ان شاء الله السنه الجايه في 2018 انا وزميلي بنحضر عشان نسافر بلادالمغرب العربي عشان نتسلق جبل الطوبقال اعلي جبل في شمال افريقيا واعلي قمه جبل في الوطن العربي بس طبعا لانه الرحله دي هتكون صعبه لانها هتكون في شهر 1 عز التلج هنتمرن هنا في مصر قبل لما نسافر التمرين هيكون في مدينه سانت كاترين بما انها اكتر مكان في مصر لقينا فيه جبال تقريبا وظبطنا مع البدو الي هناك وقالولنا انه افضل مكان هو وادي جبال في سانت كاترين وبالفعل سافرت سانت كاترين شهر 1 الي فات وحددت مسار الرحله وكمان حددنا الميعاد هيكون في بدايه شهر 8 الي جاي خط سير الرحله بتاعتنا هيكون كاالتالي هنتسلق 4 جبال ونبات في 4 وديان طبعا احنا هنوصل سانت كاترين بليل الساعه 7 مساء وهنبات في كامب في المدينه عشان نبدا رحلتنا الفجر
اول يوم هنتتسلق جبل عباس وهنبات في الجيلي ماكس
تاني يوم هنتسلق جبل باب الدنيا وهنبات في فرش الرمانه (المكان الي المصريين ماتوا فيه )
تالت يوم هنتسلق الجبل الاحمر وهنبات في الجلت الازرق
رابع يوم هنتسلق جبل الصفصافه والمبيت في وادي الاربعين احنا هنسافر سانت كاترين عن طريق الباص الي بيطلع كل يوم الساعه 11 ظ من الترجمان تذكره الباص هتكلف حوالي 200ج رايح جاي بالنبسه بقي لباقي تكاليف الرحله هتكلفنا حوالي500ج للبدو والجمل الي هيشيل الحاجه غير انهم هيفضلوا معانا 4 ايام وسط الجبال والمكتب الي هيطلعهم(الشيخ موسي) ده غير اخر يوم ده هنعمل حفله باربكيو صغيره عشان نتفق علي رحله جبل الطوبقال ده غير الكامبات الي هنبات فيها بين الجبال كل ده تبع حساب ال 500ج وحوالي290ج تصاريح دخول سانت كاترين والكامبات الي هنبات فيها في المدينه دي طبعا غير الكامبات الي هنبات فيها اثناء الرحله يعني كل واحد فينا هيتكلف 1000ج الحقيقه الرحله علي اد ما هي صعبه علي اد ماهي هتكون حاجه جميله جدا للذكري وطبعا التصاريح ده حوار لوحده عشان كده الناس الي هتيجي معانا تكلمني شات عشان اخد اسمائها ورقم البطاقه عشان التصاريح و ده غير طبعا انه فيه شويه اساله عشان اعرف انك اصلا مؤهل للرحله ولا لأ اصل مش معقول هاخد معايا حد جبل الطوبقال يموت ولا يتجمد مني فوق الجبل الموضوع برده مسؤليه
بالنسبه للاكل بنجيب معانا اكل معين وده نفس الاكل الي انت هتجيبه لو اي حد جاي معانا
ملحوظه اخيره الرحله دي مش طالعين نتفسح احنا طالعين نتمرن علي حياه الجبال يعني موضوع الفنادق 5 نجوم ده مش نعرف اصلا عنه حاجه
