انا مسافرة ان شاء الله Gansu فى الصين لمده...

[Iıllılıl Amr Iıllılıl]

اولاً ان شاء الله تكون رحلة موفقة وترجعي بالسلامة
ثانيا متقلقيش طالما تدريب تبع الشركة فا أكيد الموضوع حيكون متنظم انتي مش حتكوني بطولك
ثالثا، في التواصل هناك حاولي تتواصلي مع شباب مش ناس كبيرة لان الشباب اغلبهم درسوا انجليزي عكس من هم فوق ال ٤٠ حتلاقي قليل اوي فيهم اللي يعرف انجليزي
رابعا. المياه هناك لازم معدنية و امرها ساهل كل كام متر حتلاقي سوبر ماركت " ودي من اهم الحاجات لما تقيمي في الفندق تاخدي منهم كارت وخريطة و تمشي تتعرفي عالمنطقة و اقرب ماركت، اذا لا قدر الله معرفتيش ترجعي توقفي تاكسي و تديله الكارت حيوصلك عالعنوان اللي فيه"

 

[Iıllılıl Amr Iıllılıl]

صدقيني جربي الحياة هناك من غير فيسبوك، خدي مصحف و كتاب جديد و بليل وانتي في الفندق اتسلي كده، حتحسي باليوم مش زي هنا بنضيع نصه.
بس عموما زي مالناس تفضلوا وقالوا لازم VPN علشان تدخلي علي اي من المواقع دي هناك
Youtube, google, facebook
بالمناسبة في اكتر من برنامج VPN هما قافلينه هناك منهم الاشهر hotspot shield مقفول.

خط التليفون امره سهل والافضل لو رايحه علي شركة تتواصلي معاهم و تطلبي منهم يوفرولك خط و يشحنوه دولي ب ١٠٠ يوان
نزلي برنامج لمواقيت الصلاة من وانتي هنا و ظبطي المدينة علشان هناك تبقي الامور سهلة ان شاء الله
المطاعم الحلال كتير و لو حتاكلي في مطعم زي ماك او كنتاكي فأفضل حاجه و الأكثر امان seafood

 

[Ahmed Shaaban]

Muhammad Said محتاجين مساعدة هنا

 

[Issy Hossam]

Vpn ,,

 

[Islam AboElleil]

اضافه لما سبق
في مطاعم بتقدم اكل صيني للمسلمين ومنصحكيش بيها لأن طعمها بالنسبة لي كان سئ جدا
في مطاعم تركي وباكستاني وهندي وكويسين جدا وصادفت ناس شغالين ف المطعم التركي بيتكلموا عربي
في كمان ماكدونالدز sea food
وفي بيتزا هات مارجريتا وبيحطوا ذرة عليها
حاولي تخلي عنوان القندق معاكي دايما مكتوب بالصيني
هما ف الفصال ابشع من المصريين فلازم تستغلي قدراتك المصريه وخلي بالك لو حاجه ب ٣٠٠ ممكن يقولك ب ٣٠٠٠ الاف وبعد اول فصال يقولك خلاص ب ١٥٠٠ عشانك فأنتي بتتلخبطي ومش بتكوني قادرة تحكمي ايه اقل سعر ممكن تاخدي بيه
انصحك انك تشتري حاجات جلد كتير لأنهم متميزين ف كدة يعني مرة جبت حزام جلد من سوبر ماركت كلفني ٣٠ جنيه مصري وعايش معايا سنتين لحد الان
المولات بتكون اسعارها ف الاغلب غاليه وفي اماكن مش بيرضوا ينزلوا ولو حتى ٥ يوان
خدي بالك من التأخير ف المطار لأن في ناس شغالين ف المطار ميعرفوش انجليزي خالص عندهم
- حاولي تصوري المطار من فوق لأن مطار جوانزو تصميمه تحفه
- لما ترجعي عندنا (منصحكيش ترجعي) لما الراجل يعرف انك جايه من الصين هيفتش الشنطة كأنك جايبة الصين كلها وراجعه
- تجربة شخصية اشتريت ساعات رجالي وحريمي حوالي ٦ ساعات (High copy with high quality)
والساعات ادائها كويس جدا لحد الان
- في محلات عندهم زي اللي عندنا مكتوب عليها بجنيه ونص والحاجات دي حاولي تدخليها هتنبسطي جدا وممكن تجيبي منها هدايا كويسه ( اقلام شيك/ ماوس وايرلس شيك جدا سعره هنا غالي جدا / زجاجات مياة رياضية/ اسكتشات تدوني فيها ملاحظات/ شرابات كل الكلام ده بأسعار فارغه هناك)
اشتري power bank ماركة misou ع ما افتكر وكان رخيص هناك حوالي ما بعادل ٧٥ جنيه ايام ما كان اليوان بجنيه وربع(مش عارف حاليا بكام)
-هتلاقي موبايلات ماركات مش معروفه عندنا انما الصراحه فيها امكانيات رائعه جدا وسعرها كويس عيبها الوحيد لو باظ مش هتعرفي تصلحيه هنا
ان شاء الله تستمتعي

 

[Ahmed Elsayed]

ال power Bank الماركة اسمها mini su هو ياباني تصنيع صيني طبعا بس نظيف جدا ال 100000mha كان ب 79 يوان
ممكن بردوا الشنط لاب أو شنط سفر أو حريمي
بس اهم حاجه الفصال ممكن تاخد الحاجة ب 15% من تمنها لو في فصال

 

[Mohamed Samir Azklany]

لو تقصدي صانزو ... انا كنت هناك شهر مارس ... نزلي VPN ... اي اصدار او اي اسم و جربيه ماشتغلش ... شيليه و نزلي غيره ... تاني حاجه ماتتعشميش اوي انك تنزلي تضيعي وقت او تتفرجي ع حاجه 　 لان مافيش حاجه تتشاف ... حتى المولات بيمشوكي منها الساعه 8 و نص بليل لانها بتقفل 9 ... الصين حرفيا بيناموا م العشا !!!! و بعدين الدنيا هناك بتتوه ... فلو خرجتي ممكن ماتعرفيش ترجعي لوحدك ... لو حصل و خرجتي ... خدي كارت م الفندق فيه الاسم عشان لو تهتي توريه لاي حد يرجعك ليه ... بالنسبه للاكل ... فيه فنادق كتير فيها اكل حلال جمبري و اسماك و فراخ ... و هتلاقيهم حاطين ده من بره ... فياريت م الاول لو فيه guide هناك ياخدك يوديكي فندق فيه وجبات حلال ... ف المطار اشتري خط انترنت ياباني مش صيني ... لان الصيني بيبقى 2G مثلا!!!! لو خلصتي شغلك و تدريبك ... خدي القطر و انزلي بكرين اتفسحيلك يومين

 

[Ahmed Alaa]

نصيحه مهمه جدا جدا جدا اول ما توصلي الصين لو حتسكني في شقه لازم تروحي قسم البوليس اللي انت تابعه ليه وتعملي رجيستريشن واي حد يقولك مش مهم انك تعملي الرجستريشن حطي صوابع ايدك ورجلك في عنيه .... انا اول ما وصلت الصين عملت رجستريشن ... بس غيرت الفندق وروحت شقه ... عشره من البوليس جولي البيت قبل ما اسافر بيوم ... وكانت تجربه اسخف من السخافه ... ودفعوني غرامه ١٠٠٠ يوان ...
حرصي كويس