مساء الخير، لو سمحتوا انا عايزة اسافر دهب...

[Ghada S. El-Tablawy]

مساء الخير، لو سمحتوا انا عايزة اسافر دهب (هنبقى عيلة معايا بابا وماما) قريت البوستات اللى عن دهب الموجودة وفهمت ان الاحسن يبقى الفندق على الممشى السياحى.

بس فى منكوا برضه قايل ام الاحسن يبقى قريب من اماكن البلو هول .

هسأل اسألتى على نقاط وياريت اى حد عنده معلومة مايبخلش

١- الاحسن فعلا فنادق على الممشى ولا قريب من الاماكن السياحية ؟ واقتراحات فنادق لو سمحتىا عن تجربة ( تنفع لعيلة فيها كبار سن)

٢- طريقة حجز الباكدج لدهب ازاى بالظبط؟ فى ناس كاتبة ان الحجز هناك فى دهب وناس كاتبة من هنا قبل السفر؟وناس كاتبة ان احنا بنفاصل فى السعر .

٣-ياريت تقولولى الاماكن السياحية اللى تتراح والانشطة اللى تتعمل؟ يعنى انا لقيتكوا كاتبين اماكن كتير اوى مش فاهمة دى عبارة عن شواطئ ولا اماكن تتزار ولا ايه ؟وياريت لو اعرف ايه قريب من ايه( عشان اعرف انظم) يعنى البلو هول جنبها ايه وكدة

٤-ازاى مايضحكش عليا سواء فى حجز الفنادق او تأجير معدات او حجز انشطة؟

شكرا جدا ليكوا.

 

[Boka Mamdouh]

..

 

[Tasneem Keshk]

Up

 

[Maha Aboelela]

Alaa Ashraf

 

[Ebthal Elsayed]

....

 

[Noha Fouda]

Hema Ibrain could you help

 

[Asmaa Badran]

الاحسن تحجزى على الممشى جمب الكافيهات والمطاعم والاسواق البلو هول مطرفه شويه ،، الباكدج انا روحت حجزت هناك والاسعار متقاربه كلها

 

[Asmaa Badran]

الاكتفيتى اللى هتعملوها snorkeling diving hiking وممكن عشا بدوى بس لو معاكى كبار سن معرفش ممكن يتبسطو ولا لأ بحسها عايزه دماغ شباب اكتر

 

[Amany M. Ewada]

طب انا لو حاجزه فندق ع الممشي
اروح ازاي البلو هوول؟!

 

[Aml M. Hamed]

انا شايفه انه يبقي الاحسن علي الممشي عشان الممشي هو قلب البلد وتقدري تخرحي براحتك بليل بدون تقيد
ولو علي الاماكن اللس هتزوريها
بلو هول - ثري بولز- اللاجونا -بلو لاجونا - محميه ابو جالوم - وادي جني
العشا في جبل الطويلات - السفاري
بالنسبه للحجز ممكن تحجزي علي بوكينح والفندق هو اللي هيتولي تنظيم البرنامج بتاعكم والرحلات او ادخلي بيدج دهب تورز بتنظم رحلات كويسه واسعارها معقوله

 

[Nouran Ali]

الفندق اللى نزلت فيه اسمه شمس
من احسن الفنادق فى دهب قريب من كل حاجه بمعنى الكلمه ، قريب من موقف جو باص بالضبط ٥ دقايق مشى ، حواليه المطاعم والمحلات كلها وسعره فى مايو كان ٣٥٠ غرفه دبل بالفطار اتصلنا بالفندق وحجزنا

 

[Maram Eldeeb]

Dr-Ayman Azazy ممكن تسأل في الجروب دة

 

[Mostafa Mahmoud]

Bahaa Samir could you help her

 

[Marina Botros]

