18 ساعه جوه البحر وطبعا احساس لا يوصف اصلا بالمره
البلد حلوه وتستاهل تروحيها والاكل رخيص جدا يعنى وجبه باربعين جنيه عباره عن ربع فرخه وخضار وسلطه وشوربه مثلا
والناس هناك فعلا غلبانه وطيبه وعايشه بسلام
M
Mohamed Farouk
:: مسافر ::
دهب كلها على بعض مدينه جميله جدا واجمل مافيها الطبيعه دهب سياحه متنوعه يعنى ممكن غطس او سنوركل فى اماكن زى البلو هول والثرى بولز او الكفز او العصله والايل جاردن وممكن الترجل فى مناطق زى المصبط ودا المكان اللى فيه الباازارت والسنترات والمحلات والاسواق او الترجل فى مناطق ساحليه زى منطقة وادى قنى او جبر البنت وممكن الحفلات اللى بتتعمل فى الصحارى والحفلات البدوى وسعرها معقول جدا فى كمان هناك حاجات ترفيهيه زى رحلات البيتش باجى والشراع .فى كمان اماكن لسه مااخدتشى شهرة عند المصرين اماكن جميلة الفترة الللى جايا هاتتعرف وهايكون ليها رواج كبير دا لانى دهب لحد سنة 2009 ماكنتشى معروفه اوى ونادر ماكنت تلاقى مصريين بيقضوا اجازتهم هناك .مدينة دهب لها طبيعه خاصه الصراحه ولها مذاق خاص مش هى بس الصراحه الجنوب كله كدا وبالاخص دهب ونويبع