انا مسافرة ان شاء الله Gansu فى الصين لمده...

  • بادئ الموضوع بادئ الموضوع Nayera Essam
  • تاريخ البدء تاريخ البدء
عرض العطلة
N

Nayera Essam

:: مسافر ::
#1
انا مسافرة ان شاء الله Gansu فى الصين لمده تلات أسابيع تدريب تبع الشغل بعد اسبوع وعرفت ان مافيش استخدام facebook او google فى الصين :( ايه الحل للnavigation لو حبيت فى اوقات فراغي اتجول و اشوف المعالم اللى حواليا ؟؟ و اخبار خطوط االموبايلات و النت هناك ايه من حيث الخدمة و السعر و أجيب منين؟؟ و المياة صالحة للشرب ولا هاقضيها شرا ازايز مياة؟؟ ياريت لو حد راح المكان ده قبل كده يقولى اي نصايح لأنه واضح انه مكان مش شائع و دى اول مرة ليا الصين
 
#4
jUYrgLxsxIcVCuJcGxNZOjBKyibpZUsN.jpeg
 
عرض العطلة
#6
اعمليله activate في مصر قبل ما تروحي و ساعات بيشتغل من غيره اصلا عشان تتاكدي انه شغال هتلاقي timer اشتغل و في شاشة التليفون من فوق مفتاح
 
#7
و الميه في ازايز بتبقي كبيرة مش فاكرة ٣ لتر تقريبا للاوضه و هاتي ازايز صغيرة وانتي ماشية بس متشربيش م الحنفية ابدا
 
عرض العطلة
#11
انا روحت قبل كده gansu .. روحت مدينه اسمها lanzhou .. عامه هناك المقاطعه فيها مسلمين كتير وهيبقي في أكل إسلامي في كل مكان ان شاء الله .. لازم vpn .. حاولي تاخدي معاكي أكل افضل لو عرفتي
 
#12
حملى برنامج ExpressVPN وخدى ال Trial Period بتاعته حوالى ٣٠ يوم هتكفيكي وزيادة ، خطوط الموبايلات حسب اللى انتى محتاجاه بس انضف شركة هناك هيا China Mobile 4G تغطيتها جبارة وموبايلي كان شغال 4G+ فى كل حتة وطبعا عمرى ماشفتها تانى من ساعة ماسبت الصين ، مفيش مية صالحة للشرب هناك فى اى مكان لازم معدنية ، فى الفندق تشترى الزجاجة ال ١٥ لتر كانت تقريبا ولون العلامة بتاعتها اخضر بس مش فاكر اسمها ابدا ، ولما تنزلى تشترى زجاجة صغيرة ، الكبيرة كانت ب ١٢ ريممبي والصغيرة ب ٣ ريممبي اخرها ، الكان البيبسي والكلام دة كله ب ٣-٤ ريممبي مش اغلى لو قالك ٦ ترميها ف وشه علطول ، الاكل هتلاقي مطاعم حلال بالهبل هناك فوق ماتتصورى ، وعموما ماكدونالدز هناك بيكتب كل المكونات بالانجليزي غالبا فمتقلقيش وهو كويس جدا ومالهوش علاقة بمكادونالدز الزبالة اللى فى مصر ، اي سؤال انا جاهز.
 
#13
الاكل الحلال الوحيد في ماكدونالدز fillet o fish حلو جدا بس مفيش غيره حلال عندهم باقي المطاعم وانتي ماشية هتلاقي كلمة حلال كتير جدا و لازم تفاصلي هناك في هدوم او شنط اكسسوارات مش اكل بتنزلي حوالي ٣٠ او ٤٠ % من سعر الحاجة لو مرضيوش ارميهالهم هيندهوا عليكي
 
عرض العطلة
#16
الفيس بوك بتعنا بيشتغل هناك لو انت عمله تجوال و باقت نت لكن لو دخلتي علي الواي فاي او نت تبع الصين نش بيشتغل الفيس بتعنا خالص
المياه لازم تشتري مياه معدنية و برده هتتعبي شويه في الاكل انك تلاقي حاجه تكليها
اعملي سرش من هنا علي المطاعم التركي و هي موجوده فب الصين و الوحيده اللي ممكن تكلي فيها و انت مطمنه شويه
اي مكان عيزه تروحيه لازم يبقي معكي اسمه و عنوانه مكتوبين بالصين و تطبعيه عشان سواقين التكسي مش بيعرفوا اي لغه تانيه
نصيحه كمان لما تشتري حاجه و تتفرجي علي المعروض و يجبلك تشتريها هجبلك حاجه مغلفه في كيس لازم تفتحيها و تشوفيها كويس جدا و المقاس و الخامه بتكون مختلفه خااااالص
اوعي حد يقولك هفرجك علي الهاي كوبي في المحل التاني او الدور اللي فوق او في الشارع يقولك في كرنفال في الشارع التاني تعالي اتفرجي و تروحي معه ... هتتسرقي
ربنا معكي و رحله سعيده ان شاء الله
 
#19
بصى انا لسه راجعه من تلات شهور اهم حاجه حملى vbn ومتحوليش فلوسك كلها من المطار حولى تمن التاكسى بس وحولى من شارع شاو باى هتلاقى ناس قاعدين قدام المطاعم العربى وخدى معاكى ادويه الاساسيه واى حاجه تكتبيها بالصينى عناويين او اى حاجه عايزها لانهم مبيتكلموش انجليزى الا نادرا ومتستخدميش التاكسى كتيير لانه مكلف استخدمى المترو والباص ومتقلقيش هم ناس طيبين جداا والمايه اشترى مايه لان مايتهم طعمها غريب وخدى معاكى تونه وجبن ضرورى اول كام يوم هتحتاجيهم
 
عرض العطلة
عرض العطلة
عرض العطلة