حبه معلومات كده عالماشي عند دهب
هتسافري دهب عندك مواصلات شرق الدلتا وجوباص ادخلي علي جوجل واعرفي التفاصيل بالوقت والسعر
أسعار الفنادق والهوستل عندك booking w tripadvisor w trivago شوفي محتاجه ايه فالفندق واعملي سيرش بيه
وقارني وشوفي المده
في دهب في مكانين قريبين من الممشي
يأما الفندق فالممشي نفسه أو شارع المشربيه وده لو انتوا شباب وعاوزين امان اكتر وتتمشوا براحتكوا وتاكلوا من الشارع الأسعار عاديه وفي اكل كتير وكله قريب من بعضه
موقف جو باص في ظهر الممشي مش بعيد 5 دقايق من الممشي والطريق بالكماين بياخد 9 ساعات ويبقي معاكي حجز الفندق عالموبايل عشان بيسالو عليه بس مبيدققوش اوي مع الستات بطاقتك معاكي منتهيه أو ضايعه خدي الباسبور
لو هتحجز فندق بعيد عن الممشي يبقي تحجزيه بالأكل ومن الفنادق دي تروبيتال دهب ايبيز دهب وهابي لايف
لو شباب يبقي فندق فالممشي وتاكلوا من شارع المشربيه
لو كبار سن وفي أطفال يبقي من الفنادق اللي بعيده عن الممشي والاوفر يبقي بالأكل عشان يسهل عليكم
الرحلات الداخليه
هتلاقي شركات سياحه كتير فالممشي
عشان تشوفي الجمال
لازم تروحي البلوهول ويبقي معاكي كوتشي بحر عشان تعملي سنوركلينج الرحله هتبقي ب 35 40بالعده والمواصلات واللايف جاءت 25 تأجير
تاني رحله الثري بولز 3 فتحات فالميه فيهم سمك وشعب وجمال طبيعي ودي هتكون ب 35 40 واللايف جاكت 25
تالت رحله سهره بدويه خديها من غير عشاء ب 50 جنيه شاي وقعده بدوي واغاني وجبل الطويلات
لازم تروحي شط اللاجونا كأنك فالمالديف مواصلات اي عربيه توديكي 30 40
وانبسطوا بقي بجمال دهب والممشي
ولو في بنات كتير عاوزة تروح ممكن انظملكوا رحله بنات بس
دهب حر جدا رغم جمالها احسن وقت تروحي فيه 3 و4 و 9 و10 و11
دمتم حلوين مبسوطين مسافرين فرحانين

 

[Marina Botros]

كبار سن واطفاب يبقي في فنادق بعيده عن الممشي عشان تبقي بالأكل ويبقي في حمام سباحه وممكن تتنقلي عادي من الفندق وعندك تروبيتال دهب في باص فري بيروح الممشي كل ساعتين

 

[Fatma Hussine]

Hadeel Ayman. Amr Taha Leena Helmy Muhammad Ayman Helmy
يعني في ناس كبار بيروحوا

 

[Alaa M Hisham]

F

 

[Eman Saadawy]

طب فندوق نوفيتيل حد راحه وهل هو قريب من الممشي وقلب البلد وبالنسبه الخدمه

 

[Lydia Riad]

الممشى هو عبارة عن اوتيلات نجمتين و 3 نجوم جمال جدا و فى قلب البلد مش هتحتاجى اى عربيات لكن الشواطئ فى الممشى مش رملية فهتكون متعبة بالنسبة للكبار.. لكن أنسب اوتيل فالوضع ده Ibis Styles شاطئ كبير رملى و مريح و الاوتيل نفسه رائع هيوفرلك كل حاجة.. هتحتاجى تاخدى عربية بتبقى ربع نقل "دى وسيلة المواصلات فى دهب" من عند الفندق هيوديكى الحتة اللى عايزاها و برده هتلاقى فالرجوع.. بالنسبة للأنشطة snorkeling و القعدة فالجبل كل أماكن ال snorkeling بعيدة شوية أقرب مكان اسمه 3 pools و بعد كده ال blue hole دول ممكن كلكم تروحوهم.. مش لازم تحجزى انتى ممكن تاخدى العربية اللى بقولك عليها هتوديكى اى حتة.. و لو عايزة تحجزى يبقى يا أما من الممشى أو من الاوتيل.. و لو عايزة تسألى تانى ابعتيلى

 

[Motaz Soliman Mohamed]

..